Bukengeeze 33:26 - Kifuliiru

²⁶ Mu kuyusa, Musa anadeta: «E Yeshuruuni, mu biri mu yikumbwa, ndaaye úli nga Rurema wawe. Ku bushobozi bwage, ali mu yiji kutabaala, mu kubalala ukulyoka mwiꞌgulu. Ashoniri ku bibungu nga mundu úshoniri ku fwarasi.

Bukengeeze 33:26 Referans Kwoze

Kulyoka 15:11

«E Nahano, mu biri mu yikumbwa, nyandi úli nga wehe? Nyandi úli mwoꞌbweru bwaꞌkahebuuza? Nyandi úli mu yobohwa mu bulangashane? Nyandi úli mu gira ibitangaaza mwene yibi?

Yeremiya 10:6

E Nahano, ndaaye úkuhisiri kwo. Mukuba, uli mukulu bweneene. Niꞌziina lyawe lyo liri mwoꞌbushobozi.

Habakuki 3:8

E Nahano! Ka wâli rakariiri inyiiji? Ka kiri neꞌnyaaja ukazilangamira, halinde uyije mu bibungu, nga úli mwiꞌgaare, neꞌfwarasi zaalyo zikola mu ganga hiꞌgulu lyoꞌbuhimi?

Hisaaya 19:1

Ino ndumwa, iri hiꞌgulu lyeꞌkihugo kyeꞌMiisiri. Lolagi! Nahano agweti agasuula umulindi ku kibungu, gira agendi teera ikihugo kyeꞌMiisiri. Buno, imigisi yaꞌBamiisiri ikola mu juguma imbere lyage. Kiri naꞌBamiisiri boonyene, imitima yabo keera yajajuka, banakoli shengusiri.

Zaburi 104:3

Keera ukayubaka akaaya kaawe ku miiji mwiꞌgulu, unagweti ugasuula umulindi mu bibungu, nga úli mwiꞌgaari. Uli mu balala mwiꞌgulu, nga kwaꞌkanyuni kali mu balala neꞌbyubi.

Zaburi 86:8

E Nahano, mu biri mu yikumbwa byoshi, si ndaaye úkushushiri! Na mu byoshi byo uli mu kizi gira, ndaaye úwangabihasha.

Hisaaya 40:25

Ulya Mutaluule abuuzagya: «Aaho! Nyandi ye muganjushaania? Ka hali ugundi úli nga nie?»

Hisaaya 40:18

Aahago! Wangagera Rurema na nyandi? Ashushiini na bikagi?

Zaburi 18:10

Rurema anayanuula igulu, anashonookera haashi, atabisiri ibibungu biiru mwiꞌdako lyaꞌmagulu gaage.

Bukengeeze 32:15

«Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Hisaaya 66:8

Kwo na kwokwo, ndaaye mundu úkabona kweꞌkihugo kyangatondeera ku lusiku luguma naaho. Kiri noꞌmulala, ka gwangatondeera ku liguma? Nanga! Halikago i Yerusaleemu, yo igatondeera ku lwolwo lusiku luguma. Aahago! Amagambo mwene yago, ka keera mukagayuvwa? Ka keera mukanagabona? Ku kyanya i Sayuni ikiri mu tondeera ukuyuvwa umukero, lyeryo ngana, igayami buta.

Zaburi 68:4

Haliko, abandu boꞌkuli boohe, bakizi shagaluka imbere lyawe. Bakizi ba naꞌmalega, iri banakuyimbira ku bushambaale.

Kulyoka 8:10

Yabo bakere, banalundwa, halinde ikihugo kyoshi kyanabaya isiko libi.

Bukengeeze 4:35

«Yago magambo, mwehe mukagashaanirwa ukugabona. Kwokwo, lyo mulonga ukusobanukirwa kwo Nahano ye Rurema, na kwo ndaaye gundi úwangayikumbwa.

Bukengeeze 10:14

«Nahano, Rurema winyu, ye twaziri igulu. Atwaziri neꞌkihugo, na íbikiri mwo byoshi.

Hisaaya 44:2

E beene Yakobo, keera nꞌgamùbumba, nanamùtoola. Na buno, mukola bakozi baani. Kiri neꞌkyanya mutâli zaazi butwa, nâli kizi mùlanga mu nda. Kwokwo, mutayobohe! Mukuba, ngakizi mùtabaala.

Hosheya 13:9

«E Bahisiraheeri, si mukola mugashereezibwa! Kundu nie mutabaazi winyu, haliko nienyene nie gamùshereeza.

Hamoosi 8:7

Nahano agweti agashiikiza kwokuno kwiꞌziina lyage: «Yibyo byaꞌBahisiraheeri bagweti bagaakola, ndâye biyibagire!»

Kulyoka 8:6

Faraho, ti: «Umúhuune kusheezi.» Musa, ti: «Bigaaba nga kwo wadeta, halinde lyo ulonga ukumenya kwo ndaaye gundi úyumiini na Rurema Nahamwitu.

Kulyoka 15:7

Ku bushobozi bwawe bwaꞌkahebuuza, watindimaza abagoma baawe. Na ku buraakari bwawe, uli mu bajigiivya nga byula.

Bukengeeze 33:5

Ikyanya abimangizi baꞌBahisiraheeri bakakuumania Abahisiraheeri, haaho, Nahano anayimikwa abe mwami hiꞌgulu lya Yeshuruuni.»

Zaburi 68:35

Mumenyeesanie kwo Rurema ye riiri noꞌbushobozi bweneene. Ye twaziri Abahisiraheeri. Noꞌbulangashane bwage buyamiri butanguliiri Abahisiraheeri.