Batwi beꞌmaaja 1:9 - Kifuliiru

⁹ Ha nyuma, yabo Bayuda banagendi lwisa Abakaanani, ábâli tuuziri mu migazi, na ábâli tuuziri i Negebu, naꞌba mu twaya twa mu ndekeera.

Batwi beꞌmaaja 1:9 Referans Kwoze

Yoshwa 11:21

Ku yikyo kyanya, Yoshwa anagendi minika Abahanaaki ábâli tuuziri mu migazi yeꞌHeburooni, naꞌba mu yeꞌDebiiri, naꞌba mu yeꞌHanaabu, naꞌba mu migazi yoshi yeꞌBuyuda, kiri naꞌba mu yeꞌHisiraheeri. Kwokwo, kwo Yoshwa akaminika balya bandu booshi, anasivya noꞌtwaya twabo.

Yoshwa 10:36

Yoshwa naꞌbaabo Bahisiraheeri booshi, iri bakalyoka yaho i Hegulooni, banazamuukira mu kaaya keꞌHeburooni, banakateera.

Ndondeko 12:9

Iri hakatama, Hiburamu anashubi shokola injira yoꞌkumanukira mu mbande zeꞌNegebu.

Batwi beꞌmaaja 1:8

Balya Bayuda, banagendi teera akaaya keꞌYerusaleemu, banakagwata. Abatuulaga baamwo, banabaminika lwoshi ku ngooti. Naꞌkaaya kaabo, banakaduulika mwoꞌmuliro.

Batwi beꞌmaaja 1:10

Banagendi teera naꞌbandi ábâli tuuziri mu kaaya keꞌHeburooni. (Yako kaaya, ubwa mbere kâli kizi buuzibwa i Kiryati-Hariba.) Banagendi hima abandu boꞌmulala gwaꞌBashesayi, noꞌgwaꞌBahimaanu, noꞌgwaꞌBatalimaayi.

Yoshwa 12:8

Akabasikiiriza utwaya twa ku migazi, noꞌtwa mu kabanda, neꞌndekeera yoꞌlwiji Yorodaani, noꞌtwa ku mudulumuko, niꞌshamba, neꞌNegebu. Yutwo twaya, twâli riiri twaya twaꞌBahiti, noꞌtwaꞌBahamoori, noꞌtwaꞌBakaanani, noꞌtwaꞌBapereesi, noꞌtwaꞌBahivi, noꞌtwaꞌBayebuusi.