Bwigule 10:1 - Kifuliiru

¹ Ha nyuma, nanabonaga ikindi kihagarusi kyoꞌmuganda, kigweti kigayika ukulyoka mwiꞌgulu. Uyo muganda, âli sokaniinwi neꞌkibungu. Na hiꞌgulu liꞌtwe lyage, hâli soosiri umukuruzi. Amalanga gaage, gâli kizi langashana ngiꞌzuuba, ngaa! Amagulu gaage, gâli riiri nga nguliro zoꞌmuliro.

Bwigule 10:1 Referans Kwoze

Mataayo 17:2

Neꞌri bakaba keera bahika, Yesu anayami hinduka ikikebe imbere lyabo. Amalanga gaage, ganalangashana ngiꞌzuuba. Neꞌmirondo yage, yanaba myeru pepeepe nga mulengeerwe.

Hezekyeri 1:28

Yubwo bulangashane bwanaboneka nga mukuruzi ku kyanya kyeꞌnvula. Gwanakizi langashana nga bulangashane bwa Nahano. Yibyo byoshi, iri nꞌgabibonaga, nanayami gwa buubi, nanayuvwa izu lyoꞌmundu.

Bwigule 5:2

Nanabona neꞌkihagarusi kyoꞌmuganda, kigweti kigateerera umulaga ti: «Zirya nungu zirinda íziri ku yiki kitaabo kibungirize, nyandagi úkwaniini ukuzinunguula, gira akibunguule?»

Danyeri 10:6

Uyo mundu, amagala gaage gâli kizi keyengana ngiꞌbuye írityeriiri. Naꞌmalanga gaage, gâli kizi keyengana nga kiryamu. Amasu gaage, gâli riiri nga mbigi za muliro, kiri amaboko gaage naꞌmagulu, byâli kizi keyengana nga miringa muguuhya. Niꞌzu lyage, lyâli kizi lunduma nga kizimya-izuuba kyaꞌbandu.

Bwigule 4:3

âli kizi keyengana bweneene, ngiꞌbuye yasipi, kandi iri saridwane. Kirya kitumbi kyage, kyâli soosirwi noꞌmukuruzi, gwâli kizi langashana bweneene ngiꞌbuye sikaribukile.

Bwigule 8:13

Ku kyanya nâli gweti ngalangiiza, nanayuvwa nyunda agweti agabalala mu kyanyaanya. Âli gweti agateerera umulaga kwokuno: «Yayewe! Yayewe imwaꞌbandu ábatuuziri mu kihugo. Abaganda bashatu ábaki sigiiri, bagaki dihiriza ibibuga byabo!»

Zaburi 104:3

Keera ukayubaka akaaya kaawe ku miiji mwiꞌgulu, unagweti ugasuula umulindi mu bibungu, nga úli mwiꞌgaari. Uli mu balala mwiꞌgulu, nga kwaꞌkanyuni kali mu balala neꞌbyubi.

Zaburi 97:2

Ubwami bwage busikamiiri ku bikwaniini, na ku byoꞌkuli. Ee ma! Ibibungu biiru-biiru, bimúsokaniini.

Bwigule 1:7

Lolagi! Yesu akola agayija mu bibungu! Abandu booshi banamúbone, kiri na balya ábakamútumita. Abandu beꞌmilala yoshi íri mu kihugo bagaalira ku kimombo hiꞌgulu lyage! Bikizi ba kwokwo!

Mikolezi 26:13

«E mwami, iri nꞌgaba ngiri mwiꞌyo njira, ku kyanya íkiri nga kyaꞌkalenge-renge, lyeryo ngana, nanayami bona ulukeera lukayu ukulyoka hiꞌgulu, ngaa! Lwâli yasiri bweneene ukuhima izuuba! Lwanatuyakira imbande ziitu zooshi, twe naꞌbiitu bo twâli balamiinwi.

Luka 21:27

«Haaho, lyaꞌbandu bagaabona Umwana woꞌMundu, agweti agayija mu bibungu, mu kati koꞌbukalage, na mu bulangashane bwingi.

Danyeri 7:13

«Mu galya mabone gaani, bushigi, nanalangiiza. Yaho imbere lyani, nanabona úshushiri umwana woꞌmundu, agweti agayija mu bibungu, anayiji beera ha butambi lyoꞌmushaaja weꞌmyaka neꞌmyakuula.

Kimombo 3:44

Uki bishamiragi mu kibungu, mbu utayuvwe amahuuno giitu.

Hisaaya 54:9

«Ku kyanya kya Nuhu, nꞌgabiikaga indahiro, kwo ndâye ki bindikire ikihugo ku miiji goꞌmwijulire. Kwo na kwokwo buno, ndi mu shubi biika indahiro, kwo ndâye ki kurakarire, kandi iri kukukambira.»

Hisaaya 19:1

Ino ndumwa, iri hiꞌgulu lyeꞌkihugo kyeꞌMiisiri. Lolagi! Nahano agweti agasuula umulindi ku kibungu, gira agendi teera ikihugo kyeꞌMiisiri. Buno, imigisi yaꞌBamiisiri ikola mu juguma imbere lyage. Kiri naꞌBamiisiri boonyene, imitima yabo keera yajajuka, banakoli shengusiri.

Lwimbo Lwija 5:15

Ibibero byage, biri nga nguliro zaꞌmabuye miiru ágalangashiini. Yizo nguliro, zikashingwa mu ndaliro zeꞌnooro muguuhya. Injusho yage, ali mu nooka-nooka nga mugazi Lebanooni. Ee! Iri nyiija ngana, nga biti byeꞌmyerezi.

Balaawi 16:2

Ha nyuma, Nahano anabwira Musa kwokuno: «Ubwire mukulu wawe wa Harooni atakizi kolwa kwo ataluka gulya mulondo úguli mu handula Ahandu Heeru bweneene, áhali kalya Kajumba keꞌKihango, noꞌmutumbikizo gwako. Yaho handu, atakizi hayingira ngiisi kyanya kyo aloziizi. Mukuba, haaho ho ngakizi yiyerekana mu kati keꞌbibungu, ku yugwo mutumbikizo gwoꞌlukogo. Neꞌri atangasimbaha, ukufwa, agaafwa.

Kulyoka 16:10

Balya Bahisiraheeri booshi, iri Harooni akaba aki gweti agabaganuulira, banalangiiza mwiꞌshamba, banabona ubulangashane bwa Nahano mu bibungu.

Bwigule 18:1

Ha nyuma, nanabonaga ugundi muganda agweti agayija ukulyoka mwiꞌgulu. Uyo muganda, âli riiri noꞌbushobozi bwingi bweneene! Noꞌbulangashane bwage, bwanatanguulira amahanga gooshi.

Bwigule 18:21

Haaho, ikihagarusi kyoꞌmuganda kyanalengeza akabururunge kiꞌbuye. Kâli yumiini noꞌlushyo luhamu. Haaho, kyanalilasha mu nyaaja. Anadeta: «Kwoku, kwaꞌkaaya kahamu keꞌBabeeri kaganyaanyagwa haashi. Katanâye ki boneke!

Bwigule 20:1

Ha nyuma, nanabonaga umuganda agweti agajooka ukulyoka mwiꞌgulu. Uyo muganda, âli fumbiiti ulwiguzo lwoꞌkuyigula kirya kirimbi-rimbi kyeꞌkuzimu. Anâli fumbiiti noꞌmunyororo muhamu bweneene.