Bukengeeze 4:11 - Kifuliiru

¹¹ «Ku lwolwo lusiku, mwanayegeera, mwanayimanga mwiꞌdako lyoꞌmugazi. Yugwo mugazi gwanatondeera ukuyaka kwoꞌmuliro. Imbigi zaagwo zâli kizi hika halinde kwiꞌgulu. Hanaba neꞌkihulu namudidi, kiri neꞌkibungu kizito.

Bukengeeze 4:11 Referans Kwoze

Bukengeeze 5:23

«Ikyanya mukayuvwa lirya izu lya mu kihulu, gulya mugazi gwanaba gugweti gugagulumira kwoꞌmuliro, haaho, abimangizi biinyu, naꞌbashaaja biinyu, bananyijira.

Kulyoka 19:9

Nahano anashubi bwira Musa: «Ngakuyijira mu kibungu íkiyidisiri bweneene, gira lyaꞌbandu bakizi yuvwa ngiisi kwo nakubwira. Kwokwo, lyo bagakizi kubiika kwoꞌmulangaaliro isiku zooshi.» Ha nyuma, ngiisi byaꞌbandu bakadeta, Musa anabiganuulira Nahano.

Bukengeeze 4:12

«Ha nyuma, mu kati ka yugwo muliro, Nahano anamùganuuza, mwanayuvwa amagambo gaage. Haliko yenyene, mutanamúbona. Ngiisi byo mukayuvwa naaho, liri izu lyage.

Zaburi 18:11

Anashooneraga ku makerubi, anamúbalalana, halinde anasuula umulindi mu kyanyaanya, vwi!

Zaburi 97:2

Ubwami bwage busikamiiri ku bikwaniini, na ku byoꞌkuli. Ee ma! Ibibungu biiru-biiru, bimúsokaniini.

2 Samweri 22:10

Anayanuula igulu, anashonookera haashi, atabisiri ibibungu biiru mwiꞌdako lyaꞌmagulu gaage.

1 Baami 19:12

Yugwo musisi, iri gukalenga, hanayija umuliro. Si gulya muliro nagwo, Nahano atâli guli mwo. Ha nyuma, kandi, hanayuvwikana ihizu hiniini, hinatuziizi.