Bukengeeze 23:21 - Kifuliiru

²¹ Yukwo kuyungulwa, kwoki wangakuhuuna ikinyamahanga. Si uwinyu Muhisiraheeri, nanga! Si kiri kizira! Ikyanya mugaahika mu kihugo kyo mugagendi hyana, mutakizi sara ukuyungulwa noꞌwinyu Muhisiraheeri. Kwokwo, lyo Nahano, Rurema winyu agakizi mùgashaanira mu kati ka byoshi.»

Bukengeeze 23:21 Referans Kwoze

Zaburi 116:18

Ngiisi byo nꞌgakulagaania, ngakutangira byo imbere lyoꞌmuhumaanano gwaꞌbandu baawe.

Zaburi 76:11

Na bwo ugweti ugakizi rakarira amabi, kyo kitumiri uli mu yivugwa. Ngiisi ábakafuuka uburaakari bwawe, batagaki kola amabi.

Bukengeeze 23:18

«Hatagirage Umuhisiraheeri, kandi iri Muhisiraheeri-kazi, úgakizi shiiba mu luheero lweꞌmigisi, mbu anakizi shulehana mwo.

Mataayo 5:33

«Mukayuvwa kwo bashokuluza ba keera bakabwirwa kweꞌkyanya mugabiika indahiro imbere lya Nahano, mutagire mbu mushubi giyita! Si ngiisi byo mukamúlagaania, mukizi bigira.

Yona 1:16

Yabo bashooji, mbu babonage kwokwo, banatondeera ukuyoboha Nahano bweneene, banayami mútangira ituulo, banalagaania kwo bagakizi múkolera.

Zaburi 56:12

Na bwo ngubiisiri kwoꞌmulangaaliro, ndagaki teerwa neꞌkyoba. Umundu, kutagi kwo agashubi ngira?

Ndondeko 28:20

Uyo Yakobo, anabiika indahiro, analagaania Rurema kwokuno: «E Rurema, kwoku ngola mu luno lugeezi. Aaho! Tukizi yamanwa. Ukizi ndanga, unakizi mbeereza byo ngaalya, unakizi na nyambika.

Yona 2:9

Abandu baguma bagweti bagayikumba imizimu ya kabusha-busha. Mu kugira kwokwo, bali mu yibuliisa imigashani.

Bukengeeze 23:22

«Iri wangabiika umuhango kwo hali ikindu kyo ugatanga imwa Nahano, Rurema winyu utakolwe kwo watindiriza ukugukwiza. Mukuba, iri wangaleka ukugukwiza, ugaaba keera wagira ikyaha, na Nahano agakuyishuza.

1 Samweri 20:16

Yonataani anashubi nywana ikihango na Dahudi kuguma neꞌmbaga yage, ti: «Nahano akizi minika abagoma baawe booshi.»

Hayubu 22:27

Ugakizi múhuuna, anakuyuvwirize. Ngiisi byo ukamúlagaania, ukizi múgirira byo.

Zaburi 50:14

Si byo ndoziizi, kwo mukizi yiji deta kongwa imwani. Na ngiisi byo mukandagaania, mukizi bindangira. Si nie Rurema úli hiꞌgulu lya byoshi!

Zaburi 61:8

Leka mwami akizi twala imbere lyawe, halinde imyaka neꞌmyakuula. Ukizi múlanga mu kuyemeerana, na mu kukundana.

Kulyoka 22:24

«Umundu wani umukeni, iri wangamúkaaba ifwaranga, utakizi ba nga umúkaabiri, utanakizi múhuuna ubunguke.

Bukengeeze 14:29

Kwokwo, lyaꞌBalaawi bagakizi bilya kwo, halinde banayigute. Mukuba, Abalaawi, ndaabwo buhyane bwo bahiiti mu kati kiinyu. Kiri naꞌbandi ábagoozirwi nabo, babilye kwo, ngeꞌbinyamahanga íbimùtuuziri mwo, neꞌfuuvi, na banamufwiri. Iri mwangahaana kwokwo, lyo Nahano, Rurema winyu agamùgashaanira mu kati ka byoshi.»

Bukengeeze 15:3

Ikinyamahanga, yeki wangamúhuuna kwo akuyishule. Haliko imyenda ya beene winyu, mukwaniini mugihotole.

Zaburi 15:5

Ali mu kaabana, buzira kutona kwo agayungulwa. Neꞌkyanya bali mu múshonga ikitulire, mbu lyo ahana umuzira buhube, ali mu kilahira. Yago miija gooshi, ngiisi úli mu kizi gagira, yehe atâye kakazibwe.

Hezekyeri 18:8

Ikyanya ali mu haana umwenda, atali mu langaalira ubunguke. Atali mu gira amabi, si ali mu twa imaaja mu kati koꞌkuli.