Balaawi 10:9 - Kifuliiru

⁹ «Mwe naꞌbandu beꞌkibusi kyawe, ikyanya mugakizi yingira mwiꞌheema lyeꞌmihumaanano, mutakizi genda mwanywa idivaayi, kandi iri kindi kilalusa kyoshi. Iri mwangagira kwokwo, mugaafwa. Yulu lubaaja, mukizi yama mulusimbahiri, mwe naꞌbandu beꞌbibusi biinyu.

Balaawi 10:9 Referans Kwoze

Luka 1:15

Uyo Yohana, agaaba mukulu imbere lya Nahano. Atakizi nywa idivaayi, kandi iri ikindi kilalusa kyoshi! Mukuba, ukulyokera ukubutwa kwage, agaaba ayijuziibwi mwoꞌMutima Mweru.

1 Timoteyo 3:3

Atanabe mulalwe, kandi iri woꞌkukizi shulika abandu, kandi iri munambamba. Atanabe muzizi weꞌbindu. Uyo mwimangizi, abaagage woꞌkunogerana.

Tiito 1:7

Umwimangizi wiꞌshengero ali mu ba akoli sikiriziibwi umukolwa gwa Rurema. Kwokwo, atakwiriiri kwo abe niꞌgambo lyo bangamúshumuza kwo. Atanabe ndashungulwa, kandi iri wa kuyagalwa duba. Atanabe mulalwe. Atanabe woꞌkukizi shulika abandu. Atanabe muzizi weꞌbindu.

Bahefeso 5:18

Mutakizi laluka! Mukuba, ikyanya abandu bali mu laluka, lyo bali mu yidulumbika mu bitalaalwe. Si mwehe, mukizi yijuzibwa mwoꞌMutima Mweru.

Hezekyeri 44:21

Uyimbwa mugingi yeshi, ku kyanya agayingira mu bululi bweꞌkati, atakwiriiri kwo akizi genda anywa idivaayi.

Hisaaya 28:7

Halikago buno, abatwali baꞌBahisiraheeri bakoli lalusiri neꞌdivaayi. Iyo ndalwe ikoli gweti igabafuka iyo munda neꞌyo munda. Emwe! Abagingi naꞌbaleevi, amaavu neꞌdivaayi keera byabalalusa ngana-ngana. Ikyanya bali mu bona amabone, gali mu ba gahushiri. Neꞌkyanya bali mu twa imaaja, bali mu kizi buligania.

1 Timoteyo 3:8

Kwokwo, kwo biryagagi, na ku bandu ábangabiikwa kwo babe batabaazi mwiꞌshengero. Bakwiriiri babe bandu boꞌkusimbahwa. Batabe balyalya, kandi iri balalwe, kandi iri bazizi beꞌbindu.

Muharuuro 6:3

Uyo mundu, atakizi ki nywa idivaayi, kandi iri ikindi kilalusa kwo kikaba kwoshi. Atakizi nywa noꞌmutobo gwoꞌmuzabibu, kandi iri imizabibu yonyene, kiri neꞌmizabibu myumu.

1 Timoteyo 5:23

Utakizi ki nywa amagoloovi naaho. Si ukizi nywa ku divaayi, gira ikizi tubereza mu nda. Mukuba, utali mu leeza ukulwala.

Hosheya 4:11

Ubushule neꞌndalwe, keera byakubika amenge gaabo.»

Migani 20:1

Amaavu gali mu leeta ibityozo. Neꞌndalwe iri mu leeta imilongwe. Mwene yibyo, ngiisi úli mu biyifunda mwo, atali mwitegeereza.

Muharuuro 6:20

Birya byoshi, uyo umugingi anabilengeze imbere lyani mu kubindangira nie Nahano. Byoshi, bwo bikoli talwirwi, bigaaba bikola byeꞌmwage. Ha nyuma lya yibyo byoshi, ulya Mutaluule agaaba ahangwirwi ukushubi nywa idivaayi.

Balaawi 3:17

«Kwokwo, mutahangwirwi ukukizi lya ulusha, kandi iri ukulya umuko. Yulu lubaaja, luli lweꞌmyaka neꞌmyakuula. Mukwaniini mukizi lusimbaha ku bibusi byoshi, ngiisi ho mugakizi tuula.»

Balaawi 10:8

Nahano anashubi bwira Harooni, kwokuno:

Kulyoka 27:21

Yago matara gabiikwe mwiꞌheema lyeꞌmihumaanano, imbere lyoꞌmulondo gwoꞌkusiika Akajumba keꞌKihango. Harooni naꞌbagala bakizi gayasa imbere lyani, ukulyokera kabigingwe halinde shesheezi. Yulwo lubaaja, Abahisiraheeri bagayama balusimbahiri halinde ku bibusi byabo byoshi.