Bukengeeze 28:8 - Kifuliiru

⁸ «Nahano, Rurema winyu agakizi gashaanira ibihinda biinyu, kiri na byoshi byo mugaakola. Neꞌkyanya agamùheereza kirya kihugo, agakizi mùgashaanira mwo.

Bukengeeze 28:8 Referans Kwoze

Bukengeeze 15:10

Si mwehe, mukizi haana ku mutima úgushenguusiri, na buzira kuyidodomba. Kwokwo, kwo Nahano, Rurema winyu agakizi mùgashaanira mu mikolwa yinyu yoshi, na mu byoshi byo mugaagira.

Balaawi 26:10

Mugayeza ngana-ngana, ukuhisa ku kyanya mugaaba muki gweti mugaalya imimbu ya kare. Mugahikiira ukushaaza byo mukasingula kare, gira lyo mulonga ho mugalangira imimbu mihyahya.

Zaburi 133:3

Yubwo buguma buli mu ba nga kimi kya ku mugazi Herimooni, kwo kiri mu hinga ku tugangazi tweꞌSayuni. Kwokwo, kwo Nahano ali mu gashaanira abandu, halinde banalonge ukulama imyaka neꞌmyakuula.

Luka 12:18

«Anayidesa: “Ngoli yiji kwo ngaagira. Namuhongola ibihinda byani, na nyubake ibihamu. Mwomwo, mukabe mwo ngalunda ino mimbu yani yoshi, neꞌbindi bindu byani.

Mataayo 6:26

«Mulolere ku tunyuni, kwo tuli mu balala mu kyanyaanya. Si tutali mu byala, tutanali mu yimbula. Ndaanabyo bihinda byo tugweti. Kundu kwokwo, Yisho úli mwiꞌgulu, ali mu tuliisa. Aaho! Mwehe, ka mutali mwe muli naꞌkamaro bweneene ukuhima utunyuni?

Zaburi 42:8

Ngweti ngalongaga amakuba bweneene, na nyiyuvwe nga shalalo ígweti igalulumba-lulumba, inanjalalire kwo. Ee! Ngolaga nga mbindikiirwi neꞌmidunda.

Balaawi 25:21

Yuvwagwi! Mu mwaka gwa kalindatu, ngamùgashaanira bweneene, halinde ikihugo kinatange imimbu ígamùhisa ku myaka ishatu.

Hagayi 2:19

Birya bihinda biinyu byeꞌngano, ka bitali peperege? Kiri neꞌrya mizabibu, neꞌrya mitiini, na galya makomamanga, neꞌrya mizehituuni, nabyo byafunyaala. Kundu kwokwo, ukulyokera zeene, ngola ngakizi mùgashaanira.»

Zaburi 144:13

Ibihinda biitu, bigakizi yijula mwo ngiisi mulala gweꞌmbuto. Ibibuzi biitu mu ndagiriro, bigayolola ibihumbi, kiri neꞌbihumbi ikumi.

2 Baami 6:27

Mwami anamúbwira: «Nahano, iri angalahira ukukutabaala, niehe ngalyosa ubutabaazi hayi? Ka kulyoka mu kiyeluuliro kyeꞌngano, kandi iri kulyoka mu mukenge?

Mataayo 13:30

Mulekage byoshi bikulire kuguma, halinde ukuhisa ku kyanya kyoꞌkuyimbula. Haaho, lyo ngabwira abimbuzi, ti: Mutee kuumania ikishuka, munakishweke biiro-biiro, gira kigendi lashwa mu muliro. Haliko ingano, zoohe, muzikumanize mu kihinda kyani.”»

Zaburi 44:4

Ikyanya bakanyaga ikihugo, kutâli riiri ku njira yeꞌngooti zaabo. Kutanâli riiri, mbu bwo bahiiti imisi. Halikago, bakahima ku bushobozi bwawe. Wâli bakuuziri. Noꞌbulangashane bwa ku malanga gaawe, bwâli kizi bamolekera.

Bukengeeze 15:4

«Mu kati kiinyu, mutagaboneka umukeni. Mukuba, Nahano, Rurema winyu, agamùheereza ikihugo bube buhyane bwinyu, halinde anakizi mùgashaanira.

Bukengeeze 28:7

«Ikyanya abagoma bagakizi yiji mùteera, Nahano agakizi mùhimira bo. Ngeeka mu kumùyijira, bangayija mu njira nguma. Si mu kumùtibita, bakizi shaabuka mu njira zirinda.

Bukengeeze 28:20

«Na bwo mukamúyihindulira, mwanayilala mu mabi, kyo kitumiri Nahano agamùdaakiriza, halinde munashenguke. Byoshi byo mugakizi kola, agakizi biyondobeza. Anayami mùminika, munafwe duba.

Bukengeeze 14:29

Kwokwo, lyaꞌBalaawi bagakizi bilya kwo, halinde banayigute. Mukuba, Abalaawi, ndaabwo buhyane bwo bahiiti mu kati kiinyu. Kiri naꞌbandi ábagoozirwi nabo, babilye kwo, ngeꞌbinyamahanga íbimùtuuziri mwo, neꞌfuuvi, na banamufwiri. Iri mwangahaana kwokwo, lyo Nahano, Rurema winyu agamùgashaanira mu kati ka byoshi.»

Zaburi 1:3

Uyo mundu ali mu ba nga kiti kibyale ha butambi lyoꞌlwiji, kinali mu kizi tongeka ku kyanya kyakyo. Ibyasi byakyo, bitâye bogame. Na ngiisi byo ali mu gira, biri mu múgenduukira.

Zaburi 128:2

Yabo bandu, ngiisi byo bagweti bagahimbukira kwo, bagaabilya, banakizi gashaanirwa, iri banagenduukirwa.