Bwigule 18:11 - Kifuliiru

¹¹ Abadandaza ba mu mahanga gooshi, nabo bagakaliriraga ku kimombo. Mukuba, ibindu byo bali mu dandaza, ndaakiye mundu úgaki bagulira.

Bwigule 18:11 Referans Kwoze

Bwigule 18:3

Abaami ba mu mahanga gooshi keera bakakashuleha. Yubwo bushule bwako bwanalalusa abandu beꞌyo munda hooshi nga maavu geꞌngangu. Abadandaza ba mu yago mahanga gooshi, keera bakagala ku kanyabungaka keꞌbindu ko kâli kizi yisimiisa mwo.»

Bwigule 18:23

Ndaanalwo lukeera lwiꞌtara úlwâye ki kumoleke mwo. Mu kati kaawe, mutanâye ki yuvwikane ikiririmbo kyoꞌbuhya. Abadandaza baawe, bo bashuba bagangambale ba mu mahanga gooshi. Na ku njira yoꞌbulozi bwawe, keera ukahabura abandu baꞌmahanga gooshi.»

Bwigule 18:20

We igulu, ushambaalage! Mukuba, keera kashereera! Na niinyu mwe ndumwa, kuguma naꞌbaleevi, naꞌbandi bandu ba Rurema booshi, niinyu mushambaale kwakundi! Mukuba, kundu yako kaaya kâli kizi mùgirira amabi, haliko, keera Rurema akatwira ulubaaja hiꞌgulu lyago.

Bwigule 18:15

Abadandaza, ikyanya bâli kizi dandaza yibyo byoshi, bâli kola bagale. Kundu kwokwo, ikyanya bagabonaga ngiisi kwo kagweti kagalibuzibwa, bagahuumirwa ngana. Banayisunge hala, iri banabululuka ku kimombo!

Sefaniya 1:11

Mwe mutuuziri haꞌkaguliro, mukizi bululuka! Mukuba abadandaza booshi bagaminikwa, kuguma na ábali mu vuuja ifwaranga.

Bwigule 18:9

Yabo baami ba mu mahanga gooshi, bâli kizi kashuleha, banakizi yisimiisa mu kanyabungaka keꞌbindu byako. Halikago, ku kyanya kagasingooka, bagaabona ngiisi kweꞌkyusi kyakazinga mwo, nywe! Haaho, bagakalirira ku kimombo!

2 Peturu 2:3

Na bwo bali bazizi beꞌbindu, bagakizi yibangira ibibeesha, mbu lyo bakizi mùlyalyania mwo. Ukulyokera keera, Rurema âli kizi balindiriza ikihano. Na buno, akolaga ibiringiini ukubaminika.

Sefaniya 1:18

Yulwo lusiku, Nahano agaaba akoli barakariiri bweneene, batanaki kizibwe, mbu bwo batanga ifwaranga kandi iri inooro. Mukuba agaaba akoli yuvwiti uluugi ngana, halinde ikihugo kyoshi kinasingooke. Ee! Agaamala abandu booshi ba mu kihugo!

Hisaaya 47:15

Balya biira baawe mwâli kizi kola kuguma, ukulyokera mu bwanuke bwawe. Kundu kwokwo, ndaaye kiri noꞌmuguma wabo úwangakukiza. Si ngiisi muguma agakizi habuka kwage-kwage.»

Mataayo 22:5

«Kundu kwokwo, balya balaalikwa batanatwaza. Muguma, anayigendera iwa ndalo yage, noꞌgundi iwa kudandaza.

Yohana 2:16

Kiri na ábâli gweti bagadandaliza mwaꞌmahumba, Yesu anababwira: «Shaazi yaga mahumba yaha! Mutakolwe kwo mwaki gira inyumba ya Daata kabe kaguliro!»

Migani 3:14

Mukuba, ubwitegeereze, bwo buli mu ba naꞌkamaro ukuhima iharija. Ubunguke bwabwo, buhimiri kiri na bweꞌnooro.

Hisaaya 13:19

Mu maami gooshi, ikihugo kyeꞌBabeeri kyo kilimbisiibwi bweneene. Abandu baamwo, bayiyuvwiti hiꞌgulu lyakyo bweneene. Kundu kwokwo, Rurema agabaminika, nga kwo âli mali minika i Soodoma neꞌGomora.

Hezekyeri 27:9

Wâli kizi koleesa ibikalage byaꞌbashosi ukulyoka i Gebaali, kuguma na banaluganda baabo boꞌkuziba amatule gaꞌmashuba. Naꞌba mu mashuba gooshi ga mu nyaaja, imwawe yo munda bali mu yiji dandaliza.