Bukengeeze 32:15 - Kifuliiru

¹⁵ «Kwokwo, kundu Abahisiraheeri bakajega, haliko banahuna imbere lyage. Emwe! Bakalya, banajega, banafiika. Ha nyuma, banajanda Rurema wabo, kundu ye kababumba. Bakagayiriza lukiza wabo, kundu ali lwala lukomu.

Bukengeeze 32:15 Referans Kwoze

Bukengeeze 31:20

Mukuba, ndoziizi ukuyingiza yaba bandu mu kihugo, íkiyeziri mwaꞌmata, noꞌbuuki. Keera nꞌgakilagaania bashokuluza baabo, mu kubiika indahiro. Bagakizi lya, banayigute, halinde banajege. «Haliko ha nyuma, bagahindukira ibindi-bindi íbiri mu yikumbwa, banakizi biyikumba. Si niehe, bagakizi ngayiriza, iri banahongola ikihango kyo tukanywana twe nabo.

Hosheya 13:6

«Haliko, ikyanya nꞌgamùheereza ibyokulya, mwanayiguta. Haahago, mwanatondeeza ukuyikangaata, mwanayami nyibagira lwoshi-lwoshi.

Zaburi 89:26

Ngamúyushuulira ubutwali bwage, ukulyokera ku nyaaja Mediterane, halinde ku lwiji Hefuraati.

Bukengeeze 33:5

Ikyanya abimangizi baꞌBahisiraheeri bakakuumania Abahisiraheeri, haaho, Nahano anayimikwa abe mwami hiꞌgulu lya Yeshuruuni.»

Mikolezi 28:27

Yaba bandu, keera bakayumuusa imitima yabo. Banakoli ba babitwitwi, banakoli ba bandabona. Nga bitangabiiri kwokwo, amasu gaabo gangabwini. Naꞌmatwiri gaabo, gangayuvwiti. Neꞌmitima yabo, yangasobanukiirwi, halinde bangangalukiiri, na mbakize.”»

1 Samweri 2:29

«Aaho! Amatuulo gaani, kituma kikagi ugweti ugagagayiriza? Si ugweti ugaakuza abaana baawe ukumbima. Ikyanya Abahisiraheeri bali mu ndangira amatuulo, muli mu yiduza mwenyene, mu kukizi lya inyama íziheshiri.

Bukengeeze 32:4

ye na lwala. Imikolezi yage ikwaniini. Neꞌnjira zaage zooshi, ziri zoꞌkuli. Rurema witu ali mwemeera, ndaanago mahube go ali mu gira. Ayamiri ali mu gira íbikwaniini, na íbiri byoꞌkuli.

Yeremiya 5:28

Bakoli jeziri, naꞌmagala gakoli shogahiri. Ibitalaalwe byabo, bitahiiti ho byangahekera. Batali mu bulanira ifuuvi ku njira yoꞌkuli. Naꞌbakeni, bali mu bayima ukuli kwabo.»

Hisaaya 44:2

E beene Yakobo, keera nꞌgamùbumba, nanamùtoola. Na buno, mukola bakozi baani. Kiri neꞌkyanya mutâli zaazi butwa, nâli kizi mùlanga mu nda. Kwokwo, mutayobohe! Mukuba, ngakizi mùtabaala.

Hisaaya 6:10

Yaba bandu, ukizi yumuusa imitima yabo! Naꞌmatwiri gaabo, ukizi gaziba. Naꞌmasu gaabo, ukizi gabwikira. Buzira kwokwo, hali ikyanya amasu gaabo gangalonga ukubona. Naꞌmatwiri gaabo ganalonge ukuyuvwa. Naꞌmenge gaabo ganalonge ukusobanukirwa. Kwokwo, lyo bangangalukira, mbu balongage ukukira.»

Hisaaya 1:4

E Bahisiraheeri, yayewe imwinyu! Si mugweti mugayifunda mu byaha, binakoli mùzidohiiri. Mukola banangora-mabi, munakola baana ábasherebiiri! Keera mukajanda Nahano. Na kundu alyagagi Mutaluule waꞌBahisiraheeri, haliko mwamúhindulira ingoto, munakoli múnegwiri!

Zaburi 95:1

Muyije, tukizi yimbira Nahano ku bushambaale. Tukizi múbandira akabuuli, awi yiyi yiyi! Mukuba, Nahano ye Lwala lwo tuli mu kizibwa mwo.

Zaburi 73:7

Bweꞌmitima yabo iri mindagabika, bali mu kizi yifunda mu mabi. Si ubuligo bwo bali mu yitoneesa kwo, buleeziri ulugero bweneene!

Nehemiya 9:25

Utwaya twabo, kundu twâli zitiirwi, bakatugwata, kuguma neꞌndalo zaabo. Bakagwata kiri neꞌnyumba zaabo ízâli yijwiri mweꞌbindu bya namwingye. Bakagwata neꞌbirigo íbyâli mali humbwa. Banagwata neꞌndalo zeꞌmizabibu, na zeꞌmizehituuni, kuguma neꞌbindi biti bingi byeꞌbitumbwe. Banakizi lya, halinde banakizi dadaara. Na bwo we mwija bweneene, kyanatuma bagajega ngana-ngana.

2 Samweri 22:47

«Nahano ayamiri ho. Na bwo ye lwala lwani, akizi yivugwa. Rurema wani, akizi huuzibwa! Ye Lwala lwani, ye na Lukiza wani.

Bukengeeze 33:26

Mu kuyusa, Musa anadeta: «E Yeshuruuni, mu biri mu yikumbwa, ndaaye úli nga Rurema wawe. Ku bushobozi bwage, ali mu yiji kutabaala, mu kubalala ukulyoka mwiꞌgulu. Ashoniri ku bibungu nga mundu úshoniri ku fwarasi.

Bukengeeze 32:6

Muli bandu bahwija, munakoli sirehiri, Aaho! Ka kwokwo, kwo mugakizi kolera Nahano? Aaho! Ka Nahano atali ye yisho? Ka atanali ye kamùbumba, anamùsikamya?

Bukengeeze 31:16

Lyeryo, Nahano anabwira Musa kwokuno: «Lolaga! Ukola ugagenda imunda lukalamuka. Si yaba Bahisiraheeri, baganyiyogookola. Banatondeere ukukizi yikumba imigisi ya mu kihugo kyo bagagenda mwo. Kiri neꞌkihango kyo tukanywana twe nabo, bagakihongola.

Mikolezi 9:5

Sahuli, ti: «E Nahano, we nyandi?» Anamúshuvya: «Nie Yesu, nie ugweti ugalibuza.

Yeremiya 5:7

Nahano adetaga kwokuno: «E batuulaga beꞌYerusaleemu, kituma kikagi nangaki mùkejeerera? Si kiri naꞌbaana biinyu keera bakanjanda! Banakola mu kizi biika indahiro kwiꞌziina lyeꞌmigisi, itanakwiriiri ukuyikumbwa. Kundu nâli kizi mùheereza ngiisi íbyâli kizi mùgoora, halikago mwanakizi yifunda mu bushule. Mwanâli kizi shiiba mu nyumba zaꞌbashule.

Yeremiya 2:5

Mukuba adetaga kwokuno: «Bashokuluza biinyu, biki byo bakangayira, halinde bahabuke, banakizi gendi yikumba imigisi? Iyo migisi yabo, si ndaako kamaro ibahitiiri! Kiri na boonyene, si ndaako bahiiti!

Zaburi 119:70

Na kundu imitima yabo ikubisirwi, itanali mweꞌndengeerwa, haliko, niehe ndi mu ba njambaliiri imaaja zaawe naaho.

Zaburi 18:46

Balya bandu, bakayija bakoli vunisiri imitima. Na ábâli bishamiri, banakizi yibishuula, iri banalenga mweꞌkinyukura.

Zaburi 17:10

Si balya banakuhambwa batahiiti ikimino, banayamiri bagweti bagayikangaata naaho!

Hayubu 15:27

Yabo banakuhambwa, amalanga gaabo gali mu yaga-yaga naꞌmavuta. Kiri neꞌbibuno byabo, bikoli jeziri bweneene.

Batwi beꞌmaaja 10:6

Abahisiraheeri banashubi gira íbitali nga byo imbere lya Nahano. Bakajanda Nahano lwoshi, batanakizi ki múyikumba. Si bâli kizi kolera umuzimu Baali, noꞌmuzimu Hashitarooti, kuguma neꞌgindi migisi yeꞌHaraamu, na yeꞌSidooni, na yeꞌMohabu, na yeꞌHamooni, na yeꞌBufirisiti.

1 Kutondobola 5:25

Kundu kwokwo, banahuna imbere lya Rurema wa bashokuluza baabo. Bakayigira nga bashule mu kuyikumba imigisi yaꞌbandu ba yibyo bihugo byo Rurema akabaminikira.

2 Kutondobola 26:16

Ulya mwami Huziya, ikyanya akabona kwo akola mugangambale, ehee! Anatondeera ukuyikangaata, anahuna imbere lya Nahano Rurema wage, kyanatuma agashereezibwa. Lusiku luguma, Huziya akayifunda mu nyumba ya Nahano, gira ayokye umubadu ku katanda.

Zaburi 81:11

Si niehe, nie Rurema Nahamwinyu. Nie kamùlyosa mu kihugo kyeꞌMiisiri. Kwokwo, muyamuule utunwa twinyu, gira mbakombeke ibyokulya.

Yeremiya 2:31

Yemwe bandu ba zeene! Nie Nahano, nie wakyula. Aaho! Mundegage amatwiri. Ka ndi mu teera abandu ikyoba, nga úli mu lenga mwiꞌshamba, kandi iri ngeꞌkihugo íkiyidisiri mweꞌkihulu namudidi? Si muli baana baani! Aahago! Kituma kiki mugweti mugaadeta: “Leero buno, tugagenda ngiisi ho tuloziizi. Tutagaki kugalukira!”

2 Kutondobola 12:1

Ulya Rehobwamu, ikyanya akaba keera asikamya ubutwali bwage, anatondeera ukujanda imaaja za Nahano. Kiri naꞌbandu baage booshi, nabo banazijanda.

Nehemiya 9:26

«Kundu kwokwo, balya bashokuluza biitu batâli kizi kusimbaha. Si bakakizi huna imbere lyawe, batanatwaza imaaja zaawe. Banayita kiri naꞌbaleevi baawe, banali bo bâli kizi bayinginga kwo bakugalukire. Banakizi tuka iziina lyawe bweneene.

Zaburi 89:27

Uyo Dahudi agambwira, ti: “Wehe, we daata, unali we Rurema wani. Ee! Uli lwala lwani, unagweti ugangiza.”

Zaburi 100:3

Mumenye kwo Nahano ye Rurema. Ye katubumba, tunali beꞌmwage. Ee! Tuli bandu baage, tunali nga bibuzi bya mu ndagiriro yage.

Hisaaya 43:1

E beene Hisiraheeri! Nahano, ye kamùbumba, anadetaga kwokuno: «Mutakizi yoboha! Si keera nꞌgamùhamagala mwiꞌziina liinyu, nanamùguluula, halinde mwanaba bandu baani!

Yeremiya 2:32

Umunyere, si atangayibagira ukuyilimbiisa noꞌbungeni-ngeni bwage! Noꞌmuhya-kazi atangayibagira ukuyambala ikanju lyage lyoꞌbuhya! Halikago abandu baani boohe, bakoli hisiizi isiku kandaharuurwa banyibagiiri.

Hezekyeri 14:5

«“Ha nyuma, abandu baani Abahisiraheeri, kundu bakanjanda, mbu bakizi yikumba imigisi, haliko, nie Nahano ngabashimya, halinde bashubi ngalukira.”

Hosheya 4:7

«Balya bagingi, ikyanya bagweti bagayushuuka, ibyaha byabo nabyo, iri binayushuuka. Kwokwo, ngahindula ulushaagwa lwabo, zibe shoni.