Bukengeeze 6:6 - Kifuliiru

⁶ «Imaaja zo namùkomeereza zeene, muzisingule mu mitima yinyu.

Bukengeeze 6:6 Referans Kwoze

Bakolosaayi 3:16

Naꞌmagambo ga Kirisito, gakizi mùyama mwo. Mukizi yigirizania noꞌkuhanuulana ku bwitegeereze bwoshi. Munakizi yimba inyimbo zeꞌZaburi, neꞌzindi nyimbo zoꞌkuyikumba Rurema, nga kwo ziri mu leetwa noꞌMutima Mweru. Munakizi mútangira kongwa mu mitima yinyu.

Yeremiya 31:33

Nahano ashubi detaga kwokuno: «Ku yikyo kyanya, ikihango kyo nganywana naꞌBahisiraheeri, kyo kyekino: Imaaja zaani, ngola ngaziyandika mu menge gaabo, na mu mitima yabo. Ngaaba Rurema wabo. Nabo, banabe bandu baani.

Migani 7:3

Yago migirizo, ukizi gayambala ku minwe yawe, lyo ukizi gayikengeeza, unakizi gayandika na mu mutima gwawe.

Bukengeeze 11:18

«Imaaja zo ngweti ngamùbwira, muzisingule mu mitima yinyu, kiri na mu nzaliro ziinyu. Mutanakizi ziyibagira. Si mukizi zishwekera ku maboko, na ku fita zaꞌmalanga giinyu.

Zaburi 37:31

Ulubaaja lwa Rurema luyamiri luli mu mutima gwage, ataganatyerera mu njira.

2 Bakorindo 3:3

Ukukulikirana noꞌmukolwa gwo tukagira mu kati kiinyu, bibonekeriiri kwo muli nga maruba ágalyosiri imwa Kirisito yenyene. Gatali nga maruba gaꞌbandu bali mu yandika noꞌbwino, kandi iri ku mabuye mabaaje. Si mukoli yandisirwi mu mitima yaꞌbandu, ku njira yoꞌMutima gwa Rurema úli mugumaana.

Bukengeeze 32:46

anababwira: «Amagambo gooshi ga mu yizi maaja, keera namùheereza go zeene. Kwokwo, mugasingule bwija mu mitima yinyu. Munagayigirize naꞌbaana biinyu, halinde bakizi gasimbaha gooshi.

Zaburi 119:11

Lirya Igambo lyawe, ngoli lisingwiri mu mutima gwani, gira ndayiji kengeera nakuhubira.

Hisaaya 51:7

«Mwe musobanukiirwi na íbikwaniini! Munyuvwirize. Mwe mukulikiiri amigirizo gaani! Kundu abandu bagweti bagamùgayiriza, mutabayobohe. Ikyanya bali mu mùhonyoleza, mutakizi batwaza.

Luka 8:15

«Zirya zindi, ikyanya zikatwa mu luvu lwija, biyerekiini umugani gwa ábali mu yuvwa igambo lya Rurema ku mutima mwija, banabe bashenguusiri. Boohe, bali mu ba balikaniziizi, iri banaliyihangaana mwo, halinde linatongeke mu kati kaabo.

Migani 3:5

Ukizi langaalira Nahano ku mutima gwawe gwoshi, utanakizi yegamira ku bwenge bwawe.

Luka 2:51

Ha nyuma, Yesu, ababusi baage banamútaahana i Nazareeti, anakizi basimbaha. Birya byoshi íbikakoleka, nyina âli kizi bisingula mu mutima gwage.

Zaburi 119:98

Yizo maaja zaawe, ziri mu mbiika mwoꞌbwitegeereze ukuhima abagoma baani. Ziyamiri zigweti zigandongoora isiku zooshi.

Zaburi 40:8

Haaho nanadeta: «Keera nayija! Ngolaga hano, e waliha! Ibyeꞌmwani, bikoli yandisirwi mu kitaabo kyawe.

2 Yohana 1:2

Na íbitumiri tumùkuuziri, bwo tuli mwoꞌkuli. Yukwo kuli, kugatuyama mwo imyaka neꞌmyakuula.

Ndondeko 18:19

Nꞌgamútoola, gira akizi yigiriza abaana baage, naꞌba mwiꞌkondo lyage, bakizi simbaha imaaja zaani. Kwokwo, lyo baba bandu bemeera, banabe bali mu ngira íbikwaniini imbere lyani. Naani, na mbakwigize imihango yani.»

2 Samweri 22:23

Imaaja zaage, ndanazijanda. Si byo akanzikiiriza byoshi, ngakizi bisimbaha.

Bukengeeze 11:20

Mukizi ziyandika ku bihamambiro byeꞌnyiivi ziinyu, kiri na ku nyiivi zoꞌtwaya twinyu.

Zaburi 119:13

Bwo keera watumenyeesa zo, ngakizi ziyikoomereza-koomereza.

Zaburi 119:30

E Nahano, keera nꞌgatoola injira yoꞌkuli, na ngoli fitiirwi ukukizi simbaha imaaja zaawe.