Hagayi 1:6 - Kifuliiru

⁶ Kundu mukabyala imbuto nyingi, halikago mwanayiji yimbula biniini naaho. Na kundu mugweti mugaalya, si mutali mu yiguta. Na kundu mugweti mugaanywa, si muki nyotiirwi. Na kundu mugweti mugayambala, si muki kaywiri. Neꞌkyanya muli mu longa imbembo, ziri mu yami mala, nga zikalokezibwa mu ludaha lutule.”

Hagayi 1:6 Referans Kwoze

Hagayi 1:9

«Mwehe, kundu mukalangaalira umwimbu mwingi, haliko mwanayiji yimbula muniini naaho. Gulya muniini, ikyanya mukagutaahana, nꞌgayami guyehuulira hala. «Nie Nahano woꞌbushobozi bwoshi, namùbuuza kwokuno: “Kituma kiki byaba kwokwo? Yuvwagwi! Inyumba yani iki shasiri. Kundu kwokwo, ngiisi muguma winyu agweti agahahalira iyeꞌmwage naaho.

Hosheya 4:10

Kundu bagakizi lya bweneene, halikago batagakizi yiguta. Na kundu bagakizi shulehana, haliko batagakizi buta. Mukuba, nie Nahano keera bakanjanda, banakizi kulikira íbiri mu yikumbwa.

Hagayi 2:16

Ikyanya mwâli langaliiri kwo mugalonga ibitiri makumi gabiri byeꞌngano mu kihinda, si mwâli kizi longa ibitiri ikumi naaho. Neꞌkyanya mwâli kizi genda, mbu muvunuulage ilitiri makumi gataanu zeꞌdivaayi, mwâli kizi vunuula ilitiri makumi gabiri naaho.

Hosheya 8:7

«Yabo bandu, bakabyala imbuusi. Si mu kuyimbula, bagakizi yimbula ikihuhuuta! Imbuto zeꞌngano, kundu zigweti zigakizi mera mu ndalo, halikago, ndaayo mihuli igakizi bitongeka kwo. Na kundu yangatongesiri kweꞌmbuto, si ibinyamahanga byo bigakizi zirya.

Hisaaya 5:10

Ihekitaari zishatu zeꞌndalo yeꞌmizabibu, zigakizi kandwa mweꞌlitiri makumi gataanu naaho zeꞌdivaayi. Ngiisi úgakizi byalaga ibitigiri ikumi byeꞌmbuto zeꞌngano, agakizi yimbula ikitigiri kiguma naaho.»

Zakariya 8:10

«Ikyanya batâli zaazi tondeera ukuyubakulula inyumba ya Rurema, ndaazo fwaranga zo bangahembiri kwaꞌbakozi, kandi iri zoꞌkukoleesa ibitugwa. Ndaanaye mugeezi úwâli kizi genda noꞌbutoge. Si abagoma bâli riiri ngiisi luhande, nanashombania abandu booshi.

Zakariya 5:4

«Nahano woꞌbushobozi bwoshi, adetaga kwokuno: “Yiryo idaaki, ngalilungika mu nyumba ya ngiisi muzimba, na mu ya ngiisi úgweti úgakizi koleesa iziina lyani, mu kubiika indahiro zeꞌbibeesha. Lirya idaaki, ligabeera mwomwo, halinde iyo nyumba, linagijigiivye lwoshi-lwoshi, ukutondeerera ku miganda yayo, halinde ukuhisa ku mabuye gaayo.”»

Yeremiya 44:18

«Halikago, ukulyokera ho tukalekera ukuhoza umugoli wa kwiꞌgulu, lyo tukagoorwa bweneene! Twanakizi yitwa mwiꞌzibo, kiri na kwiꞌshali.»

Yeremiya 14:4

Bwo bakoli jondamiri, bakola mu bisha amalanga gaabo. Mukuba invula keera ikahangama, niꞌdaho likoli hangaliiri.

Zaburi 107:34

Ikyanya abandu bâli yifuuziri mu byaha, anakizi hindula ikihugo kyabo kiginuunuke.

Hayubu 20:28

Yibyo bindu byabo, umwijulire gwaꞌmiiji, gugabibindikira. Ee! Rurema yenyene agabishaaza ku buraakari bwage.

Hayubu 20:22

«Kundu bangaba baki gaziri, haliko bagayami longa amakuba, banayiji kengeera balibuuka ngana.

1 Baami 17:12

Uyo maawe naye, ti: «Nga kwo Rurema Nahamwinyu ayamiri ho, ku kasiisa ndaki hiiti íhikateerwa ku shinda. Si mu kitiri, nzigiriini ikigasha kiguma naaho kyoꞌmushyano. Na mu njebe, musigiiri utuvuta tuniini. Kwoku, ngweti ngasheenya utushaali, gira yutwo útusigiiri, ngendi tudeeka. Twe na mugala wani, mango twayusa ukulya, iri tukola tugalindiriraga naaho ukufwa.»

2 Samweri 21:1

Ikyanya Dahudi âli riiri mwami, hanateera umwena mukayu, gwanahisa imyaka ishatu gugenderiiri. Ikyanya Dahudi akahanuusa Nahano, anamúshuvya: «Íbitumiri mwalonga guno mwena, bwo Sahuli neꞌmbaga yage bakayona umuko, mu kuyita Abagibyoni.»

Balaawi 26:26

«Ngamùyima ibyokulya. Abakazi ikumi, bagakizi koleesa ikiyokero kiguma naaho, mu kuyokya imikate. Na mu kumùhakira, bagakizi mùheereza utukoojoka tuniniini. Kwokwo, kundu mugakizi lya, halikago mutagayuvwa kwo mwashaluuka.

Balaawi 26:20

Mugakizi yitubanula ku busha. Indalo ziinyu zitagayera ihiteerwa ku shinda. Kiri neꞌbiti, bitagatongeka.

Nehemiya 5:2

Baguma banakizi deta, ti: «Si twe na bagala biitu, kiri na banyere biitu, tulyagagi bingi. Tukwaniini tukizi longa ingano, gira tukizi lya, lyo tuba ho.»

Yeremiya 12:13

Abandu baani, kundu bakabyala ingano, si bakola bagayimbula imigenge. Na kundu bâli kizi yitubanula mu kukola, ndaako kamaro balongaga. Buno, mu kuyimbula, bakola bagateteerwa, bwo ngoli barakariiri.»

Hagayi 1:5

«Kwokwo, nie Nahano woꞌbushobozi bwoshi nadetaga kwokuno: “Ngiisi íbigweti bigamùkoleka kwo, mubiyitoneese kwo bwija!

Hagayi 1:7

«Nie Nahano woꞌbushobozi bwoshi, nadetaga kwokuno: “Ngiisi íbigweti bigamùkoleka kwo, mubiyitoneese kwo bwija!”

Hagayi 1:10

Kyo kitumiri igulu lyahangama, litananyeesa invula. Niꞌdaho likoli gubuusiri.

Hagayi 2:17

«Ikyanya mwâli kizi gira mbu mubyale imbuto, nꞌgazishereeza, mu kuziboza halinde kwiꞌsina, nanakizi zifukumulira kwoꞌlugungu. Kundu kwokwo, mutanangalukira nie Nahano.

Bukengeeze 28:17

«Ibihinda byeꞌbyokulya biinyu binabe bikola bimaata.

Migani 11:24

Ikyanya abandu bali mu haana ku mutima úgushenguusiri, bali mu yushuulwa kweꞌbindi. Si ikyanya bali mu yimana, bali mu herera mu bukeni.