Bwigule 18:13 - Kifuliiru

¹³ Muli naꞌmavuta goꞌmuhongolo mwija, ngoꞌlusheke, noꞌmudalasini, noꞌmubadu, naꞌgandi malaasi. Muli naꞌmaavu, naꞌmavuta, noꞌmushyano, neꞌngano. Muli neꞌngaavu, neꞌbibuzi, neꞌfwarasi. Muli naꞌmagaare goꞌkukululwa neꞌfwarasi. Muli kiri naꞌbaja. Mukuba, bâli kizi dandazibwa mwo kwakundi!

Bwigule 18:13 Referans Kwoze

Hezekyeri 27:13

Ikyanya abandu beꞌYavaani, naꞌbeꞌTubaali, naꞌbeꞌMesheki, bâli kizi yiji dandaza, bâli kizi kuleetera abaja, na íbikatulwa mu miringa.

Hamoosi 2:6

Nahano adetaga kwokuno: «Abahisiraheeri bagweti bagayifunda mu byaha. Aahago! Ukubahana, ngola ngabahana ngana-ngana! Mu kulooza ukugala, bagweti bagaguza abandu bazira buhube, babe baja mbu bwo batabayishula imyenda yabo. Banagweti bagakizi guza umukeni ku kishingo kyeꞌbiraato naaho.

2 Peturu 2:3

Na bwo bali bazizi beꞌbindu, bagakizi yibangira ibibeesha, mbu lyo bakizi mùlyalyania mwo. Ukulyokera keera, Rurema âli kizi balindiriza ikihano. Na buno, akolaga ibiringiini ukubaminika.

Nehemiya 5:8

nanababwira kwokuno: «Yaba beene witu ábakaguliisibwa nga baja mu mahanga, keera tukabaguluula. Si mwehe buno, mukola mushubi baguliisa, gira tushubi baguluula!» Yabo bashosi, banabula byo bangashuvya, banaba munyerere.

Hisaaya 50:1

Nahano adetaga kwokuno: «Ka nꞌgamùguza mu buja, lyo ndiha imyenda? Nanga! Ka nyoko atakiri ho, mbu bwo nꞌgamúyimula, mu kumúyandikira amaruba goꞌkumúlahira? Nanga, maashi! Yago maruba, iri gangaba gali ho, muganyereke. Si mwehe, íbitumiri mukaguzibwa, biri hiꞌgulu lyeꞌbyaha biinyu. Kiri na nyoko, naye akayimulwa hiꞌgulu lyoꞌbuhuni bwinyu.

Bukengeeze 24:7

«Iri byangamenyeekana kwo muguma winyu azimba uwabo Muhisiraheeri, anamúgire muja wage, kandi iri amúguliisa, uyo mundu akwiriiri ayitwe. Kwokwo, lyo mugaaba mwalyosa amabi mu kati kiinyu.»

Kulyoka 21:16

«Umundu, iri angabirigisha uwabo, mbu lyo agendi múguliisa, kandi iri amúgire muja wage, naye akwiriiri ayitwe.

1 Timoteyo 1:10

Ziri mu lola na ku bashule, na ku bali mu yeruzania mu bihigo, na ku bali mu dandaza abaja, na ku banabinyoma, na ku ngiisi ábali mu tanga ubumasi bweꞌbibeesha, na ku ngiisi bandi ábali mu hangirira amigirizo goꞌkuli.

Hamoosi 8:6

Si kiri neꞌshekesheke zeꞌngano, tugazifusha mweꞌngano nyija, tunaguliise byoshi kuguma. Tugagulaga abakeni ku biraato bibiri, kandi iri ku harija niini, banabaagage baja biitu.»

Hamoosi 6:6

Si munagweti mugakizi gotomera idivaayi, nga ngiisi kwo musiimiri! Munali mu kizi yishiiga amalaasi goꞌmuhongolo mwija. Na kundu ikihugo kiinyu kikola kigaamala, si mutatwaziizi!

Lwimbo Lwija 5:5

Nanayami guruka, kwo ngendi múyigulira. Ikyanya nꞌgagwata ikigaliro kyoꞌlwivi, mbu nimúyigulire, amaboko gaani gâli kizi nyekemba neꞌmanemane.

Migani 7:17

Keera nanabishangira kwoꞌmubadu, naꞌmanemane, neꞌhudi, noꞌmudalasini.

2 Kutondobola 9:9

Iri hakatama, uyo mwami-kazi anaheereza mwami itooni zishatu neꞌkitolo zeꞌnooro, naꞌkanyamwala kaꞌmalaasi, naꞌmabuye ágakeyengiini. yako kanyamwala kaꞌmalaasi, ndaaye gundi mundu úkakaleetera mwami Sulumaani.

1 Baami 10:25

Yabo bandu, ikyanya bâli kizi yija, bâli kizi múleetera indengu za íbikatulwa mu harija, na mu nooro, kiri naꞌmakanju, neꞌbilwaniiso, naꞌmalaasi, neꞌfwarasi, neꞌbiiza bya bapunda. Yizo ndengu, zâli kizi yija ngiisi mwaka.

1 Baami 10:15

Yizo nooro, zitâli mweꞌnooro zo âli kizi longa mu mirambu yaꞌbadandaza, kandi iri zo âli kizi longa mu baami booshi beꞌBuharaabu, kandi iri mu baguvuruneeri baage.

1 Baami 10:10

Ha nyuma, uyo mwami-kazi anaheereza mwami itooni zina zeꞌnooro, naꞌkanyamwala kaꞌmalaasi, naꞌmabuye ágakeyengiini. Yako kanyamwala kaꞌmalaasi, ndaaye gundi mundu úkakaleetera mwami Sulumaani.

Bukengeeze 28:68

«Nahano agamùgalulira mu kihugo kyeꞌMiisiri mu kukoleesa amashuba. Kinali kihugo kyo nꞌgamùlagaania kwo mutâye ki kibone. Ikyanya mugaahika mwo, abashosi naꞌbakazi, mugalooza ukuyiguliisa nga mwangiba ngana baja. Kundu kwokwo, mutâye bone woꞌkumùgula.»

Lwimbo Lwija 1:3

Amalaasi gaawe gagweti gagahuumura bwija ngana-ngana. Iziina lyawe ligweti ligasimiisa, ngaꞌmalaasi geꞌkishingo. Aaho! Utagangaanwe, bwaꞌbanyere booshi bakuvunikiiri.

1 Kutondobola 5:21

Bananyaga ingamiya bihumbi makumi gataanu, neꞌbibuzi magana gabiri na makumi gataanu, na bapunda bihumbi bibiri, banatwala naꞌbandu bihumbi igana imbohe.

Lwimbo Lwija 3:6

«Aaho! Nyandagi uliira úgweti úgatunduuka mwiꞌshamba nga kyusi? Si agweti agahulusa umuhongolo mwija gweꞌmanemane, na gwoꞌmubadu, na gwaꞌgandi malaasi!

Bwigule 18:14

Ku yikyo kyanya, abadandaza bagadetaga kwokuno: «E Babeeri, ubugale bwo ushuba mu yisimiisa mwo, keera bwakumalira! Kundu wâli kizi bisara, keera byakunyerera, utanâye ki bisooke.»

Bwigule 18:15

Abadandaza, ikyanya bâli kizi dandaza yibyo byoshi, bâli kola bagale. Kundu kwokwo, ikyanya bagabonaga ngiisi kwo kagweti kagalibuzibwa, bagahuumirwa ngana. Banayisunge hala, iri banabululuka ku kimombo!