Batwi beꞌmaaja 4:3 - Kifuliiru

³ Yabiini âli gweti amagaare giꞌzibo magana galimwenda, na byoshi bikagirwa mu byuma. Anâli mali hisa imyaka makumi gabiri, agweti agashundeeza Abahisiraheeri bweneene. Kyanatuma bagatakira Nahano kwo abatabaale.

Batwi beꞌmaaja 4:3 Referans Kwoze

Batwi beꞌmaaja 1:19

Nahano âli riiri kuguma naꞌBayuda, kyanatuma bagagwata kiri noꞌtwaya twa mu migazi. Si abatuulaga ba mu ndekeera boohe, banayumuusania. Mukuba, bâli gweti amagaare giꞌzibo, ganâli gizirwi mu byuma.

Zaburi 106:42

Byanakizi bavindagaza, iri binakizi balibuza ku kahaati.

Batwi beꞌmaaja 3:9

Ha nyuma, ikyanya bakatakiraga Nahano, anabatumira umundu woꞌkubaguluula, iziina lyage ye Hotinyeri, mugala Kenaazi. Noꞌyo Kenaazi, âli riiri mulumuna wa Kalebu.

Zaburi 78:34

Ngiisi kyanya Rurema âli kizi bayita kwo, banakizi mútabaaza. Banakizi yilega, iri banamúgalukira.

Zaburi 50:15

Ku kyanya uli mu makuba, undabaaze. Ngakukiza! Naawe unakizi ngingika.»

1 Samweri 7:8

banabwira Samweri: «Utaluhe ukukizi takira Rurema Nahamwitu hiꞌgulu liitu, gira atulyose mu maboko gaꞌBafirisiti.»

Batwi beꞌmaaja 10:16

Haaho, banayami twikira ku biri mu yikumbwa mu mahanga, banashubi tondeera ukukolera Nahano, kyanatuma Nahano agatondeera ukujengeerwa hiꞌgulu lyaꞌmakuba gaabo.

Batwi beꞌmaaja 5:8

Ikyanya Abahisiraheeri bakatondeera ukuyikumba ibindi-bindi, mu kihugo kyabo, mwanayami yingira izibo. E balya, mu bandu bihumbi makumi gana byaꞌBahisiraheeri, hatakaboneka weꞌngooti, kandi iri weꞌsiribo.

Batwi beꞌmaaja 3:15

Iri hakatama, Abahisiraheeri banashubi takira Nahano, anabatumira umundu woꞌkubaguluula, iziina lyage ye Ehuudu. Uyo Ehuudu, âli riiri mugala Gera, mwene Binyamiini. Anâli riiri wa kamosho. Uyo Ehuudu, Abahisiraheeri banamútuma kwo atwale amatuulo imwa mwami Hegulooni.

Yoshwa 17:16

Na wa nabo, ti: «Yikyo kihugo, biri ukuli kwo tutagakihasha, bwo kiri mu migazi. Lolaga! Abakaanani ábatuuziri mu ndekeera, booshi bahiiti amagaare geꞌbyuma, kuguma na ábali i Beeti-Shehani, naꞌba mu twaya two bali mu koza, na ábali mu kabanda keꞌYezereheri.»

Bukengeeze 28:33

«Kundu muli mu himbuukira, mbu lyo mulonga imimbu, haliko ibinyamahanga byo mutayiji, bigamùkuusa yo. Bagakizi mùlibuza, noꞌkumùvindagaza.

Bukengeeze 28:29

Ikyanya kyaꞌkalenge-renge, mugakizi genda mugweti mugamamaata, nga mbumi. Ngiisi kwo mugakizi geregeza ukugira, mutagagenduukirwa. Ngiisi lusiku, abanyazi bagakizi mùtindimaza, banamùzimbe, ndaanaye úgaki mùkiza mu maboko gaabo.

Batwi beꞌmaaja 4:4

Ku yikyo kyanya, hâli riiri umuleevi-kazi muguma, iziina lyage ye Deboora. Uyo Deboora, âli riiri mutwi weꞌmaaja mu Bahisiraheeri. Na yiba ye wâli Lapidooti.

Batwi beꞌmaaja 4:13

anakuumania abasirikaani baage booshi, anakorania na galya magaare gaage giꞌzibo. Gakagirwa mu byuma, ganâli hisiri magana galimwenda. Kwokwo, anayimuka yaho i Harosheeti-Hagoyimu, anagenda ha lwiji Kishooni.

Kulyoka 2:23

Isiku, iri zikalengerana, uyo mwami weꞌMiisiri anashaaja. Yabo Bahisiraheeri, banagenderera ukukizi libuuka mu buja bwabo, banakizi gongeera bweneene. Iri hakatama, yago malira gaabo ganahika mwiꞌgulu imwa Rurema.

Batwi beꞌmaaja 6:6

Emwe! Banayami bakuvya bweneene. Neꞌri hakatama, Abahisiraheeri banatakira Nahano, kwo ayiji batabaala.

Batwi beꞌmaaja 10:10

Iri hakatama, yabo Bahisiraheeri banatakira Rurema Nahamwabo, ti: «Ala twe! Keera tukayifunda mu byaha bweneene imbere lyawe, twanakujanda, twanakizi kolera umuzimu Baali.»