Bukengeeze 33:19 - Kifuliiru

¹⁹ Mukizi kuumania igindi milala ku mugazi mutaluule. Haaho, ho mugakizi tangira amatuulo, nga kwo mukakomerezibwa. Ubugale bwinyu, bugakizi shaaga mwomwo mu nyaaja, na mu bihinda bibishe mu mushenyu.»

Bukengeeze 33:19 Referans Kwoze

Hisaaya 60:5

Ikyanya mugababona, imitima yinyu igashenguuka bweneene, halinde munashambaale, munabe mukoli keyengiini. Mukuba, abadandaza bagalyoka i kajabo keꞌnyaaja, baheesiri akanyamwala keꞌbindu ukulyoka i mahanga.

Zaburi 4:5

Ikyanya mwangagwatwa noꞌbute, mutakizi leka mbu bumùyingize mu byaha. Haliko, muhulike, munagwejere, iri munakizi yitoneesa naaho.

Hisaaya 2:3

Yugwo mugazi, abingi baabo bagakizi guyija kwo, iri banadeta: «Muyije tuzamuukire ku mugazi gwa Nahano, halinde mu nyumba ya Rurema wa Yakobo! Mango twahika, agatuyigiriza injira zaage, halinde tukizi zikulikira.» Iyo munda i Sayuni, yaꞌmigirizo hiꞌgulu lya Nahano gagakizi lyoka. Ee! Igambo lya Nahano, haaho i Yerusaleemu ho tugaliyigirizibwa.

Kulyoka 15:17

E Nahano, ugabaleeta, bayiji tuula ku mugazi gwawe. Yaho handu, ho wenyene ugatuula. Haaho, ho ukabiika inyumba yawe nyeeru. Ukanagiyubaka naꞌmaboko gaawe.

1 Peturu 2:5

Kiri na niinyu, mukola mabuye magumaana ágayubasiri inyumba ya Rurema. Munakoli biisirwi mwiꞌyo nyumba nga bagingi baage beeru. Kwokwo, lyo mukizi mútangira amatuulo geꞌbyoꞌmutima. Ali mu gayemeera mu kati ka Yesu Kirisito.

Mika 4:2

Ibinyamahanga bingi bigakizi guyija kwo, iri binadeta: «Muyije, tuzamuukire ku mugazi gwa Nahano, halinde mu nyumba ya Rurema wa Yakobo. Mango twahika, agatuyigiriza injira zaage, halinde tukizi zikulikira.» Iyo munda i Sayuni, yaꞌmigirizo hiꞌgulu lya Nahano gagakizi lyoka. Ee! Igambo lya Nahano, haaho i Yerusaleemu ho tugaliyigirizibwa.

Hisaaya 60:16

Ibinyamahanga bigakizi mùleetera ibyokulya byabo, mugaalerwa naꞌbaami baabo. Haaho lyo mugaamenya kwo nie Nahano, Lukiza winyu, na kwo nie Rurema wa Yakobo, Mwene Ubushobozi.

Zaburi 107:22

Bwo Nahano âli gweti agakizi gira ibisoomeza, bakwaniini bakizi deta kongwa, mu kumútangira ituulo. Banakizi múyimbira ku bushambaale.

Zaburi 51:19

Si amatuulo go uloziizi, guli mutima úgukoli noziri. E Rurema, umutima úgukoli noziri, gunakoli yibiisiri haashi, utagagugayiriza.

Bukengeeze 32:13

«Akabaleeza mu marango, anabaliisa imimbu ya mu yikyo kihugo. Anabadahira ubuuki mu nyaala, anabamegeza imizehituuni ku lwajwe.

Ndondeko 49:13

«Zabulooni, agatuula ku butambi bweꞌnyaaja. Amashuba, ganakizi yezeka ho. Ulubibi lweꞌkihugo kyage, lugahekera ku kyeꞌSidooni.

Zaburi 2:6

Nahano adetaga kwokuno: «Keera nꞌgataluula umugazi gwani Sayuni, ho nanayimika umwami wani gira akizi twala.»

Zaburi 4:6

Mukizi tangira Nahano amatuulo ágakwaniini, iri munamúbiika kwoꞌmulangaaliro.