Bukengeeze 2:33 - Kifuliiru

³³ «Kwokwo uyo Sihooni, Nahano, Rurema witu, anatuhimira ye, halinde twanamúminika kuguma na bagala baage, kiri naꞌbasirikaani baage booshi.

Bukengeeze 2:33 Referans Kwoze

Bukengeeze 7:2

«Ikyanya agababiika mu maboko giinyu, munabe keera mwabahima, mukwiriiri muyami basivya lwoshi-lwoshi. Hatanagire bo muganywana ikihango, mutanabakejeerere.

Yoshwa 21:44

Mu yikyo kihugo, banalonga umutuula ngiisi handu, nga kwo Nahano âli mali gwanwa alagaania bashokuluza baabo, mu kubiika indahiro. Ndaanaye mugoma úkabateera mwo. Mukuba, abagoma booshi, Nahano âli kizi babiika mu maboko gaabo.

Batwi beꞌmaaja 7:2

Nahano anabwira Gidyoni kwokuno: «Yabo basirikaani bo uhiitagi, baki leeziri ulugero. Neꞌri nangamùhanguula mweshi kwo mugendi teera Abamidyani, hali ikyanya Abahisiraheeri bangayihaya, kwo bahima ku misi yabo boonyene.

Batwi beꞌmaaja 1:4

Ikyanya Abayuda bakagendi teera kirya kihugo kyaꞌBakaanani, neꞌkyaꞌBapereesi, Nahano anabibiika mu maboko gaabo, banagendi lwisa akaaya keꞌBezeeki, banayita mwaꞌbandu bihumbi ikumi.

Bukengeeze 20:16

«Haliko, mu kihugo kyo Nahano amùheereza, mu twaya twakyo, mutakolwe kwo mwasiga kiri weꞌkitwe-kibona.

Muharuuro 21:24

Uyo mwami, iri akayiji lwisa Abahisiraheeri, banamúyita neꞌngooti. Bananyaga ikihugo kyage, ukulyokera ku lwiji Harinooni, halinde ku lwiji Yaboki. Abahisiraheeri banagenderera, halinde mu kihugo kyaꞌBahamooni. Haliko, iri bakahika ho, banagwana ulubibi lwakyo ludediiri bweneene.

Ndondeko 14:20

Na bwo ali hiꞌgulu lya byoshi, akizi huuzibwa. Mukuba, ye wabiika abagoma baawe mu maboko gaawe.» Hiburamu anayabiira ku bindu byo akafuusa, anaheereza Merikisedeeki ikihande kiꞌkumi kyabyo.

Kulyoka 23:31

«Ulubibi lweꞌkihugo kiinyu, lugatondeerera ku Nyaaja Ndukula, halinde ukuhisa ku Nyaaja Mediterane. Na kandi, lugalyokera mwiꞌshamba, halinde ukuhisa ku lwiji Hefuraati. Ngabiika beene ikihugo mu maboko giinyu, munabayimule mwo.

Bukengeeze 2:32

«Ha nyuma, Sihooni naꞌbasirikaani baage booshi, banayiji tulwikiza hoofi naꞌkaaya keꞌYahasa.

Bukengeeze 29:6

«Ha nyuma, ikyanya tukahika hano, Sihooni mwami weꞌHeshibooni, bo na Hoogi, mwami weꞌBashaani, banayiji tuteera. Kundu kwokwo, twanabahima.

Zaburi 136:19

Mu baami bo akayita, hali Sihooni umwami waꞌBahamoori. Urukundo lwage, luyamiri ho, halinde imyaka neꞌmyakuula.