Bwigule 22:2 - Kifuliiru

² Lwanakizi hinga ha kati keꞌnjira ya namuhirye ya mu kaaya. Na ku ngiisi ngombe yalwo, kwâli riiri ikiti kyoꞌbulamu. Birya biti, byâli kizi tongeka ngiisi mwezi, halinde byanakizi hisa ubugira ikumi na kabiri ku mwaka. Neꞌbihunda byabyo, guli muti gwoꞌkukizi kiza abandu beꞌmilala yoshi.

Bwigule 22:2 Referans Kwoze

Bwigule 22:1

Uyo muganda, ananyerekaga ulwiji úluli mwaꞌmiiji goꞌbulamu. Yulwo lwiji, lwâli twanguusiri bweneene nga kiyo! Lwâli kizi huluka mu kitumbi kyeꞌkyami kya Rurema, na mu kyeꞌKyanabuzi.

1 Peturu 2:24

Kirisito yenyene, akabetula ibyaha biitu mu magala gaage. Anayitirwa ku kibambo, gira nyiitu ku luhande lweꞌbyaha, tube tukoli fwiri. Tunabe tuli ho, hiꞌgulu lyoꞌkukizi gira íbikwaniini. Mukuba, mu nguma za Yesu, mwo mukakirira.

Bwigule 2:7

«Ngiisi úhiiti amatwiri, ayuvwe ngiisi kwoꞌMutima Mweru gugweti gugabwira amashengero! Umundu, iri angahima, ngamúhanguula kwo alye ku bitumbwe byeꞌkiti kyoꞌbulamu, kirya kya mu Paradiizo ya Rurema.»

Ndondeko 2:9

Rurema anamezagya ngiisi milala yeꞌbiti. Byâli buyahiri, byanâli hiiti ibitumbwe binunu. Mwomwo, mwâli riiri neꞌkiti kyoꞌkuleeta ubulamu, kiri neꞌkiti kyoꞌkumenyeesa abandu amiija naꞌmabi.

Bwigule 22:14

«Bahiriirwi ngiisi ábagweti bagaafula ibyambalwa byabo, gira lyo bahanguulwa ukulenga mu miryango ya yako kaaya. Banagendi lya ku bitumbwe bya kirya kiti kyoꞌbulamu.

Migani 3:18

Ngiisi úli mu kizi hoobera ubwitegeereze, buli nga kiti kyoꞌkuleeta ubugumaana. Ngiisi ábali mu bugwata, bali bahiirwa.

Bwigule 22:19

Neꞌri hangaba úgashaaza ku magambo goꞌbuleevi ágayandisirwi mu kino kitaabo, Rurema naye agamúshaaza mu ngoome ya kirya kiti kyoꞌbulamu, na mu ngoome ya mu kalya kaaya keeru, nga kwo biyandisirwi mu kino kitaabo.

Bwigule 21:24

Na mu mulengeerwe gwakyo, mwaꞌbandu beꞌmilala yoshi bagakizi genda. Abaami ba mu mahanga gooshi, bagakizi yiji kalunda mweꞌbindu byabo byoꞌbulangashane.

Bwigule 21:21

Inyiivi za yako kaaya kwo zâli riiri ikumi na zibiri, zâli riiri mbembe ikumi na zibiri. Ngiisi lwivi lwâli gizirwi mu luhembe luguma. Neꞌnjira mbamu ya mu yako kaaya, yâli yajirwi mweꞌnooro muguuhya! Ee! Yâli langashiini bweneene nga kiyo.

Luka 4:18

«Umutima gwa Nahano, gundi mwo! Keera akandoola kwo ngizi menyeesa abakeni Imyazi Miija. Akanduma neꞌmwaꞌbashweke, mbamenyeese kwo bagashwekuulwa. Akananduma neꞌmbumi, nzimenyeese kwo zigahumuulwa. Na ábakandamiirwi kwakundi, mbaguluule.

Hezekyeri 47:1

Ulya mundu anangalulira iwa mulyango gweꞌnyumba ya Rurema. Yaho, nanabona amiiji gagweti gazununuka mwiꞌdako lyeꞌkibambaazi íkiri uluhande lweꞌsheere. Mukuba, inyumba ya Rurema yâli kizi lola isheere. Yago miiji gâli kizi hinga ukulyoka mwiꞌdako, uluhande lweꞌlulyo lwoꞌmulyango, ganalenge uluhande lweꞌkisaka lwaꞌkatanda.

Zaburi 147:3

Ngiisi ábali mu ba bavunisiri imitima, ali mu bakania yo. Neꞌnguma zaabo, anazishweke.

Hosheya 14:4

Abahasuriya boohe, batashobwiri ukutukiza. Tutanganaki langaalira ifwarasi ziꞌzibo. Kiri neꞌyo migisi yo tukayibaajira twenyene, tutagaki shubi gitabaaza, ti: “We Rurema witu!” Si imwawe naaho, yo munda ifuuvi iri mu bonerwa indengeerwa!»

Yeremiya 17:14

E Nahano! Ungizagye, lyo ngira lwoshi-lwoshi. Unanguluule, lyo nguluulwa ngana-ngana. Si wehe, we ngweti ngayivuga!

Hisaaya 6:10

Yaba bandu, ukizi yumuusa imitima yabo! Naꞌmatwiri gaabo, ukizi gaziba. Naꞌmasu gaabo, ukizi gabwikira. Buzira kwokwo, hali ikyanya amasu gaabo gangalonga ukubona. Naꞌmatwiri gaabo ganalonge ukuyuvwa. Naꞌmenge gaabo ganalonge ukusobanukirwa. Kwokwo, lyo bangangalukira, mbu balongage ukukira.»

Zakariya 14:8

Lwolwo lusiku, ishyoko zigaabira mu kaaya keꞌYerusaleemu. Yago miiji, maguma gagakizi hingira iwa Nyaaja yoꞌMuunyu. Agandi, ganakizi hingira iwa Nyaaja Mediterane. Yago miiji, gagayama gali mu kizi hinga ngiisi mwaka, kiba kikamo, kandi iri mbondo.