Hagayi 2:6 - Kifuliiru

⁶ Nie Nahano woꞌbushobozi bwoshi nadetaga kwokuno: Ha nyuma hiniini, ngashubi shagania igulu neꞌkihugo. Ee! Ngashagania inyaaja, kiri noꞌbulambo.

Hagayi 2:6 Referans Kwoze

Hisaaya 10:25

Mukuba, buzira kutindirira, ndagaki mùrakarira. Haaho, lyo ngaleeza ubute bwani mu Bahasuriya, halinde mbaminike.»

Mikolezi 2:19

Ngakizi yerekana ibitangaaza ku biri kwiꞌgulu, na ngire ibyereso ku biri hano mu kihugo. Hagaboneka umuko, noꞌmuliro, halinde ikyusi kinakizi tutumuka ku bwingi.

Hisaaya 29:17

Umenye kwo masaasa atabukwa, ulubako lweꞌLebanooni lwâye hinduke ndalo nyiija. Iyo ndalo, nayo inashubi shushaana noꞌlubako.

Baheburaniya 10:37

Mukuba, ha nyuma hiniini, «Ulya woꞌkuyijaga, agayija ngana, ataganatinda.

Hezekyeri 38:20

Abandu booshi ba mu kihugo, mango bambanda kwaꞌmasu, bagayami lenga mweꞌkinyukura, kiri neꞌfwi, noꞌtunyuni, neꞌnyamiishwa, na íbiri mu yibulula. Imigazi yoshi igayihongoleka haashi, kuguma neꞌnzitiro, neꞌbibambaazi.

Yeremiya 51:33

Nahano woꞌbushobozi bwoshi, Rurema waꞌBahisiraheeri, adetaga kwokuno: «Abababeeri, abagoma bakola mu bahinyata-hinyata, nga kwo bali mu yeluula ingano ku kyanya kyeꞌmimbu. Ee! Ikyanya kyoꞌkuyimbula i Babeeri kikola kigaahika.»

Hisaaya 34:4

Igulu ligabungwa-bungwa, nga kwo bali mu bunga ikitaabo kibungirize. Indonde íziryagagi kwiꞌgulu zooshi, zinajongoloke, zinayume nga bibabi byeꞌmilandira, kandi iri nga bishulu byumu byoꞌmutiini. Zooshi zinabugumukire mu kihugo.

Zaburi 37:10

Ee! Ha nyuma hiniini, banangora-mabi batagaki ba ho. Kundu mwangagendi baloogeza ho bashuba, batagaki boneka.

Bwigule 11:9

Birya birunda bigaamala isiku zishatu neꞌkitolo, abandu bagweti bagabiloleera, iri banalahira kwo bitaziikwe. Yabo bandu bagaaba balyosiri mu mahanga gooshi, na mu milala yoshi, na mu ndeto zooshi, na mu bihugo byoshi.

Hayubu 9:6

Ali mu shagania ikihugo, halinde kinashaage ahandu haakyo. Kiri neꞌnguliro zaakyo, zinakizi juguma.

Zaburi 18:7

Ikyanya nâli gweti ngalibuuka, nanatabaaza Nahano. Ee! Nꞌgatabaaza Rurema wani, kwo atuuziri mu nyumba yage. Haaho ngana, ikyanya ngi gweti ngaalira, ananyuvwa.

Hisaaya 2:19

Ikyanya Nahano agayiji jugumya ikihugo, agakangana ku bulangashane bwoꞌbukalage bwage. Haahago, abandu banagendi yifunda mu nyaala, banahumbe neꞌbishimo, gira bagendi yibisha mwo.

Hisaaya 13:13

«Nie Nahano woꞌbushobozi bwoshi, bwo ngoli rakiiri, ngashagania igulu. Kiri neꞌkihugo, ngakijuguuvya, kishaagage ku ndaliro zaakyo.

Yeremiya 33:14

Nahano ashubi detaga kwokuno: «Mu siku ízigayija, yibyo nalagaania Abahisiraheeri naꞌBayuda, ngabikola.

Hezekyeri 38:19

«Ku yulwo lusiku, mu kihugo kyeꞌHisiraheeri, hagalenga sizigirye woꞌmusisi.