Bukengeeze 32:24 - Kifuliiru

²⁴ Bagashalika bweneene, halinde banajambe ngana-ngana. Bagaminikwa niꞌshuushira, naꞌgandi malwazi. Ngahanguula inyamiishwa ndangi zikizi bajanganula. Banakomwe neꞌmijoka íri neꞌmbola, inali mu yibulula kwiꞌdaho.

Bukengeeze 32:24 Referans Kwoze

Balaawi 26:22

Ngahamuliza inyamiishwa ndangi mu kati kiinyu, zinalye abaana biinyu, zinasivye neꞌbitugwa biinyu. Emwe! Umuharuuro gwinyu, gugakizi niiha, halinde injira ziinyu zinashake.

Hezekyeri 5:17

Na kwakundi, ngamùtumira inyamiishwa ndangi, gira zikayite abaana biinyu. Mugakizi teerwa naꞌmalwazi, kiri niꞌzibo, halinde abagoma banakizi mùyita ku ngooti. Kwokwo, kwo nie Nahano ndesiri!»

Habakuki 3:5

Imbere lyage, ali mu tee lungika ikiija kikayu, ubuhanya nabwo bunayije bumúshalagiiri.

Hamoosi 9:3

Kwakundi, kundu bangayibisha kwiꞌrango lyoꞌmugazi Karimeeri, ngagendi bashakula yo, na mbabirigishe. Na kundu bangagendi bishama mu tulingi tweꞌnyaaja, ngahanguula kirya kihuume kyoꞌmujoka, kigendi bakoma mwo.

Hezekyeri 14:21

Rurema Nahamwitu adetaga kwokuno: «Kalya kaaya keꞌYerusaleemu, ngakahana ku bihano bina bikayu: kwiꞌzibo, na kwiꞌshali, na ku nyamiishwa ndangi, na ku kiija. Kwokwo, lyo ndonga ukuminika abandu baamwo, kiri neꞌnyamiishwa.

Hezekyeri 14:15

«Yikyo kihugo, hali ikyanya nangatuma mweꞌnyamiishwa, gira zikizi yita abandu, kinasigale kimaata. Abandu batanaki bone ho bangalenga.

Kimombo 5:10

Buno, tukoli shalisiri bweneene, halinde kiri noꞌluhu lwitu lukola mu gulumira nga muliro.

Yeremiya 16:4

Baguma, ikiija kigabaminika. Ndaanaye úgabalirira, kandi iri kubaziika. Abandi bagayitwa mwiꞌzibo, kandi iri kwiꞌshali. Ibirunda byabo, bigaaba mijande-mijande nga nagiira. Bigayiji liibwa noꞌtunyuni, neꞌnyamiishwa.»

Yeremiya 15:3

«Ngabalungikira abashereeza bana, bo baaba: ingooti, zikizi bayita. Noꞌtubwa, tubakululire ha butambi. Na banyunda, babajojomole. Neꞌnyamiishwa, zijanganule ibirunda byabo.» Kwokwo kwo Nahano adesiri.

Yeremiya 14:18

Ikyanya ndi mu genda mu mbingiro, ndi mu gwana mweꞌbirunda bya ábakayitwa neꞌngooti. Neꞌkyanya ndi mu yingira mu kaaya kahamu na ngwane mwaꞌbandi, bakola mu fwa niꞌshali. Kiri naꞌbaleevi naꞌbagingi, keera bakatwalwa hala mu mahanga go batayiji.”»

Hisaaya 65:25

Yaho ku mugazi gwani mutaluule, ndaaye úgakomeresibwa, kandi iri kuyitwa. Imirunga neꞌbibuzi bigaragirira kuguma. Indare zigakizi yahirirwa nga ngaavu. Halikago umujoka gwohe, ibyokulya byagwo, lugaaba luvu naaho.» Kwokwo, kwo Nahano adesiri!

Zaburi 120:4

Si mugakizi tumitwa neꞌmyambi myugi-myugi, munagendi singoolerwa mwiꞌbengesheeshe lyoꞌmuliro!

Zaburi 91:6

Ikyanya ikiija kiri mu yija kigatogeera mu kihulu, utakiyobohe. Utanayobohe na kirya kiija íkiri mu yitana kalenge-renge.

Bukengeeze 28:53

«Yabo bagoma, ikyanya bagasokanana utwaya twinyu, bagamùyogogoza bweneene, munakizi libuuka ngana-ngana. Ku yikyo kyanya umwena gugamùkayira bweneene, halinde munakizi lya abaana biinyu boꞌbutabana na boꞌbunyere bo Nahano Rurema akamùheereza.

Bukengeeze 28:22

Nahano agamùyogogoza naꞌmalwazi, halinde munahererekere. Mugalwala ikikaraza neꞌshuushira likayu, naꞌmahere. Muganahahazibwa neꞌbirigindi liꞌzuuba, neꞌkikamo, neꞌkihuhuuta, noꞌlukungu. Ku kasiisa, agamùdaaka mu ngiisi njira, halinde munayami hera.

Ndondeko 49:15

Abwinagi kwo yaho ho ali mu luhuukira, hali hiija, na kweꞌkihugo kisimisiizi. Kyanatuma agaagoka, gira iyo miteekerwa, agiheekage. Na mu kugiheeka, anabe muja woꞌkukola ku kahaati.

Ndondeko 3:14

Gulya mujoka, Nahano Rurema anagubwira: «Bwo wagira kwoku, we koli daasirwi ukuhima ibitugwa byoshi, neꞌnyamiishwa zooshi. Ukola ugakizi gendeesa ibunda isiku zaawe zooshi, unakola ugakizi lya uluvu.

Bukengeeze 28:48

Ku yukwo, Nahano agamùbiika mu maboko gaꞌbagoma, munakizi bakolera mu buja. Mugakizi shalika, iri munanyoterwa bweneene. Mugaabula ibyambalwa, munabe banakahuku. Nahano agamùtumira abatwali boꞌkumùvindagaza, halinde ku kyanya agamùsivya.

Hayubu 20:16

banabe bakola mu yonga amanjoka-njoka. Umujoka, gugabakoma ngana, gunabayite.

Yeremiya 8:17

Nahano ashubi detaga kwokuno: «Lolagi! Keera natuma imijoka, iyiji mùkoma. Iyo mijoka, ndaaye úwangagikubika, mbu itamùkome.»

Mika 7:17

Yibyo binyamahanga, bigakizi yibulula mu luvu, nga mujoka. Binalyoke mu tuhonga twabo, mu kuyiji juguma imbere lya Rurema Nahamwitu. Bagagwatwa neꞌkyoba imbere lyage.