Danyeri 11:24 - Kifuliiru

²⁴ Ikyanya ibihugo bigale bigayiyuvwa kwo bali noꞌmutuula, lyoꞌyo mutwali mubi agagendi biteera. Na ngiisi byo agaagira, ndaaye mundu mu bashokuluza baage úkabihasha. Agashahula iminyago ku bagale, anakizi giheereza ibyegeera byage.

Danyeri 11:24 Referans Kwoze

Mataayo 9:4

Iyo mitono yabo mibi, Yesu anayami gimenya, kyanatuma agababuuza: «Kituma kiki mugweti mugaatona amabi mu mitima yinyu?

Danyeri 7:25

Anakizi yihaya, iri anatuka Rurema úli hiꞌgulu lya byoshi, anakizi libuza ábayemiiri Rurema. Anagire mbu ahindule imaaja, kuguma neꞌsiku zaabo ngulu, kundu byâli mali biikwa. Yabo bemeera, agayami bagwata imbira, anabamalane imyaka ishatu neꞌmyezi ndatu.

Hezekyeri 38:10

«Nie Rurema Nahamwinyu nadetaga kwokuno: Ku yikyo kyanya, mugakizi yitoneesa buligo, iri munashungika ishungi mbi.

Migani 23:7

Si yibyo byokulya, agweti agaharuura ikishingo kyabyo. Kundu ali mu kubwira, ti: «Ulye, unanywe!» Haliko, umutima gwage gugaaba guli mu sisiitwa.

Migani 19:6

Abandu bingi bali mu looza babe katoni kaꞌbatwali. Ee! Ikyanya umundu ali mu kizi gabirana, ngiisi mundu ali mu siima kwo abe mwira wage.

Migani 17:8

Ikyanya umundu ahaana ikitulire, ali mu tona kwo luli lushumbi, na kwo agagenduukirwa mu byo agakizi gira.

Nehemiya 9:25

Utwaya twabo, kundu twâli zitiirwi, bakatugwata, kuguma neꞌndalo zaabo. Bakagwata kiri neꞌnyumba zaabo ízâli yijwiri mweꞌbindu bya namwingye. Bakagwata neꞌbirigo íbyâli mali humbwa. Banagwata neꞌndalo zeꞌmizabibu, na zeꞌmizehituuni, kuguma neꞌbindi biti bingi byeꞌbitumbwe. Banakizi lya, halinde banakizi dadaara. Na bwo we mwija bweneene, kyanatuma bagajega ngana-ngana.

Batwi beꞌmaaja 9:4

Kwokwo, banagenda mu nyumba yaꞌBaali-Beriti, banalyosa mweꞌbingorongoro makumi galinda íbikatulwa mu harija, banamúheereza byo. Yibyo bingorongoro, Habimereki anabiheereza utunyambaaga, gira tukizi genda tugamúkunga.

Muharuuro 13:20

Yikyo kihugo, ka kihiiti inagiira, kandi iri ndaayo? Ka hali ibiti, kandi iri ndaabyo? Ikyanya mugagaluka, mugire umwete gwoꞌkugalukana neꞌmimbu.» (Yikyo kyanya, imizabibu yâli koli tondiiri ukuyera.)

Hezekyeri 34:14

Ngakizi bisholera mu ndagiriro nyiija za ku marango geꞌHisiraheeri, hanabe ho bigakizi gwejera. Yaho handu hiija, bigakizi halongera ibyokulya biija.

Danyeri 11:23

Uyo mutwali mubi, agayinywaniisa naꞌbandu baꞌmahanga mingi. Halikago kugaaba ku bulyalya. Kundu agaaba ali naꞌbandu baage bagerwa naaho, haliko agayiji ba kihagarusi.