Batwi beꞌmaaja 2:22 - Kifuliiru

²² Si ngakizi bikoleesa, mu kukizi bageza. Kwokwo, lyo ndola iri bangaki shubi ngalukira, banakizi tuula nga kwo bashokuluza baabo bâli tuuziri.»

Batwi beꞌmaaja 2:22 Referans Kwoze

Bukengeeze 8:2

«Mukengeerage ngiisi kwo Nahano, Rurema winyu, akahisa imyaka makumi gana, agweti agamùrongoora mwiꞌshamba. Akalooza kwo mube batuudu. Anamùgeza, halinde alonge ukumenya íbiri mu mitima yinyu, iri mugasimbaha imaaja zaage, kandi iri nanga.

Bukengeeze 8:16

Mu lyeryo ishamba, anamùliisa imana. Iyo mana, kiri na bashokuluza biinyu batakagimenya. Akamùyereka amakayu, gira alonge ukumùgeza, halinde akabuli longa ukumùgirira amiija.

Bukengeeze 13:3

Yago magambo gaage, iri gangakoleka nga ngiisi kwo akagwanwa adeta, hali ikyanya angakengeera amùbwira: “Aaho! Tukulikirage imigisi, tunakizi giyikumba.” (Si iyo migisi munabe mutagiyiji.)

Migani 17:3

Nga kweꞌnooro neꞌharija biri mu gezibwa mu kubileeza mu muliro, kwo na kwokwo Nahano ali mu gera imitima yaꞌbandu.

Ndondeko 22:1

Iri hakalenga isiku, Rurema anayiji lola ngiisi kwo Hiburahimu amúlangaliiri, anamúbwira: «E Hiburahimu!» Anamúyakula, ti: «E waliha, nguteziri amatwiri.»

Zaburi 66:10

E Rurema, wâli kizi tugeza bweneene, nga kwo bali mu leeza iharija mu muliro.

Hayubu 23:10

«Kundu kwokwo, Rurema ayiji-yiji ulugeezi lwani. Neꞌkyanya agangeza, agambona kwo ndi shululu, ngeꞌnooro muguuhya.

2 Kutondobola 32:31

Iri hakaba kyanya kiguma, Rurema analooza ukumúgera, gira amenye íbiyifundereziizi mu mutima gwage. Kwokwo, abatwali beꞌBabeeri banalungika abandu imwage, kwo bayiji múbuuza hiꞌgulu lyeꞌbitangaaza íbikamúkoleka kwo. Rurema anamúleka abashuvye yenyene.

Kulyoka 15:25

Ikyanya Musa akatabaaza Nahano, anamúyereka itavi lyeꞌkiti. Lirya itavi, Musa analiyabiira. Neꞌri akalitibulira mu miiji, ganayami luluuka. Iri Abahisiraheeri bakaba bakiri i Mara, Nahano anabaheereza imaaja, bamenye ngiisi kwo akakyula.

Batwi beꞌmaaja 2:23

Kwokwo, yibyo binyamahanga, Nahano anabileka bituule mu kihugo. Atanaki bibiika mu maboko ga Yoshwa, mbu abiyimule kinaliguma.