Bukengeeze 28:16 - Kifuliiru

¹⁶ «Mugadaakwa mu twaya, kiri na mu mbingiro.

Bukengeeze 28:16 Referans Kwoze

Yuheeri 2:3

Yikyo kiso, umuliro guli mu singoola imbere lyakyo, kiri neꞌnyuma lyakyo. Ngiisi ho guli mu lenga, hanasigale bwanuula. Yibyo bizimu, ikyanya bitâli zaazi lenga, ikihugo kyâli riiri kiija ngana ngeꞌndalo yeꞌHedeni. Haliko, iri bikaba keera byalenga, kyanasigala ngiꞌshamba lya tema-ndime. Emwe! Ndaahyo íhiri mu fuuka imbere lyabyo.

Yuheeri 1:4

Ngiisi mbuto ízikasigwa neꞌmigunga, zanaliibwa neꞌnzige. Na ízikasigwa neꞌnzige, zanaliibwa na banamahingiri. Na ízikasigwa na banamahingiri, zanaliibwa naꞌmahaazi.

Yeremiya 44:22

«Aahabi! Birya bikoleere byo mwâli kizi gira, byâli kizi yagaza Nahano bweneene! Kyo kitumiri atakamùyigenderera, anahindula ikihugo kiinyu kibe mushaka. Kwokwo, abandu bakola mu kizi kidaaka, halinde zeene.

Yeremiya 14:18

Ikyanya ndi mu genda mu mbingiro, ndi mu gwana mweꞌbirunda bya ábakayitwa neꞌngooti. Neꞌkyanya ndi mu yingira mu kaaya kahamu na ngwane mwaꞌbandi, bakola mu fwa niꞌshali. Kiri naꞌbaleevi naꞌbagingi, keera bakatwalwa hala mu mahanga go batayiji.”»

Migani 3:33

Ikyanya abandu bali mu gira íbitali nga byo, Nahano ali mu badaaka. Si ngiisi ábali mu gira íbikwaniini boohe, ali mu kizi bagashaanira.

Kimombo 5:10

Buno, tukoli shalisiri bweneene, halinde kiri noꞌluhu lwitu lukola mu gulumira nga muliro.

Kimombo 1:1

Mu mahanga gooshi, akaaya keꞌYerusaleemu ko kâli kizi huuzibwa bweneene. Haliko buno, kakola nga namufwiri. Yako kaaya kâli yijwiri mwaꞌbandu bingi, si buno keera kasiba lwoshi. Mu tundi twaya, kundu ye wâli muluzi-nyere, si buno, kakolaga muja-kazi naaho.

Yeremiya 26:6

Kwokwo iyo nyumba yani, ngagishereeza, nga kwo nꞌgashereeza iheema lyeꞌmihumaanano i Shiilo. Iziina lya kano kaaya, abandu baꞌmahanga gooshi bagakizi likoleesa naaho mu kudaakana.”»

Yeremiya 9:11

Aahago! Yibyo byoshi, nyandagi mwitegeereza, úwangabisobanukirwa? Na nyandi úkaganuuza Nahano, halinde anamúbishuuka íbitumiri ikihugo kyashereera? Kituma kikagi ikihugo kikola kimaata ngiꞌshamba? Na kituma kiki ndaaye mundu úkiri mu kilenga mwo?

Hisaaya 43:28

Ku yukwo, kundu nꞌgataluulaga abagingi biinyu, ngola ngabateeza ishoni. Ngola ngaaleka Abahisiraheeri, beene Yakobo, bakizi tukwa. Ngaaleka bashereezibwe lwoshi-lwoshi.»

1 Baami 17:12

Uyo maawe naye, ti: «Nga kwo Rurema Nahamwinyu ayamiri ho, ku kasiisa ndaki hiiti íhikateerwa ku shinda. Si mu kitiri, nzigiriini ikigasha kiguma naaho kyoꞌmushyano. Na mu njebe, musigiiri utuvuta tuniini. Kwoku, ngweti ngasheenya utushaali, gira yutwo útusigiiri, ngendi tudeeka. Twe na mugala wani, mango twayusa ukulya, iri tukola tugalindiriraga naaho ukufwa.»

1 Baami 17:5

Ikyanya Hiriya akabwirwa kwokwo, anasimbaha, anagendi shumbika ha lwiji Keriti.

1 Baami 17:1

Hâli riiri umuleevi muguma, iziina lyage ye Hiriya. Âli riiri wa mu kaaya keꞌTishibe, ka mu poroveesi yeꞌGiryadi. Uyo Hiriya anabwira mwami Ahabu: «Ndi mukozi wa Nahano Rurema waꞌBahisiraheeri. Nga kwo ayamiri ho, mu myaka ígayija, mu kihugo invula igahangama, kiri neꞌkimi, ukuhisa ku kyanya ngashubi deta.»

Bukengeeze 28:55

Ikyanya agaaba ali mu lya inyama zaꞌbaana baage, agayoboha kwo batazishangiire, bwo ndaakibyo bindi byo agaalya. Ikyanya yabo bagoma bagamùyogogoza mu twaya twinyu, mugalibuuka ngana-ngana.

Ndondeko 5:29

Anamúyinika iziina Nuhu. Anadeta: «Nahano keera adaaka idaho, kyo kitumiri tukola mu liyitubanula kwo. Kundu kwokwo, uyu mwana, ye gakizi tuholeeza.»

Hayubu 24:18

«Kundu kwokwo, bali mu nyerera duba ngiꞌfulo íriri mu yami twalwa noꞌlwiji. Na ngiisi byo bagweti hano mu kihugo, bikoli daasirwi. Banakoli yobohiri kiri noꞌkugenda mu ndalo zaabo zeꞌmizabibu.

Zakariya 5:4

«Nahano woꞌbushobozi bwoshi, adetaga kwokuno: “Yiryo idaaki, ngalilungika mu nyumba ya ngiisi muzimba, na mu ya ngiisi úgweti úgakizi koleesa iziina lyani, mu kubiika indahiro zeꞌbibeesha. Lirya idaaki, ligabeera mwomwo, halinde iyo nyumba, linagijigiivye lwoshi-lwoshi, ukutondeerera ku miganda yayo, halinde ukuhisa ku mabuye gaayo.”»