Bwigule 14:2 - Kifuliiru

² Nanayuvwa izu ukulyoka mwiꞌgulu, lyanakizi luluma. Yiryo izu, lyâli riiri nga lyaꞌmiiji mingi ágali mu hona ku shalalo, jala-lala! Lyanâli kizi tulagiza nga milavyo. Lyanakizi yuvwikana nga lya nanga ízigweti zigalasibwa.

Bwigule 14:2 Referans Kwoze

Bwigule 5:8

Lyeryo, birya bingisho-ngisho bina íbiri mwoꞌbugumaana, kuguma na balya bashaaja makumi gabiri na bana, booshi banayami fukama imbere lyakyo. Ngiisi muguma wabo, âli gweti ululanga. Âli fumbiiti neꞌmibangala íkatulwa mu nooro, yanâli yijwiri mwoꞌmubadu. Na yugwo mubadu, galyagagi mahuuno gaꞌbandu ba Rurema.

Bwigule 1:15

Amagulu gaage, gâli kizi langashana nga miringa ígweti ígashukwa mu kiberekaana kyoꞌmuliro! Niꞌzu lyage, lyâli kizi luluma, nga miiji mingi ágagweti gagaahona ku shalalo!

Bwigule 15:2

Nanabona kwo habatamiri íkiri ngeꞌnyaaja yeꞌkiyo, íyâli nvushe mwoꞌmuliro. Na ha butambi lyayo, hâli yimaaziri ngiisi ábakahima kirya kirara, noꞌmugisi gwakyo, na gulya muharuuro úguli kwiꞌziina lyakyo. Yabo booshi, bâli hiitagi inanga zo bakahaabwa na Rurema.

Bwigule 11:15

Umuganda wa kalinda anadihiriza ikibuga kyage. Lyeryo, mwiꞌgulu mwanayuvwikana amazu mahamu, ganadetaga: «Ubwami bwa kino kihugo, Nahano ye kola mwene bwo, bo noꞌlya Kirisito wage. Aganayama atwaziri imyaka neꞌmyakuula!»

Hezekyeri 43:2

Ukulyokera iyo munda isheere, ubulangashane bwa Rurema waꞌBahisiraheeri bwanatanguula. Bwâli yijiri buli neꞌbisindo byage, nga lwiji lwingi. Yubwo bulangashane bwanayami tanguulira ikihugo kyoshi.

Zaburi 33:2

Mukizi yivuga Nahano mu kumúlakiza ululanga, lulya lweꞌmirya ikumi.

2 Samweri 6:5

Ku yikyo kyanya, mwami Dahudi kuguma naꞌbaabo Bahisiraheeri booshi, banakizi genda bagweti bagayimbira Nahano, iri banatamba ku bushambaale bwingi. Bâli kizi lasa inzeeze, neꞌbinanda, neꞌngoma, noꞌtushamba, neꞌsembaale.

Kulyoka 19:16

Ku lusiku úlugira izishatu shesheezi, ku gwogwo mugazi, kwanayidika ikibungu, nywe! Imikungulo neꞌmilavyo byanakungula bweneene. Neꞌkibuga kyanadihiriza. Yiryo izu, ikyanya likadeta, lyanaleeza abandu booshi mweꞌkinyukura.

Bwigule 18:22

E kaaya keꞌBabeeri, mu mwawe, mutâye ki yuvwikane inyimbo ízigweti zigalasibwa neꞌnanga, kandi iri mu miteera-teera, kandi iri mu bibuga, kandi iri íziri mu yimbwa naꞌbajoborozi. Utanâye ki yuvwikane mweꞌkigugunyulo kyoꞌlushyo. Ndaanaye naluganda úwâye ki kuboneke mwo.

Bwigule 11:12

Yabo bombi, banayuvwa izu lihamu ukulyoka mwiꞌgulu, lyanababwira: «Muyijage ino munda!» Lyeryo, banayami genda mwiꞌgulu mu kibungu. Abagoma baabo, bâli gweti bagabalangiiza.

Bwigule 6:1

Mu yizo nungu zirinda, kirya Kyanabuzi kyanunguula iya mbere. Na mu birya bingisho-ngisho bina íbiri mwoꞌbugumaana, nanayuvwa kwo kiguma kyabyo kyateerera umulaga. Yugwo mulaga, gwâli riiri nga mukungulo. Anadeta: «Uyijage!»

Bwigule 1:10

Ku lusiku luguma lwa Nahano, nâli kolaga mu kati koꞌMutima Mweru. Lyeryo, ha nyuma lyani nanayuvwa izu lihamu ligweti ligadihiriza nga lya kibuga.

Zaburi 93:4

Kundu biri mu kungulaga, haliko, ubushobozi bwawe, bwo bubihimiri. Ee! Buhimiri imisi yeꞌyo midunda. Mukuba, ubutwali bwawe, buli hiꞌgulu lya byoshi.

Zaburi 92:3

Ee! Buli bwija, tukizi huuza urukundo lwawe ngiisi shesheezi. Na ngiisi bushigi, tunakuhuuze ngiisi kwo uli mwemeera.

Zaburi 57:8

E Rurema, umutima gwani gusikamiri. Ee! Gukoli sikamiri ngana-ngana. Kwokwo, ngakizi kuyimbira, mu kukuyivuga.

Bwigule 8:7

Umuganda wa mbere, anadihiriza ikyeꞌmwage. Lyeryo mu kihugo, mwanavudukira invula yoꞌlugungu noꞌmuliro, invushe mwoꞌmuko. Ikihande kiguma kya kashatu kyeꞌkihugo kyanayami singooka, kuguma neꞌkihande kiguma kya kashatu kyeꞌbiti, neꞌbyasi bibishi byoshi.

Zakariya 9:14

Nahano agahulukira ku bandu baage mu kibungu. Irya myambi yage, agakizi givurumika nga mulavyo. Rurema woꞌbushobozi bwoshi, agadihiriza ikibuga. Anayiji teera abagoma nga mbuusi ngayu yeꞌkisaka.

Hisaaya 17:13

Yibyo binyamahanga, kundu bigweti bigalunduma kwokwo, haliko, Rurema agaki bikanukira, halinde binatibitire hala. Ee! Bagayimulwa duba, nga biguhulu íbiri mu yehuulwa neꞌmbuusi ku mugazi, kandi iri nga lukungu úluli mu tumuulwa noꞌmubangami.

Zaburi 149:3

Mukizi yivuga iziina lyage mu kukizi likinira. Mukizi lihuuza mu kulasa ingoma, kiri neꞌnzeeze.

Zaburi 98:5

Ee! Mukizi yimbira Nahano, iri munalasa inzeeze ku njira ísimisiizi.

Kulyoka 20:18

Ku yugwo mugazi, abandu banakizi yuvwa imikungulo, banayuvwa neꞌkibuga. Neꞌkyanya bakakizi bona ibiryamu neꞌkyusi kiguziiziri kwo, booshi banatondeera ukukwanga hiꞌgulu lyeꞌkyoba. Kyanatuma yabo bandu bagagendi yisunga hala.

Zaburi 147:7

Mukizi yimbira Rurema Nahamwitu, iri munadeta kongwa. Munakizi múlakiza inanga.

Zaburi 43:4

Haaho, na ngende ha katanda kaawe. Mukuba, we ngweti ngashambaalira, unali we busiime bwani. E Rurema wani, ngakizi kuyivuga, mu kukizi lasa inzeeze.

1 Bakorindo 13:1

Hali ikyanya nangakizi deta ku ndeto zaꞌbandu, na ku zaꞌbaganda. Haliko, iri nangaba mbuziri urukundo, ngaaba noꞌlubi nga lwa ngengere, kandi iri lweꞌbinjanja íbiri mu jalala!

2 Kutondobola 20:28

Neꞌri bakahika yo, bayami genda mu nyumba ya Nahano, bagweti bagaalasa ibinanda, neꞌmiduuli, iri banadihiriza ibibuga.