Bahefeso 4:29 - Kifuliiru

²⁹ Mutanakizi ki deta amagambo ágatali nga go. Si mukizi deta naaho amagambo miija, ágangakizi tabaala abandi ku magoorwa gaabo. Kwokwo, ikyanya abandu bagamùyuvwiriza, bakalonge ukukana mu mitima yabo.

Bahefeso 4:29 Referans Kwoze

Bakolosaayi 4:6

Amagambo giinyu, gakizi ba ga kuleeterana imigashani. Ganabe manunu nga muunyu. Kwokwo, ikyanya mugakizi buuzibwa, lyo mugaamenya ukushuvya bwija ngiisi mundu.

1 Batesaloniki 5:11

Bwo biri kwokwo, mugenderere ukukizi kanania imitima, iri munakizi tabaalana, nga kwo mugweti mugaagira.

Mwigiriza 10:12

Umwitegeereza, amagambo gaage, gali mu ba gasimisiizi. Si umuhwija, yehe, amagambo gaage gali mu múshereeza naaho.

Migani 15:7

Abitegeereza, ikyanya bali mu deta, bali mu kwiza ubumenyi. Si abahwija, imitono yabo iri ya busha.

Migani 12:13

Banangora-mabi, ikyanya bali mu deta amabi, gali mu yami bagwata. Si umundu mwija yehe, ali mu yiyeka naꞌmakuba.

Mataayo 5:16

«Kwokwo, na niinyu, mukizi ba mulengeerwe mu bandu. Imikolezi yinyu miija, ikizi bamoleka mwo, halinde lyo bagibona, banakizi huuza Yisho úli mwiꞌgulu.»

Migani 16:21

Abitegeereza bayijikiini kwo basobanukiirwi, bwaꞌmagambo gaabo gali manunu, banali mu yigiriza bwija bweneene.

Hisaaya 50:4

Nahano Rurema akanjoboleesa ukudeta ku njiri íkwaniini. Kwokwo, ikyanya abandu bali mu ba bakoli luhiri, ndi mu bakania indege. Ngiisi shesheezi, Nahano ali mu zindukiri nvyula, ananyereke ngiisi kwo aloziizi.

Migani 15:23

Ikyanya umundu ashuvya bwija, ishuvyo lyage liri mu shambaazania. Ee! Ikyanya adeta igambo liija ku kyanya kyalyo, liri mu simiisa!

1 Peturu 2:12

Mukizi tuula mu bapagaani ku njira íkwaniini. Kundu bagweti bagamùlega kwo muli bakozi baꞌmabi, haliko boonyene bagakizi yibonera imikolezi yinyu miija. Kwokwo, neꞌkyanya Rurema agayija, bagayiji múyivuga.

Luka 4:22

Yago magambo goꞌbugashaane, ikyanya Yesu âli kizi gadeta, balya bandu booshi banamúhuuza, iri banasoomerwa! Banatondeera ukubuuzania: «Emwe! Uyu, ka atali ye yolya mugala Yusefu?»

Zaburi 5:9

E Nahano wani, abagoma baani, baloziizi ukundeera. Aaho! Ukizi ndongoora mu kati koꞌkuli. Unakizi nyereka injira yo nangatuula mwo bwija.

1 Peturu 3:1

Mwe bakazi, mukizi simbaha bayibalo. Kundu bangaba batasimbahiri Igambo lya Rurema, halikago hali ikyanya bangayiji liyemeera hiꞌgulu lyoꞌkubona ngiisi kwo mwe bakaabo mutuliinwi bwija. Ee! Kundu mwangaba ndaalyo igambo lyo mwababwira,

Bahefeso 4:16

Ye na tumiri amagala gooshi gali mu biikwa kuguma, mu kunanikwa na ngiisi luningo lwago. Na bwo ngiisi kirumbu kiri mu kola, kyo kitumiri amagala gooshi gali mu kula, iri ganayiyubaka mu kati koꞌrukundo.

Bahefeso 4:12

Rurema akagira kwokwo, lyo alonga ukutegaanura abandu baage, balonge ukukizi múkolera bwija, halinde amagala ga Kirisito gayubakwe.

Zaburi 71:24

Ngakizi shiiba ndi mu menyeesa abandu ngiisi kwo uli woꞌkuli. Haliko, ngiisi ábâli loziizi ukungomeeresa boohe, bagagwatwa neꞌshoni, banateteerwe.

Zaburi 45:2

Umutima gwani guyijwiri mwaꞌmagambo manunu-manunu. Kwokwo, ngola ngayimbira mwami inyimbo zoꞌmulengo. Yizo nyimbo, ululimi lwani lugazirongorora bwija, ngoꞌmundu úyiji bweneene ukuyandika.

2 Peturu 2:18

Balya babi, bali mu ravwanga amagambo, mu kuyihaya. Bali mu deta-deta amagambo goꞌbweruzi, mu kushubi tiza ábaki lyosiri mu mahube.

1 Bakorindo 14:19

Kundu kwokwo, ku kyanya ngola mwiꞌshengero, nangasiima ukubwira abandu amagambo gataanu go bagayuvwa, banalonge ukuyigirizibwa, ho nangadeta amagambo bihumbi ikumi geꞌzindi-zindi ndeto.

Barumi 14:19

Ku yukwo, tukizi fiitirwa mu kukizi looza íbigaleeta umutuula mu kati kiitu, halinde tunakizi tabaalana.

Barumi 15:2

Ngiisi muguma witu, akwiriiri akizi simiisa umutuulani wage, gira lyo naye akizi genduukirwa, analonge ukukana mu kati ka Nahano.

Yohana 1:37

Yabo bombi, mbu bayuvwagwe kwokwo, banayami kulikira Yesu.