Danyeri 4:24 - Kifuliiru

²⁴ Ku yukwo, e mwami! Yiri ihano lyani, nakuyinginga ulisimbahe. Utwikirage ku byaha byawe, na ku mabi gaawe, we kongwa! Na ngiisi bo wâli kizi libuza, leero ukizi bagirira amiija. Ngeeka wangaki genduukirwa mu butwali bwawe.»

Danyeri 4:24 Referans Kwoze

Zaburi 107:40

Nahano ananegura abakulu baabo, anabaleeza mwiꞌshamba, muzira injira.

Danyeri 4:17

Kirya kiti ukabonaga kwo kiri ngaaja-malungu, kinasikamiri. Naꞌmatavi gaakyo gashuumiri halinde mu kyanyaanya. Abandu baꞌmahanga gooshi bali mu kibona.

Hisaaya 23:9

Úwashungika kwoku, ali Nahano woꞌbushobozi bwoshi. Yaba bandu, kundu bâli kizi yikangaata, haliko Rurema analooza ukubatindimaza. Na kundu bâli gweti bagashaagwa, halikago anashungika ukubateeza ishoni.

Zaburi 148:6

Ngiisi kiguma kyabyo, akakibiika ho kigabeera imyaka neꞌmyakuula. Kwokwo kwo akakyula, bitanâye here.

Zaburi 2:7

Nahano keera akambwira: «Wehe we mwana wani. Zeene, lyo naaba yisho. Go na gaago magambo, go ngakizi deta ku bweranyange imbere lyaꞌbandu.

Hayubu 20:29

«Yabo banangora-mabi, kwokwo kwo Rurema agabahana. Kyekyo kyo kihano abashungikiiri.»

Danyeri 4:2

Iri nꞌgaba ngoli gwejiiri, nanaloota ibirooto, nanabona naꞌmabone. Birya byoshi, ikyanya bikalenga-lenga mwiꞌtwe lyani, byanandeera ikyoba bweneene!

Danyeri 4:19

«E mwami, kirya kiti, alyagagi wehe. Keera ukakuzibwa, halinde wanagangaala. Ubukulu bwawe, bwâli kizi kuzibwa halinde mwiꞌgulu. Noꞌbutwali bwawe, keera bukamenyeekana mu mahanga gooshi.

Migani 16:6

Ibyaha bigaakogwa ku njira yoꞌkukundana noꞌkuyemeerana. Na mu kusimbaha Nahano, lyoꞌmundu ali mu kizi yiyeka amabi.

Migani 20:28

Ikyanya mwami ali mwija, anali mwemeera, ali mu langwa bwija. Ee! Ku njira yoꞌrukundo, ikitumbi kyage kiri mu sikama.