Batwi beꞌmaaja 5:1 - Kifuliiru

¹ Ku lwolwo lusiku, Deboora na Baraka mugala Habinwamu, banayimba kwokuno:

Batwi beꞌmaaja 5:1 Referans Kwoze

Kulyoka 15:1

Lyeryo Musa, naꞌbaabo Bahisiraheeri booshi, banayimbira Nahano yulu lwimbo: «Ngayimbira Nahano, bwo ye kwaniini ukuhuuzibwa bweneene. Ifwarasi na ábali mu zigendera kwo, keera abakamiza mu nyaaja.

Zaburi 18:1

Imwoꞌmwimangizi waꞌbimbi. Izaburi ya Dahudi, umukozi wa Rurema. Akaluyimba ikyanya Nahano akamúkiza mu maboko ga Sahuli, na mu gaꞌbandi bagoma baage.

Luka 1:46

Maryamu anadeta kwokuno: «Umutima gwani, gugweti gugayivuga Nahano!

Hisaaya 26:1

Ku yikyo kyanya, Abayuda booshi bagakizi yimba kwokuno: Twehe, akaaya kiitu kalyagagi kazitire. Ee! Rurema ali mu tukiza ku njira yeꞌnzitiro ngomu.

Hisaaya 25:1

E Nahano, we Rurema wani. Ngweti ngakuhuuza, iri ninayivuga iziina lyawe. Mukuba, ngiisi byo uli mu gira, biryagagi bya kahebuuza! Wâli mali gwanwa wabishungika ukulyokera keera. Na buno, bikola mu koleka.

Hayubu 38:7

Ku yikyo kyanya, indonde za shesheezi zâli kizi yimba kuguma. Kiri naꞌbaganda ba Rurema banakizi banda akabuuli, awi yiyi yiyi!

2 Kutondobola 20:27

Uyo Yehoshafaati, ikyanya Nahano akaba keera amúhimira abagoma baage, anagaluka ku kisegengo, ali kuguma naꞌbasirikaani baage, banahika halinde i Yerusaleemu ku bushambaale.

2 Kutondobola 20:21

Yehoshafaati, iri akahanuusa abandu, anatoola abimbi, bagwanwe imbere lyaꞌbasirikaani, bakizi yimbira Nahano, iri banamúyivuga hiꞌgulu lyoꞌbulangashane bwaꞌkahebuuza. Banayimba kwokuno: «Mukizi huuza Nahano! Mukuba, ubwija bwage, buyamiri ho, halinde imyaka neꞌmyakuula.»

1 Samweri 2:1

Lyeryo, Haana anahuuna Rurema kwokuno: «Umutima gwani, gugweti gugashambaalira Nahano, na ngweti ngasikama mu kati kaage. Abagoma baani, ngweti ngabashekeereza, haliko wehe, ndi mu shambaalira ubukize bwawe.

Muharuuro 21:17

Yaho i Beeri, Abahisiraheeri banayimba yulu lwimbo: «E Kirigo, ushyokage mwaꞌmiiji. Ukizi gayimbira.

Kulyoka 15:21

Miryamu anatondeera ukubayimbira: «Muyimbire Nahano, úli mu kizi huuzibwa bweneene. Ifwarasi na ábâli kizi zigendera kwo, abakamiza mu nyaaja.»

Batwi beꞌmaaja 4:24

Yabo Bahisiraheeri, banakizi yushuuka mwoꞌbukalage, banakizi gendi teera mwami Yabiini weꞌKaanani, halinde banamúkuusa.

Hayubu 36:24

«Kwokwo, ukizi kengeera ukumúhuuza hiꞌgulu lyeꞌmikolezi yage, unakizi múyimbira inyimbo zoꞌbwivuge.

Zaburi 32:7

E Rurema, we ngweti ngayibisha mwo. Kwokwo, ugakizi ngiza mu makuba, unanyijuze inyimbo zoꞌbukize.

Batwi beꞌmaaja 4:4

Ku yikyo kyanya, hâli riiri umuleevi-kazi muguma, iziina lyage ye Deboora. Uyo Deboora, âli riiri mutwi weꞌmaaja mu Bahisiraheeri. Na yiba ye wâli Lapidooti.

2 Samweri 22:1

Ikyanya Nahano akakiza Dahudi mu maboko ga Sahuli, na mu gaꞌbandi bagoma baage, anayimbira Nahano kwokuno: