Bukengeeze 33:22 - Kifuliiru

²² Ku luhande lwa beene Daani, Musa anadeta: «Daani ali nga mwana weꞌndare, úgweti úgasimba-simba ukulyoka i Bashaani.»

Bukengeeze 33:22 Referans Kwoze

Batwi beꞌmaaja 18:27

Birya bindu byo Mika akatuliisa, beene Daani banabitwala, banatwala noꞌlya mugingi úwâli kizi múkolera. Ha nyuma, banagendi teera kirya kihugo kyeꞌLahishi. Na kundu abatuulaga baamwo bâli yituliiri mu kati koꞌbutoge, na buzira luhahalizi, haliko banabaminika booshi ku ngooti. Kiri naꞌkaaya kaabo, banakajigiivya.

Yoshwa 19:47

Kundu kwokwo, yabo beene Daani, bakalenga mu malibu, mu kulonga ubwabo buhyane, kyanatuma bagagendi teera akaaya keꞌLeshemu. Neꞌkyanya bakakagwata, banaminika abatuulaga baamwo booshi, banaba bo bagakatuula mwo. Yako kaaya, banakahindula iziina, banakayinika iziina lya shokuluza wabo Daani.

1 Kutondobola 12:35

Na mu mulala gwa Nafutaali, mwâli lyosiri ibirongoozi kihumbi, kuguma naꞌbandu bihumbi makumi gashatu na birinda ábâli hagasiri isiribo naꞌmatumu.

Batwi beꞌmaaja 16:30

Haaho anayamiza: «Leka nvwagage kuguma naꞌBafirisiti!» Yizo nguliro, Samusooni anazikunyula. Haaho, irya nyumba yanayihongoleka ku batwali baꞌBafirisiti, na ku bandi booshi ábâli riiri mwo, buu! Abandu bo Samusooni akafwana ku yikyo kyanya, bo bakaba bingi ukuhima bo akayita ku kyanya kyoshi âli ki riiri mugumaana.

Batwi beꞌmaaja 15:15

Samusooni anabona umugeka gwa punda, anagutoola, anayingira mu Bafirisiti, anayita-yita mwaꞌbandu kihumbi.

Batwi beꞌmaaja 15:8

Ku kyekyo kyanya, anayami bateera, anabayita mwaꞌbandu bingi. Ha nyuma, anagendi tuula mu lwala lweꞌHetamu.

Batwi beꞌmaaja 14:19

Lyeryo, Umutima gwa Nahano gwanayami yingira mu Samusooni, anaba mwoꞌbushobozi. Kyanatuma agayami genda mu kaaya keꞌHashikelooni, anayita mwaꞌbandu makumi gashatu, ananyaga ibyambalwa byabo byoꞌmulimbo, anabiheereza balya ábakalimbuula gulya mugani. Samusooni, anaba akoli rakiiri bweneene, kyanatuma agalyoka yaho, anataahira imunda ababusi baage.

Batwi beꞌmaaja 14:6

Uyo Samusooni, haaho Umutima gwa Nahano gwanamúyingira mwo, gwanamúshoboleesa. Irya ndare, anagijanganula, nga kwokulya umundu angajanganula ihyanahene. Yibyo Samusooni akagira, atakabiganuulira ababusi baage.

Batwi beꞌmaaja 13:2

Mu kihugo kyeꞌZoora, mwâli riiri mushosi muguma wa mu beene Daani, iziina lyage ye Manowa. Mukaage, ndaaye mwana âli hiiti, bwo âli gumbiri.

Hayubu 37:1

«Iyo nguba, ikyanya ndi mu giyuvwa, umutima gwani guli mu kanguka, gunabe nga guloziizi ukuhuluka mu kifuba kyani.

Hezekyeri 19:2

«Nyoko, yâli riiri ndare yeꞌkitangaaza mu zaabo ndare. Kundu âli tuuziri mu ndare ndangi, âli kizi heereza abaana baage ibyokulya.

Hezekyeri 19:3

Uyo mwana weꞌndare, nyina anamúlera bwija, halinde akizi ba kihagarusi. Neꞌkyanya bâli kizi hiiva, nyina anakizi múheta ukujanganula-janganula inyamiishwa, kiri naꞌbandu.