Balaawi 19:10 - Kifuliiru

¹⁰ Kiri neꞌmimbu yeꞌmizabibu, mutakizi galukira ukutoola imihuli yo mwayibagira, kandi iri íyatibukira haashi. Yibyo byoshi, mugakizi bisigira abakeni, kuguma neꞌbinyamahanga byo mukoli tuliinwi. Nie Nahano Rurema winyu.

Balaawi 19:10 Referans Kwoze

Hisaaya 24:13

Mu kihugo kyoshi, abandu bakoli sigiiri bagerwa naaho. Bakola mindeereka nga kiti kyoꞌmuzehituuni, kandi iri nga mizabibu, ku kyanya biri mu ba keera byayimbulwa.

Hisaaya 17:6

Ábagasigala bagaaba bagerwa nga muhumbuuka gweꞌbitumbwe byeꞌmizehituuni. Kwiꞌtavi lyeꞌlugulu, kugasigala ibitumbwe bibiri, kandi iri bishatu. Na ku matavi ágajojesiri, kugasigala naaho ibitumbwe bina, kandi iri bitaanu. Kwokwo, kwo Nahano Rurema waꞌBahisiraheeri adesiri.

Balaawi 25:6

«Kundu kwokwo, yugwo mwaka, mugakizi lya ngiisi biꞌdaho lyameza. Mugakizi birya, mwe naꞌbaja biinyu, naꞌbaja-kazi, naꞌbakozi bo muli mu hemba, kiri neꞌbinyamahanga byo mutuliinwi.

Mika 7:1

Yayewe imwani! Ngola nga mundu úwagenda ha nyuma lyaꞌbimbuzi iri anashondooza imisigala, haliko, anabonaga ndaayo íki sigiiri. Ndaagwo mutiini gwo nangalya, mbu njaluuke. Kiri neꞌbitumbwe byeꞌmizabibu, ndaabyo bikiri ho.

Hobadiya 1:5

Abazimba kandi iri banyazi, nga bangamùhandira bushigi, si bangamùnyaga ibindu byoshi byo baloziizi, banamùsigire ibindi! Kiri naꞌbimbuzi beꞌmizabibu, nga bangamùyingirira mu ndalo, si bali mu siga yaꞌbakeni bangashondooza.

Yeremiya 49:9

Abimbuzi beꞌmizabibu, ikyanya bali mu yiji yimbula, bali mu siga imisigala ku mulandira. Kiri naꞌbazimba, ikyanya bali mu yiji zimba bushigi, bali mu yabiira naaho ngiisi íbyangabatabaala.

Batwi beꞌmaaja 8:2

Haliko, Gidyoni anabashuvya kwokuno: «Ngiisi hyo nꞌgakola, ka nangahigera na byo mwâli kizi kola? Nanga, maashi! Umwimbu gwo beene Hifurahimu banoboosa, guhimiri bweneene gweꞌmbaga yani, twe beene Habyezeeri.

Balaawi 19:9

«Ikyanya mugakizi yimbula umwimbu gweꞌngano mu kihugo kiinyu, mutayimbulize bweneene, halinde ukuhisa ku mbeka yeꞌndalo. Na kwakundi, mutakizi shubi galukira inyuma, mbu mukuumanie imisigala.

Balaawi 19:11

«Mutakizi zimba. Mutanakizi tebana. Mutanakizi lyalyania.

Balaawi 23:22

«Ikyanya mugakizi yimbula, mutakizi hererekeza. Mutanakizi shubi galukira inyuma, mbu mukuumanie imisigala. Si iyo misigala, mugakizi gisigira abakeni neꞌbinyamahanga byo mutuliinwi. Nie Nahano Rurema winyu.»

Bukengeeze 24:19

«Ikyanya ugaaba uli mu gesha, unakengeere wayibagira imihuli miguma mu ndalo, utaki galuke mbu yiji gilooza. Nanga! Ugilekere ibinyamahanga byo mutuliinwi, kuguma neꞌfuuvi, na banamufwiri. Kwokwo, lyo Nahano, Rurema winyu, agakizi kugashaanira mu byoshi byo ugakizi kola.

Bukengeeze 24:20

«Na kwakundi, ikyanya ugaaba ugweti ugatibula ibitumbwe byawe byeꞌmizehituuni, utakolwe kwo wagaluka ukuyiji maliiriza íbyasigala. Si ubilekerage ibinyamahanga byo mutuliinwi, neꞌfuuvi, na banamufwiri.

Ruuti 2:2

Lusiku luguma Ruuti, ulya weꞌMohabu, anabwira Nahomi: «E maawe, nakuyinginga, umbanguule ngende mu ndalo, gira ndole iri hangaba hali úwanganyemeerera ngizi genda ha nyuma lyage, ngweti ngaakaza imihuli yoꞌbulo.» Nahomi, ti: «E mwana wani, bwija! Ugendage.»

Balaawi 11:44

«Nie Nahano, Rurema winyu. Kwokwo, muyitaluule, munabe beeru, nga kwo naani ndi mweru. Mutakolwe kwo mwayiyulubaza hiꞌgulu lya ngiisi íkiri mu yibulula.

Balaawi 19:25

Na ku mwaka gwa kataanu, lyoki lyo mwangakoli tondeera ukubilya. Iri mwangakizi gira kwokwo, imimbu yinyu igakizi hemba ngana-ngana. Nie Nahano Rurema winyu.

Bukengeeze 24:21

«Neꞌkyanya ugayimbula imizabibu yawe, unabe wayibagira imihuli, utagaluke mbu uginongole. Si ugilekere ibinyamahanga byo mutuliinwi, neꞌfuuvi, na banamufwiri.