Bukengeeze 18:4 - Kifuliiru

⁴ Munakizi batomoza ku mimbu yinyu yeꞌngano, na yeꞌdivaayi, na yaꞌmavuta, kiri na ku bwoya bweꞌbibuzi byo mugaaba mwakema.

Bukengeeze 18:4 Referans Kwoze

Balaawi 23:17

Ku yulwo lusiku, ngiisi mbaga igayiji ndangira imikate ibiri mu kugilengeza imbere lyani. Ngiisi mukate, gugalinganizibwa mu bilo bibiri byoꞌmushyano mulembu, gunabe mufushe mweꞌsaama. Yiryo ituulo, mugalinjaagiza mu matomola giinyu geꞌngano.

Balaawi 23:10

kwo amenyeese Abahisiraheeri kwokuno: «Ikihugo kyo ngamùheereza, ikyanya mugakiyingira mwo, mugatondeera ukuyimbula. Ikyanya mugatomola, umubega gwa mbere, mukwaniini mugutwalire umugingi.

Kulyoka 23:19

«Ikyanya muli mu yimbula, mutangage itomola imwa Nahano, Rurema winyu. «Na kwakundi, mutadeekere ikyanabuzi, kandi iri kyanahene, mu mata ga nyina.

Kulyoka 22:29

Mukizi gira kwokwo na ku ngaavu ya mbere ukubutwa, kiri na ku byanabuzi biinyu. «Yabo baana beꞌbitugwa, muleke batee mala isiku zirinda bali ku banyina. Haliko, ku lusiku úlugira umunaana, munabandangire.

Hayubu 21:20

Boonyene, banalonge ukumenya ngiisi kwo bagashereezibwa. Banakizi libuuka ku buraakari bwa Rurema woꞌbushobozi bwoshi.

Barumi 8:23

Bitali byebyo naaho. Si kiri na nyiitu, twe keera tukahaabwa Umutima Mweru ngiꞌtomola, tuki gweti tugakungumira i mutima, mu kulindirira kwo Rurema atugire baana baage, halinde aguluule naꞌmagala giitu.