Balaawi 26:4 - Kifuliiru

⁴ ngamùniekeza invula ku kyanya íkikwaniini, halinde ikihugo kilonge ukuyera bweneene. Kiri neꞌbiti binatongeke.

Balaawi 26:4 Referans Kwoze

Zakariya 8:12

«Buno, mukolaga mugashubi byala imbuto mu kati koꞌmutuula. Invula igashubi nia, halinde imizabibu inashubi tongeka ku bwingi. Ee ma! Idaho ligashubi yeza. Iyo migashani yoshi, abandu baani ábakoli sigiiri, bagaki gibona.

Zaburi 67:6

E Rurema, abandu beꞌmilala yoshi bakizi kuyivuga. Ukizi yivugwa mu bandu baꞌmahanga gooshi.

Hezekyeri 36:30

Si ngakizi yeza imimbu mu ndalo ziinyu, gira ibinyamahanga bitaki shubi mùshembuula, mbu muli banamwena.

Hisaaya 30:23

Haaho, Nahano agashubi mùniekeza invula ku kyanya íkikwaniini. Munakizi byala imbuto, zinahembe, zinayere bweneene. Kiri neꞌbitugwa biinyu, munakizi biteereza.

Hayubu 5:10

Ali mu niekeza idaho invula, ananywise neꞌndalo.

Bukengeeze 28:12

«Ikihinda kyaꞌmiiji íkiri mwiꞌgulu, Nahano agamùyigulira kyo, mu kukizi mùniekeza invula mu kihugo. Kwokwo, mu byoshi byo mugaagira, agakizi mùgashaanira. «Mugakizi kaabwa neꞌgindi milala. Si mwehe, mutagakizi gendi kaaba.

Bukengeeze 11:14

Iri mwangagira kwokwo, lyo agamùniekeza invula ku kyanya kyayo. Agakizi mùniekeza invula ya mahona-nvula, na yoꞌlushaama, halinde munalonge imimbu miija yeꞌngano, na yeꞌdivaayi, kuguma na yaꞌmavuta.

Balaawi 25:21

Yuvwagwi! Mu mwaka gwa kalindatu, ngamùgashaanira bweneene, halinde ikihugo kinatange imimbu ígamùhisa ku myaka ishatu.

Mikolezi 14:17

Kundu kwokwo, âli kizi yerekana kwo ali ho, na kwo ali mwija, mu kukizi mùniekeza invula, halinde mukizi yeza ku kyanya íkikwaniini, munayigute. Kwokwo, lyeꞌmitima yinyu, iyijuzibwa mwoꞌbushambaale.»

Mataayo 5:45

Kwokwo, lyo mugaaba muli baana ba Rurema úli mwiꞌgulu. Ee! Yehe, agweti agatwisa izuuba ku bandu biija, kiri na ku bandu babi kwakundi. Anagweti aganiesa invula ku bakwaniini, kiri na ku batakwaniini!

Zaburi 85:12

Mu kihugo, abandu bagakizi yemeera Rurema. Neꞌyo munda mwiꞌgulu, agakizi bagashaanira bweneene.

Zaburi 68:9

Haaho, ikihugo kyanajugumbana. Niꞌgulu lyananiesa invula ku bwingi. Ee ma! We Rurema waꞌBahisiraheeri, ulya weꞌSinaayi.

Bwigule 11:6

Yutwo tumasi tuli noꞌbushobozi bwoꞌkuhangika invula ku kyanya kyoshi kyo tugakizi tanga ubuleevi. Tunali noꞌbushobozi bwoꞌkuhindula amiiji gabe muko, na bwoꞌkukizi leeta ngiisi kiija mu kihugo ku ngiisi kihe kyo tuloziizi.

Yakobo 5:7

E beene witu! Mukizi yigenderera, halinde ukuhisa ku kyanya Nahano agagaluka! Mulolere ubwigenderezi ku muhiizi, ngiisi kwo ali mu kizi lindirira invula yoꞌkumeza imbuto, kiri na yoꞌkuziyeza. Yizo mbuto, ziri naꞌkamaro imwage. Kyo kitumiri ali mu yigenderera bweneene, halinde zikomere mwiꞌdaho.

Yeremiya 14:22

Irya migisi yaꞌgandi mahanga, si itashobwiri ukuniesa invula! Ikyanyaanya kyonyene, kitangaginiesa. Si we Rurema Nahamwitu, we gweti úgakizi giniesa! Kwokwo, we tugweti tugabiika kwoꞌmulangaaliro.»

Hisaaya 5:6

Ee! Iyo ndalo, ngagisivya lwoshi-lwoshi. Imizabibu yamwo, itâye ki yahulirwe, kandi iri kuyufirirwa. Igaamera naaho mweꞌmigenge neꞌmihanda-njovu. Nganahangika ibibungu, bitaginiekeze invula.»

Zaburi 104:13

Mu kyanyaanya, mwo ugweti ugalyosa invula, gira ikizi lovya imigazi. Ikyanya uli mu kola, ikihugo kinakizi gashaanirwa.

1 Baami 17:1

Hâli riiri umuleevi muguma, iziina lyage ye Hiriya. Âli riiri wa mu kaaya keꞌTishibe, ka mu poroveesi yeꞌGiryadi. Uyo Hiriya anabwira mwami Ahabu: «Ndi mukozi wa Nahano Rurema waꞌBahisiraheeri. Nga kwo ayamiri ho, mu myaka ígayija, mu kihugo invula igahangama, kiri neꞌkimi, ukuhisa ku kyanya ngashubi deta.»

Balaawi 25:19

Haaho, lyeꞌdaho igaameza imimbu ngana-ngana, munakizi lya, munayigute, munatuule buzira mbuzi-mbuzi.

Bukengeeze 11:13

«Nahano, Rurema winyu amùbwiziri kwo mukizi simbaha imaaja zaage, munabe mumúkuuziri, iri munamúkolera ku mutima gwinyu gwoshi, na ku nzaliro ziinyu zooshi.

Zaburi 67:7

Kwokwo, lyeꞌkihugo kigayera, na Rurema anakizi tugashaanira.

Zaburi 85:13

Nahano agakizi tugashaanira, halinde ikihugo kiitu kinayere bweneene.

Yuheeri 2:22

Emwe nyamiishwa, mutaki yobohe. Mukuba, mu kishuka, umuyonga gugaki mera. Kiri neꞌbiti, bigatongeka kweꞌbitumbwe. Imizabibu neꞌmitiini, keera byajoojeka ku bwingi.