Bukengeeze 6:11 - Kifuliiru

¹¹ Mugagwana neꞌnyumba íziyijwiri mweꞌbindu biija, mutanali mwe mukabikuumania. Mugagwana kiri neꞌbirigo byo mutakahumba, neꞌndalo zeꞌmizabibu, na zeꞌmizehituuni zo mutakabyala. Aaho! Ikyanya mugaaba keera mwalya, munayigute,

Bukengeeze 6:11 Referans Kwoze

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Batwi beꞌmaaja 3:7

Abahisiraheeri bâli kizi yibagira Nahano Rurema wabo. Banagenderera ukukizi gira íbitali nga byo imbere lyage, iri banakizi yikumba imizimu ya Baali neꞌya Hasheera.

Bukengeeze 11:15

Aganamùmegeza ubwasi mu ndagiriro ziinyu, halinde mulonge ukuyahirira ingaavu ziinyu. Kiri na mwenyene, mugakizi lya, munakizi yiguta.

Bukengeeze 14:29

Kwokwo, lyaꞌBalaawi bagakizi bilya kwo, halinde banayigute. Mukuba, Abalaawi, ndaabwo buhyane bwo bahiiti mu kati kiinyu. Kiri naꞌbandi ábagoozirwi nabo, babilye kwo, ngeꞌbinyamahanga íbimùtuuziri mwo, neꞌfuuvi, na banamufwiri. Iri mwangahaana kwokwo, lyo Nahano, Rurema winyu agamùgashaanira mu kati ka byoshi.»

Bukengeeze 19:1

«Nahano, Rurema winyu agatee sivya imilala miguma, anamùheereze ikihugo kyabo. Ikyanya mugaaba keera mwabayimula, mugendi tuula mu twaya twabo, kiri na mu nyumba zaabo.

Yoshwa 24:13

«“Yikyo kihugo kyo nꞌgamùheereza, mutakashaha ikyuya hiꞌgulu lyakyo. Na yutwo twaya two nꞌgamùheereza, kundu mukayiji tutuula mwo, haliko mutali mwe mukatuyubaka. Kiri neꞌndalo zeꞌmizabibu, na zeꞌmizehituuni byo mugweti mugaalya, mutali mwe mukabibyala.”

Nehemiya 9:25

Utwaya twabo, kundu twâli zitiirwi, bakatugwata, kuguma neꞌndalo zaabo. Bakagwata kiri neꞌnyumba zaabo ízâli yijwiri mweꞌbindu bya namwingye. Bakagwata neꞌbirigo íbyâli mali humbwa. Banagwata neꞌndalo zeꞌmizabibu, na zeꞌmizehituuni, kuguma neꞌbindi biti bingi byeꞌbitumbwe. Banakizi lya, halinde banakizi dadaara. Na bwo we mwija bweneene, kyanatuma bagajega ngana-ngana.

Zaburi 105:44

Yabo Bahisiraheeri, Nahano anabaheereza utwaya tweꞌbinyamahanga. Yabo bandi, kundu bakagwanwa babyala imbuto, haliko Abahisiraheeri bo bakayiji ziyimbula.