Bukengeeze 32:30 - Kifuliiru

³⁰ Aaho! Koꞌmugoma muguma naaho angayimwiri Abahisiraheeri kihumbi? Kaꞌbagoma babiri bangayimwiri Abahisiraheeri bihumbi ikumi? Aahabi! Bitangashobosiri. Kundu kwokwo niehe, nie Nahano, ulwala lwabo, nie kaleka abagoma baabo babahime.

Bukengeeze 32:30 Referans Kwoze

Balaawi 26:8

Kundu abagoma bangaba bali igana, haliko Abahisiraheeri bataanu naaho, bagabatibita kwo. Neꞌri abagoma bangaba bali bihumbi ikumi, Abahisiraheeri igana naaho, bagabatibita kwo. Yabo bagoma, mugabaminika ku ngooti.

Yoshwa 23:10

Umundu muguma mu kati kiinyu, agakizi lwisa abagoma kihumbi, anabayimule. Mukuba, Rurema Nahamwinyu ye gweti úgamùlwira, nga kwo âli mali gwanwa amùlagaania.

Hisaaya 30:17

Mu yabo bagoma, muguma naaho agabiika ikikando, abandu biinyu kihumbi banayami puumuka. Abataanu baabo nabo, bagamùshindibuka kwo mweshi. Mugasigala naaho ngeꞌkiti kishinge kyonyene kwiꞌrango, kinamanisirwi kweꞌhisanganira hiꞌrembera.»

Zaburi 31:8

Ngakizi kushagalukira, na ngizi shambaalira urukundo lwawe. Mukuba ikyanya nâli kizi libuuka, wanambona, wanayuvwa ngiisi kwo nâli koli shengusiri mu mutima gwani.

Zaburi 44:12

Ukatutangaga nga bibuzi íbigagendi baagwa, wanatushabulira hala mu mahanga.

Hisaaya 52:3

Nahano adetaga kwokuno: «Ikyanya mukagendi ba baja, mutakagulwa neꞌfwaranga. Kwokwo, kiri na mu kushubi guluulwa, ndaazo ízigatangwa.»

2 Kutondobola 24:24

Kundu yabo basirikaani beꞌSiriya bâli riiri bagerwa naaho, si Nahano ye katuma bagaahima abasirikaani bingi beꞌBuyuda. Mukuba, Abayuda bâli mali janda Nahano Rurema wa bashokuluza baabo. Kwokwo, kwaꞌBasuriya bakakoleesa ikihano kya Rurema hiꞌgulu lya mwami Yohaashi.

Batwi beꞌmaaja 3:8

Kyanatuma Nahano agabarakarira bweneene, anababiika mu maboko ga mwami weꞌHaraamu, iziina lyage ye Kushani-Rishatahimu. Uyo mwami, Abahisiraheeri banamúkolera imyaka munaana.

Hisaaya 50:1

Nahano adetaga kwokuno: «Ka nꞌgamùguza mu buja, lyo ndiha imyenda? Nanga! Ka nyoko atakiri ho, mbu bwo nꞌgamúyimula, mu kumúyandikira amaruba goꞌkumúlahira? Nanga, maashi! Yago maruba, iri gangaba gali ho, muganyereke. Si mwehe, íbitumiri mukaguzibwa, biri hiꞌgulu lyeꞌbyaha biinyu. Kiri na nyoko, naye akayimulwa hiꞌgulu lyoꞌbuhuni bwinyu.

Hayubu 11:10

«Nga Rurema angatuyijira, analashe umundu mu mbohe, kandi iri amúlegere imbere lyaꞌbatwi beꞌmaaja, nyandi kandi úwangamúhangirira?

Batwi beꞌmaaja 2:14

Yabo Bahisiraheeri, Nahano anabarakarira, analeka abanyazi bakizi yiji bashahula ibindu. Anababiika mu maboko gaꞌbagoma baabo, halinde batanaki hasha ukubahangirira.

Mataayo 18:25

«Uyo mukozi, iri akagiraga mbu aguyishule, anayabirwa lwoshi-lwoshi. Kyanatuma ulya nahamwabo agaadeta kwo aguliisibwe, kuguma na mukaage, naꞌbaana baage, na ngiisi bindu byo âli gweti, halinde lyoꞌmwenda guyishulwa.

Hayubu 16:11

Rurema keera ambiika mu maboko gaꞌbanabyaha, banali banangora-mabi.

Balaawi 26:7

Yabo bagoma biinyu, mugakizi bayimula, munabaminike ku ngooti.

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

1 Samweri 2:2

Ndaaye gundi úli mweru nga Nahano, ndaanaye gundi Rurema. Ndaaye úli lwala nga Rurema witu.

1 Kutondobola 12:14

Na wiꞌkumi, ye Yeremiya. Na wiꞌkumi na muguma, ye Makibanayi.

1 Baami 14:16

Yerobwamu âli kizi yifunda mu byaha, anakizi hubiisa Abahisiraheeri, halinde nabo bakizi bihuuka. Kyo kitumiri Nahano agabajandirira.»

2 Baami 7:5

Kwokwo, iri bukatondeera ukuyira, balya bashosi banagendi yifunda mu shumbi zaꞌBaharaamu. Halikago, iri bakayingira mwo, ndaaye mundu ye bakagwana.