Danyeri 5:20 - Kifuliiru

²⁰ «Halikago ulya yisho, ikyanya akatondeera ukuyikangaata, iri anayumuusa umutima gwage, lyeryo ngana analyosibwa ku kitumbi kyage kyoꞌbwami. Noꞌlushaagwa lwage, lwanamala.

Danyeri 5:20 Referans Kwoze

Baheburaniya 3:13

Halikago, ikyanya igambo «zeene» likiri mu detwa, mukizi kanania imitima. Hatagire muguma winyu úgaaba mundagabika hiꞌgulu lyoꞌkutebwa neꞌbyaha.

Yeremiya 13:18

«Mubwire mwami noꞌmugoli nyina kwokuno: “Zirya njembe ziinyu, kundu zishubi limbiri, halikago keera zikatibuka. Ku yukwo, mulyokage ku bitumbi biinyu.

2 Kutondobola 36:13

Uyo mwami Nebukandeneza akabwira Zedekiya kwo amúbiikirage indahiro kwiꞌziina lya Rurema kwo atâye hune imbere lyage. Kundu kwokwo, ulya Zedekiya anagira mbu ahune. Anayami yumya umutima gwage, analahira ukugalukira Nahano Rurema waꞌBahisiraheeri.

2 Baami 17:14

Kundu Rurema akabakengula kwokwo, batanamútwaza, bwo bâli riiri mindagabika nga bashokuluza baabo. Mukuba, nabo batâli yemiiri Rurema Nahamwabo.

Kulyoka 9:17

«“Si uki genderiiri ukuhangirira abandu baani, utanabahanguula kwo bagende.

Migani 16:18

Ikyanya umundu ali mu yiheemya, iri akola agashereezibwa. Ee! Ikyanya ali mu yikangaata, iri akola agayihongoleka haashi.

Luka 18:14

Yesu anashubi deta: «Namùbwiraga kwoꞌlya mubuguza, ikyanya akataahira i kaaya, ye kagaluka akoli kwaniini imbere lya Rurema. Si uwabo, nanga! Kwokwo, iri umundu angaba agweti agayikuza, agabiikwa haashi. Haliko, iri angayibiika haashi, lyoki lyo agakuzibwa.»

Yeremiya 19:15

kwo Nahano woꞌbushobozi bwoshi, Rurema waꞌBahisiraheeri, adetaga kwokuno: «Nga ngiisi kwo nꞌgagwanwa namùmenyeesa, kano kaaya keꞌYerusaleemu, ngola ngakashereeza kuguma noꞌtundi twaya twako. Mukuba, abatuulaga baatwo balyagagi mindagabika. Ikyanya ndi mu deta, batali mu ndwaza.»

Migani 16:5

Abanabwikangaate, Nahano abashombiri. Ku kasiisa, ngiisi muguma wabo agaahanwa ngana.

Hezekyeri 30:6

«Nie Nahano nadetaga kwokuno: “Ngiisi ábagweti bagashigikira Abamiisiri, bagaminikwa. Na kundu bâli riiri bihagange, bagayitwa mwiꞌzibo. Abamiisiri booshi bagayitwa, ukulyokera i Migidoli halinde i Sewene. Kwokwo, kwo nie Rurema Nahamwinyu ndesiri.

Yeremiya 48:18

«Na niinyu, mwe batuulaga beꞌDibooni! Mukizi yibiika haashi, munayibodeke mu luvu. Si ngiisi ábagaminika Abamohabu, na niinyu, bagayiji mùteera! Inzitiro ziinyu, bagaasiga bazishereeza.

Hisaaya 47:1

Nahano adetaga kwokuno: «E Babeeri, ugoke, unayibwandalike mu luvu. Utakiri mwami, utanâye ki huuzibwe mbu ubuyahiri, kandi iri mbu unonosiri.

1 Samweri 6:6

Mutakolwe mbu mukizi yumya imitima yinyu, nga kwaꞌBamiisiri na Faraho bakagira. Bwo boohe batakahanguula Abahisiraheeri kwo balyoke mu kihugo kyabo, kyanatuma Rurema agabashundeeza naꞌmalibu ga kwingi-kwingi.

Kulyoka 18:11

Buno ngoli yiji kwo Nahano ye sumbiri íbiri mu yikumbwa byoshi. Mukuba, kundu yabo Bamiisiri bâli kizi libuza Abahisiraheeri bweneene ku kanyaaro, haliko ubuzinda akabaguluula mu maboko gaabo.»

Hezekyeri 31:10

«Ku yukwo, nie Rurema Nahamwinyu nadetaga kwokuno: Si yikyo kiti kiija kyoꞌmwerezi gweꞌLebanooni kyâli kizi yikangaata, mbu kyo kilahuusiri bweneene ukuhima ibyabo, na mbu kyo kishuumiri halinde ku bibungu!

Danyeri 8:8

«Yikyo kihebe kyanayiji ba kihagarusi. Haliko, ikyanya kyâli kola neꞌmisi bweneene, lirya ihembe lyakyo lihamu lyanatwika. Ahandu haalyo, hanamera amahembe gana mahamu, ganaba gashooziri mu mbande zina zeꞌkihugo.

Danyeri 11:36

«“Uyo mwami agakizi gira nga ngiisi kwo aloziizi. Agakizi yikuza, mu kudeta kwo ye himiri ngiisi íbiyimbwa ho, íbiri mu yikumbwa. Kiri na Rurema úli hiꞌgulu lya byoshi, agakizi mútuka, mu kukizi deta íbitali nga byo. Uyo mwami agakizi genduukirwa, halinde ku kyanya uburaakari bwa Rurema bugaaba keera bwakoleka. Mukuba, ngiisi íbikashungikwa, bikwaniini bikoleke.

Kulyoka 9:7

Mwami anatuma abandu, bagendi buuza hiꞌgulu lyeꞌbitugwa byaꞌBahisiraheeri. Neꞌri bakagaluka, banadeta: «Imwabo, ndaakyo kitugwa, kiri neꞌkiguma, íkyafwa.» Kundu kwokwo, ulya mwami anakaviiriza ukuyumuusa umutima, atanaki hanguula Abahisiraheeri kwo bagende.

2 Kutondobola 32:25

Kundu Nahano akakolera Hezekiya yago miija gooshi, haliko Hezekiya anakizi yikangaata naaho, kyanatuma Rurema agamúrakarira, anarakarira naꞌbandu beꞌYerusaleemu, kuguma neꞌkihugo kyoshi kyeꞌBuyuda.

Danyeri 4:26

Iri hakalenga mwaka muguma, Nebukandeneza anaba agweti agayihuguusa ku kajumiro kaage mu kaaya keꞌBabeeri,

Danyeri 4:28

Ulya mwami, mbu ayusagye ukudeta kwokwo, izu lyanalyoka hiꞌgulu, lyanadeta: «E mwami Nebukandeneza! Iyi ndumwa, we wagitumirwa. Ugiyuvwirizagye! Ubwami bwawe, bwamala.