Balaawi 8:8 - Kifuliiru

⁸ Anamúhagasa ishaho ha kifuba, muli amabuye gabiri: ibuye lyeꞌHurimu na lyeꞌTumimu.

Balaawi 8:8 Referans Kwoze

Hizira 2:63

Kiri na guvuruneeri, naye akabalahirira, kwo batakizi lya ku matuulo ágakataluulwa imwa Rurema. Bâli kwaniini ukulindirira halinde ikyanya umugingi asise amabuye Hurimu, na Tumimu, anadete ngiisi kwo bigaaba.

1 Batesaloniki 5:8

Haliko twehe, bwo tukola bandu boꞌbukiiri, tukizi ba noꞌbwitonde. Tukizi biika Rurema kwoꞌbwemeere, iri tunakizi kundana. Tubaagage nga bandu ábahiiti isiribo zoꞌkutushuutira ibifuba. Tunakizi ba noꞌmulangaaliro gwoꞌkukizibwa, gukizi ba yo ngofeera yeꞌkyuma.

Bahefeso 6:14

Kwokwo, mukizi sikama mu kati koꞌkuli! Kukizi ba nga mukaba gwoꞌkukizi mùkania mu nda. Munakizi gira na íbikwaniini imbere lya Rurema! Bikizi ba zo siribo zoꞌkuyambala mu bifuba.

Hisaaya 59:17

kwanaba kyo kihazo kyoꞌkuyikinga mwiꞌzibo. Anayambala noꞌbukize, bube yo ngofeera yeꞌkyuma. Anayambala noꞌkuyihoola, libe liꞌkangaata. Anayibwika noꞌkufiitirwa, libe liꞌkooti.

Lwimbo Lwija 8:6

Umbiike mu mutima gwawe nga kamangu. Ee! Mbe nga kamangu ku maboko gaawe. Mukuba, urukundo luli noꞌbushobozi ngoꞌbwa Narufu. Uluugi lwalwo, luyamiri ho nga shinda. Ewe! Lugweti lugayami yaka nga muliro. Lunali mu singoola nga mbigi zaagwo.

Muharuuro 27:21

«Uyo Yoshwa, ikyanya agalooza ukumenya ngiisi kwo Rurema aloziizi, agakizi yimanga imbere lyoꞌmugingi Heryazaari. Heryazaari agakizi koleesa ibuye liguma íriri mu buuzibwa Hurimu, gira lyo alonga ukumenya ngiisi kwo Nahano aloziizi. Kwokwo, Yoshwa naꞌBahisiraheeri booshi, bagaamenya ikyanya kyoꞌkuhuluka, neꞌkyanya kyoꞌkuyingira.»

Bukengeeze 33:8

Ku luhande lwa beene Laawi, Musa anadeta: «E Nahano, ibirugu byawe bitaluule, Itumimu neꞌHurimu, ukabisikiiriza beene Laawi, kwo bali bemeera. Balya bandu, ukatee bageza halya i Masa, wanabashonda kweꞌmilongwe halya haꞌmiiji geꞌMeriba.

1 Samweri 2:28

Mu milala yoshi yaꞌBahisiraheeri, ye nꞌgatoola, kwo abe mugingi. Ye wâli kwaniini ukundangira amatuulo goꞌkusiriiza ku katanda, anakizi nyokera umubadu, anakizi yija imbere lyani, ayambiiti ikangaata lyoꞌbugingi. Iyo mbaga ya shokulu wawe, nanagiheereza amatuulo goꞌkusiriiza gaꞌBahisiraheeri bâli kizi ndangira.

1 Samweri 28:6

Ikyanya akahanuusa Nahano, Nahano atakamúshuvya, kuba ku njira yeꞌbirooto, kandi iri ku yaꞌmabuye geꞌHurimu, kandi iri ku yaꞌbaleevi.

Nehemiya 7:65

Kiri na guvuruneeri, naye akabalahirira kwo batakizi lya ku matuulo ágakataluulwa imwa Rurema. Bâli kwaniini ukulindirira, halinde ikyanya umugingi asise amabuye Hurimu, na Tumimu, anadete ngiisi kwo bigaaba.

Kulyoka 29:1

«Ikyanya mugakizi yimika abagingi, mukizi gira kwokuno: Ukizi yabiira ishuuli, neꞌbipanga bibiri bizira kashembo.