Batwi beꞌmaaja 5:4 - Kifuliiru

⁴ E Nahano, ikyanya ukalyoka i Seyiri, mu kihugo kyeꞌHedoomu, ikyanya ukamanukira mwo, idaho lyanayami jugumba. Igulu nalyo, lyanajunguluka mwaꞌmiiji. Ibibungu byanalyoka mweꞌnvula.

Batwi beꞌmaaja 5:4 Referans Kwoze

Bukengeeze 33:2

Anadeta: «Nahano akahuluka ku mugazi Sinaayi, anayijira abandu baage. Anayami batunduukira mu kihugo kyeꞌSeyiri. Anashubi batanguulira kandi ukulyoka ku mugazi Paraani. Ikyanya akabayijira ku migazi, âli riiri neꞌbinoono byaꞌbaganda, anâli fumbiiti imaaja, zigweti zigakeyengana nga muliro.

2 Samweri 22:8

«Lyeryo, ikihugo kyanalenga mwoꞌmusisi, kyanajugumbana. Kiri neꞌnguliro ziꞌgulu, nazo zanahunga-hunga. Zanalenga mwoꞌmusisi, bwo Rurema âli koli rakiiri.

Zaburi 77:17

E Rurema, ikyanya Inyaaja Ndukula ikakubona, yanakanguka, yanayoboha bweneene. Amiiji gaayo ganateerwa neꞌkyoba ngana-ngana.

Hayubu 9:6

Ali mu shagania ikihugo, halinde kinashaage ahandu haakyo. Kiri neꞌnguliro zaakyo, zinakizi juguma.

Baheburaniya 12:26

Yaho keera, izu lya Rurema likashagaania ikihugo! Halikago buno, keera akagwanwa abiika umuhigo kwokuno: «Ngaki shubi shagania ikihugo lindi liguma. Kitanali kyonyene naaho. Si leero ngashagania kiri niꞌgulu!»

Zaburi 68:9

Haaho, ikihugo kyanajugumbana. Niꞌgulu lyananiesa invula ku bwingi. Ee ma! We Rurema waꞌBahisiraheeri, ulya weꞌSinaayi.

Zaburi 77:18

Mu bibungu, mwanavuduka invula, mwanakungula neꞌmikungulo. Ngiisi luhande, imilavyo.

Ndondeko 32:4

Yakobo anatee tuma abandu imwa mukulu wage wa Hesahu, mu kaaya keꞌSeyiri, mu kihugo kyeꞌHedoomu.

Hisaaya 63:19

tunakoli tuuziri nga bandu bo utazindi twala, kiri neꞌhiniini. Tunakolaga nga bandu ábatazindi menyeekana kwo tuli bandu baawe. Twangasiimiri kwo ubere igulu, unashonookere hano mu kihugo. Si imigazi yangajugumbana imbere lyawe!

Mika 1:4

Amalambo gakoli gweti gagajongoloka mwiꞌdako lyaꞌmagulu gaage, iri ganahingira mu tubanda, nga bulembo úbwajongoloka. Ganali nga miiji ágali mu golomba ku higangazi.