Bukengeeze 4:39 - Kifuliiru

³⁹ «Ku yukwo, mukengeere zeene, munasingulage mu mitima yinyu, kwo Nahano ye Rurema úli mwiꞌgulu, ye na tuuziri mu kihugo. Ndaaye gundi úli ho.

Bukengeeze 4:39 Referans Kwoze

Yoshwa 2:11

Ikyanya tukayuvwa kwokwo, imitima yitu yanayami shenguka. Tweshi twanatwika indege. Mukuba, Nahano, Rurema winyu atuuziri mwiꞌgulu, kiri na hano mu kihugo.

Bukengeeze 4:35

«Yago magambo, mwehe mukagashaanirwa ukugabona. Kwokwo, lyo mulonga ukusobanukirwa kwo Nahano ye Rurema, na kwo ndaaye gundi úwangayikumbwa.

Zaburi 135:6

Yehe, ngiisi byo aloziizi, ali mu bigira, muba mwiꞌgulu, kandi iri mu kihugo, kiri na mu nyaaja, na mu tulingi twazo.

2 Kutondobola 20:6

Anahuuna kwokuno: «E Nahano Rurema wa bashokuluza biitu, wehe we Rurema úli mwiꞌgulu! We na twaziri amaami gooshi ga mu kihugo. We mwene ubushobozi bwoshi neꞌmisi, ndaanaye gundi úkusumbiri.

1 Kutondobola 29:11

We mwene ubukalage, noꞌbushobozi, noꞌbulangashane, noꞌbukulu, noꞌlushaagwa. Kiri na byoshi íbiri mwiꞌgulu, na mu kihugo, biri byeꞌmwawe. E Nahano! Ubwami bulyagagi bweꞌmwawe. Unali mu huuzibwa, bwo uli hiꞌgulu lya byoshi.

1 Kutondobola 28:9

«Na naawe, e mugala wani Sulumaani, ukizi yemeera Rurema wa yisho. Unakizi múkolera ku mutima gwawe gwoshi. Unakizi múlooza ku nzaliro zaawe. Mukuba, Nahano ali mu lola ngiisi mundu mu mutima gwage, anakoli yiji neꞌshungi zaage. Iri wangamúlooza, ugamúbona. Haliko, iri wangamújajaaka, naye agakujanda lwoshi-lwoshi.

Hosheya 7:2

Yabo bandu batayiji kwo ngweti ngabalangiiza. Si ibyaha byabo, bikoli bazungulusiri. Ee ma! Ngiisi byo bagweti bagaagira, ngoli bibwinagi.»

Bukengeeze 32:29

Báki be bitegeereza, nga ábali mu sobanukirwa. Bangamenyiri ngiisi kwo bagaahera.

Hisaaya 5:12

Ikyanya bali mu kizi yilala mu bitali nga byo, bali mu ba bashambiiri, mu kukizi ziha ikinubi, neꞌnzeeze, banalase neꞌngoma, neꞌmiteera-teera. Kundu kwokwo, ngiisi byo Nahano ali mu kizi gira, batabitwaziizi. Kiri na yenyene, batanamútwaziizi.

Zaburi 115:3

E balya, si Rurema witu atuuziri mwiꞌgulu, anali mu gira nga ngiisi kwo aloziizi!

Hisaaya 1:3

Emwe! Ingaavu ziyiji sheebuja. Kiri na bapunda bayiji ho bali mu liira. Si Abahisiraheeri boohe kundu balyagagi bandu baani, haliko batanyiji, batanasobanukiirwi.»

1 Bakorindo 8:4

Ikyanya imigisi iri mu tangirwa inyama, tuyiji-yiji kwo kitali kindu. Tuyiji na kwo ndaaye gundi Rurema, átali yolya muguma naaho.

1 Bakorindo 8:6

Kundu kwokwo, twehe tuhiiti yolya Rurema muguma naaho, anali ye Daata. Yehe, ye kabumba ibindu byoshi. Tunali ho hiꞌgulu lyage. Hanali na Nahano muguma naaho, ye Yesu Kirisito. Yehe, ye tumiri ibindu byoshi biri ho! Ye na tumiri tuli ho.

Kulyoka 8:10

Yabo bakere, banalundwa, halinde ikihugo kyoshi kyanabaya isiko libi.

Bukengeeze 6:4

«E Bahisiraheeri, muyuvwagwe! Nahano, Rurema witu, ali muguma naaho, ndaanaye gundi.

Bukengeeze 7:9

«Ku yukwo, mumenye kwo Nahano naaho, ye Rurema woꞌkuli. Ikyanya abandu bali mu ba bamúsimbahiri, kuguma neꞌmaaja zaage, naye ali mu ba asimbahiri ikihango kyage mu kati koꞌrukundo, halinde ukuhisa ku bibusi kihumbi.

Bukengeeze 32:12

Nahano yenyene âli kizi rongoora abandu baage. Ndaaye gundi mu biri mu yikumbwa úwâli kizi mútabaala.

Hisaaya 44:8

«Mwehe, mwe bandu baani! Aaho! Mutakizi yoboha, mutanajugume. Ka ndakagwanwa namùbwira ibyâye be, ukulyokera yaho keera? Si mwe mulyagagi tumasi twani! Ka halyagagi ugundi Rurema átali niehe? Nanga, maashi! Atayimbwa ho! Nie Lwala lwinyu. Ndaanaye gundi ye nyiji.»

1 Samweri 2:2

Ndaaye gundi úli mweru nga Nahano, ndaanaye gundi Rurema. Ndaaye úli lwala nga Rurema witu.

2 Samweri 7:22

«E Nahano Rurema, ulyagagi wa kahebuuza. Ndaaye úwangakuyigera. Ndaanaye gundi Rurema úli ho, útali wenyene. Yaga gooshi, keera tukagayiyuvwirwa.

1 Kutondobola 17:20

«E Nahano, ndaaye úwangakuyigera. Ndaanaye gundi Rurema úli ho, útali wenyene. Yaga gooshi, keera tukagayiyuvwirwa.

Zaburi 100:3

Mumenye kwo Nahano ye Rurema. Ye katubumba, tunali beꞌmwage. Ee! Tuli bandu baage, tunali nga bibuzi bya mu ndagiriro yage.

Hisaaya 43:10

Nahano adetaga kwokuno: «E Bahisiraheeri, si mwe mulyagagi tumasi twani! Keera nꞌgamùtoola, kwo mube bakozi baani, na ndoziizi mumenye kwo nie Rurema, munabe munyemiiri. Ndaaye gundi Rurema úzindi tanga imbere lyani, ndaanaye úwâye nzinde ho.