Baheburaniya 10:33 - Kifuliiru

³³ Abandu bâli kizi mùlibuza, iri banamùyamiriza. Neꞌkyanya abiinyu nabo bakalibuzibwa, mutakabahemukira.

Baheburaniya 10:33 Referans Kwoze

1 Bakorindo 4:9

Twehe twe ndumwa, ngoli bwini kwo Rurema akatubiika ku mbeka, nga ábali mu gendi yitirwa imbere lyaꞌbandu! Tuli mu loleerwa na booshi mu kihugo, kiri naꞌbaganda booshi.

Bafiripi 4:14

Kundu kwokwo, e Bafiripi, mukagiraga bwija mu kundabaala mu makuba gaani.

Bafiripi 1:7

Bingwaniini ngizi yiyuvwa hiꞌgulu liinyu mweshi, bwo mundi ku mutima. Mweshi muli mu longaga ku bugashaane bwa Rurema kuguma na naani, kuba ku kyanya ngoli shwesirwi mu nyumba yeꞌmbohe, kandi iri ku kyanya ndi mu genda ngabulanira Imyazi Miija, mu kuyerekana kwo iri yoꞌkuli.

Baheburaniya 11:36

Abandi baabo, banakubulwa ingoni iri banafukwa akahoogo. Abandi, banashwekwa neꞌminyororo, banalashwa mu nyumba zeꞌmbohe.

1 Batesaloniki 2:14

E beene witu! Mukalibuzibwa naꞌbandu beꞌmwinyu, nga kwaꞌBakirisito ba mu mashengero geꞌBuyahudi, nabo bakalibuzibwa naꞌbaabo Bayahudi.

Hisaaya 51:7

«Mwe musobanukiirwi na íbikwaniini! Munyuvwirize. Mwe mukulikiiri amigirizo gaani! Kundu abandu bagweti bagamùgayiriza, mutabayobohe. Ikyanya bali mu mùhonyoleza, mutakizi batwaza.

Zaburi 74:22

E Rurema, yimukaga maashi, gira uyibulanire! Ukengeere ngiisi kwaꞌbahwija bali mu shiiba bagweti bagakuhonyoleza.

Baheburaniya 13:13

Ku yukwo na nyiitu, tugwanage Yesu inyuma lyaꞌkaaya. Nga ngiisi kwo akalonga ishoni, na nyiitu tugendi zilonga.

Baheburaniya 11:26

Âli langaliiri kwo Rurema agamúhemba. Kyo kikatumaga agaabona kwo kugayirizibwa hiꞌgulu lya Kirisito, kwo kuli naꞌkamaro bweneene ukuhima ubugale bwoshi bwa mu kihugo kyeꞌMiisiri.

2 Timoteyo 1:8

Kwokwo, utakizi fwa ishoni mu kutanga ubumasi hiꞌgulu lya Nahamwitu. Utanakizi fwa ishoni na hiꞌgulu lyani, mbu bwo njwesirwi hiꞌgulu lyage. Haliko na naawe, uyemeerage ukukizi libuuka hiꞌgulu lyeꞌMyazi Miija, ku bushobozi bwo uhaabirwi na Rurema.

2 Bakorindo 12:10

Ngweti ngashagaluka mu bukaholwe bwani hiꞌgulu lya Kirisito. Ndi mu shagaluka kiri na mu bitusi, na mu makuba, na mu kulibuzibwa, na mu kuhahazibwa. Ee! Ikyanya ndi mu ba mu bukaholwe, lyo ndi mu ba mwoꞌbushobozi!

Zakariya 3:8

«E Yoshwa, ulyagagi mugingi mukulu. Na niinyu mwe baabo bagingi! Yuvwirizi! Si mwe muyerekiini íbiki gweti bigayija. Ngolaga ngaleeta umukozi wani, ulya úli mu buuzibwa Ishibwe.

Nahumu 3:6

Ngakufuka kwiꞌjolera, halinde abandu booshi banakuloleere, banakunenuuke.

Zaburi 89:51

E maashi Nahano, ulole umukozi wawe, ngiisi kweꞌbinyamahanga bikola mu múyamiriza, wa yuuhu! Si bikola mu múhonyoleza bweneene! Iyo mihonyolezo yabo, igweti igalyaniisania imitima.

Zaburi 79:12

E Nahano, yibyo binyamahanga kwo bituzungulusiri, ikyanya biri mu kizi kutuka, ubihaniirize ubugira kalinda.

Zaburi 71:7

We kambeereza ubushobozi, we nali mu njuutira. Kwokwo, abandu bingi bakola mu nyigira kwoꞌmugani.

Zaburi 69:9

Mu beene witu, ngolaga nga mundamenywa. Kiri mu bakulu baani, na mu baali baani, mbatuuziri mwo nga kinyamahanga.

Baheburaniya 12:4

Mukuba, kundu muli mu hangana naꞌbanabyaha, si umuko gwinyu gutazi yonwa.