Balaawi 26:19 - Kifuliiru

¹⁹ Kundu mugaaba mukiri mu yikangaata, haliko ngamùhaniiriza. Ngahangika invula, mu kugira igulu libe likomu nga kyuma. Neꞌkihugo kiinyu, mu kubula invula, kigayumaguka nga miringa.

Balaawi 26:19 Referans Kwoze

Bukengeeze 28:23

«Igulu, ligakizi boneka nga miringa. Niꞌdaho linayumaguke nga kyuma.

1 Baami 17:1

Hâli riiri umuleevi muguma, iziina lyage ye Hiriya. Âli riiri wa mu kaaya keꞌTishibe, ka mu poroveesi yeꞌGiryadi. Uyo Hiriya anabwira mwami Ahabu: «Ndi mukozi wa Nahano Rurema waꞌBahisiraheeri. Nga kwo ayamiri ho, mu myaka ígayija, mu kihugo invula igahangama, kiri neꞌkimi, ukuhisa ku kyanya ngashubi deta.»

Luka 4:25

«Ku kyanya kyoꞌmuleevi Hiriya, mu kihugo kyoshi kyaꞌBahisiraheeri, invula ikamala imyaka ishatu neꞌmyezi ndatu ihangamiri. Umwena mukayu, gwanakiteera. Mumenyage bwija kwo ku yikyo kyanya, mwâli riiri banamufwiri bingi mu kihugo kyabo.

Sefaniya 3:11

«E bandu beꞌYerusaleemu, kundu mwâli kizi mbubira, haliko ku yulwo lusiku, mutâye ki teerwe neꞌshoni. Mu kati kiinyu, ngiisi ábagweti bagayiheemya, noꞌkuyidundulika, ngabashaaza mu kati kiinyu. Ndaanaye úgakizi yikangaata ku mugazi gwani mweru.

Hezekyeri 30:6

«Nie Nahano nadetaga kwokuno: “Ngiisi ábagweti bagashigikira Abamiisiri, bagaminikwa. Na kundu bâli riiri bihagange, bagayitwa mwiꞌzibo. Abamiisiri booshi bagayitwa, ukulyokera i Migidoli halinde i Sewene. Kwokwo, kwo nie Rurema Nahamwinyu ndesiri.

Yeremiya 13:9

«Abandu beꞌYerusaleemu, kiri naꞌbandi Bayuda, kwokwo kwo ngabashereeza. Si bagweti bagayikangaata bweneene,

Hisaaya 25:11

Bagakizi lambuula amaboko, mbu bashaage mwo, ngoꞌmundu úli mu yoga. Kundu kwokwo, Nahano agaamala ubwikangaate bwabo, kuguma neꞌmikolezi yabo mibi.

1 Samweri 4:11

Kiri naꞌKajumba ka Rurema, nako kanagwatwa imbira. Na bagala Heri bombi, Hofini na Finehaasi, banayitwa.

Hezekyeri 7:24

Ngaleeta banakuhambwa ukulyoka mu mahanga, gira bayiji hyana inyumba zaꞌbandu baani. Na kwakundi, ahandu haabo hoꞌkuyikumbira hagayulubazibwa. Kwokwo, kwoꞌbwikangaate bwabo, bugaamala.

Hisaaya 26:5

Ikyanya abandu bali mu ba bayidundulisiri, ali mu batindimaza. Yabo bandu, kiri naꞌkaaya kahamu ko batuuziri mwo, ali mu kahongola ngana, kanasigale kilundo kyaꞌmabuye mu luvu.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

1 Samweri 4:3

Ikyanya yabo basirikaani baꞌBahisiraheeri bakagaluka mu shumbi yabo, abashaaja baabo banayibuuza: «Kituma kiki Nahano aleka Abafirisiti batuhime zeene? Leka tutee genda i Shiilo, tugendi yabiira yaꞌKajumba keꞌKihango kya Nahano. Iri twangakizi kagendana mwiꞌzibo, kagakizi tukiza mu bagoma biitu.»

1 Baami 8:35

«Hali neꞌkyanya abandu baawe Abahisiraheeri bangakuhubira, kinatume invula igahangama. Haliko ha nyuma, banahindukire hano, banakuhuune iri banahuuza iziina lyawe, banatwikire na ku byaha byabo.

Hisaaya 28:1

Yayewe imwaꞌkaaya keꞌSamariya! Si abatuulaga baamwo, Abahifurahimu, balyagagi balalwe! Banagweti bagayihaya, mbu kalimbiri ngoꞌlushembe, na mbu ho kayubasirwi, hayinamusiri mu ndekeera íri mweꞌnagiira. Kundu kwokwo, kakola ngoꞌtwaso útukoli yumagusiri. Yako kaaya koonyene, yubwo bulalwe bwo bugakatindimaza.

Yeremiya 3:3

Kyo kitumiri keera nahangika invula. Si invula ya mahona-nvula itakiri mu nia! Kundu kwokwo, mukiri mu gokomoza ngoꞌmushule. Ndaanazo shoni mugweti, kiri neꞌhiniini!

Hezekyeri 24:21

mbwire Abahisiraheeri kwokuno: “Rurema Nahamwitu adetaga kwokuno: Ngayulubaza inyumba yani, kundu mugweti mugayikangaata hiꞌgulu lyayo, iri munagilangaalira. Neꞌkyanya muli mu kizi gilola-lola kwo, munashambaale bweneene! Kundu kwokwo, bagala biinyu na banyere biinyu ábakasigala i Yerusaleemu, bagayitwa ku ngooti.

Bukengeeze 11:17

Iri mwangakolwa mbu mukizi gira kwokwo, ku kasiisa Nahano agamùrakarira, anashweke igulu, halinde invula inahangame. Kundu Nahano amùheziizi kino kihugo kiija, haliko kigagubuuka, munazimiirire mwo.

Hezekyeri 33:28

Yikyo kihugo, ngakihindula libe ishamba limaata. Noꞌbushobozi bwo bâli kizi yikangaata mwo, bugaamala. Imigazi yeꞌHisiraheeri, igaashaka, ndaanaye mundu úgagilenga mwo.