Bwigule 22:4 - Kifuliiru

⁴ iri banakizi múbona amasu ku gandi. Niꞌziina lyage, ligayandikwa ku malanga gaabo.

Bwigule 22:4 Referans Kwoze

Bwigule 14:1

Ha nyuma, nanabonaga kirya Kyanabuzi kiyimaaziri imbere lyani ku mugazi gweꞌSayuni. Kyâli riiri kuguma na balya bandu bihumbi igana na makumi gana na bina. Na ku malanga gaabo, kwâli kuyandike iziina lyakyo, niꞌziina lya Yishe yenyene.

Mataayo 5:8

Bahiriirwi, ábali noꞌmutima úguyeruusiri! Boohe, bagaabona Rurema.

Bwigule 3:12

«Umundu, iri angahima, ngamúbiika abe nguliro mu nyumba ya Rurema wani. Atanâye gilyoke mwo. Nganamúyandika kwiꞌziina lya Rurema wani, na kwiꞌziina lyaꞌkaaya kaage. Na yako kaaya, iri i Yerusaleemu mbyahya ígajooka ukulyoka imwage mwiꞌgulu. Kiri niꞌziina lyani lihyahya, nalyo ngaliyandika hiꞌgulu lyage.

Hayubu 33:26

Uyo mundu, ikyanya agahuuna Rurema, agaaba akoli yemeriirwi. Rurema anamúyakiire mu kati koꞌbushambaale, anamúgalulire nga ngiisi kwo âli riiri ubwa mbere.

Baheburaniya 12:14

Mukizi fiitirwa, mu kulooza umutuula naꞌbandu booshi. Munakizi ba bandu beeru! Mukuba, umundu, iri angaba atayerusiibwi, atangabona Nahano.

Bwigule 7:3

Anababwira: «Mutalunguli shereeza amalambo, kandi iri inyaaja, kandi iri ibiti, tútazi biikaga akamangu ha malanga gaꞌbakozi ba Rurema witu!»

1 Bakorindo 13:12

Buno tukiri mu bona ngoꞌmundu woꞌkuyiringuuza mu kilolero. Haliko ha nyuma, twâye bone masu ku gandi! Buno byo nyiji, bikiri bya miharwa naaho. Haliko ha nyuma, ngaamenya byoshi, nga kwo Rurema anyiji lwoshi.

Yohana 17:24

«E Daata, balya bo ukanzikiiriza, ndoziizi kwo bakabeere kuguma na naani ngiisi ho ngaaba, halinde lyo babona ubulangashane bwani. Bunali bwo ukambeereza, bwo ukangunda ku kyanya ikihugo kitâli zaazi bumbwa.

Yohana 12:26

«Umundu, iri angaloozagya ukuba mukozi wani, akwiriiri akizi ngulikira. Kwokwo, ngiisi ho ngaaba, ho mukozi wani naye agaanaba. Uyo mundu, bwo agweti agangolera, Daata agamúheereza ulushaagwa.

Hisaaya 33:17

Mugayibonera umwami, kwo agweti agagingikwa, munabone na ngiisi kweꞌkihugo kitabisiri bweneene.

Zaburi 17:15

Bwo ndi mundu woꞌkuli, tugaki bonaana. Ee ma! Ikyanya ngavyuka, na ngubone masu ku gandi, umutima gwani, gugayika mu nda.

Hisaaya 40:5

Haaho, lyoꞌbulangashane bwa Nahano bugayerekanwa. Abandu booshi kuguma, bagabubona. Kwokwo, kwo Nahano adesiri.»

Zaburi 4:6

Mukizi tangira Nahano amatuulo ágakwaniini, iri munamúbiika kwoꞌmulangaaliro.

Hisaaya 35:2

Yutwo twaso tugayasa ku bwingi, iri tunayimba ku busiime, noꞌkubanda akabuuli. Lirya ishamba ligaaba likoli limbiri ngana-ngana, ngeꞌmigazi yeꞌLebanooni, na ngoꞌmugazi Karimeeri, neꞌndekeera yeꞌSharooni. Haahago, lyaꞌbandu booshi bagaabona ubulangashane bwa Nahano, banabone kwo Rurema ali wa kahebuuza.

Hezekyeri 33:23

Nahano anashubi mbwiraga kwokuno:

Zaburi 42:2

E Rurema, nga kweꞌmbongo iri mu ba ihemagiiri mu kulooza amiiji mu musima, kwo na naani ndi mu kizi kuyifwija.