Bagalatiya 1:14 - Kifuliiru

¹⁴ Ku yikyo kyanya, mwiꞌbanga liitu lyeꞌKiyahudi, nie wâli kuliiragi abiitu bingi bo twâli yumiini. Kiri neꞌmigeeza yoshi yo tukasigirwa na bashokuluza biitu, nie nâli fitiirwi bweneene mu kukizi gikulikiriza.

Bagalatiya 1:14 Referans Kwoze

Bakolosaayi 2:8

Hatagire umundu úgamùgwata imbira, mu kumùteba ku magambo goꞌkumúlyeryega, ganali ga busha! Amagambo mwene yago, gali mu lyoka naaho mu bwenge bwaꞌbandu, na mu mabi ágatwaziri kino kihugo. Si gatalyosiri imwa Kirisito!

Mikolezi 26:5

Keera halenga imyaka mingi banyiji. Neꞌri bangasiima, boonyene bangandangira ubumasi kwo nâli kizi kulikiriza imigeeza yoshi yaꞌBafarisaayo. Ee! Abafarisaayo, bo bagweti bagafiitirwa bweneene ku bya Rurema, ukuhima agandi mabanga giitu gooshi.

1 Peturu 1:8

Kundu mutazi bona Yesu, haliko mukoli múkuuziri. Na kundu mutamúbwini, haliko mukoli múbiisiri kwoꞌbwemeere. Munakoli yijuziibwi mwoꞌbushambaale bwaꞌkahebuuza, bwo tutangamenyi deta.

Mikolezi 22:3

«Ndi Muyahudi, mubutirwa weꞌTariso, mu poroveesi yeꞌKirikiya. Haliko, nꞌgalererwa haahano i Yerusaleemu. Gamalyeri, ye kanyigiriza imaaja zooshi zo tukasigirwa na bashokuluza biitu. Nanâli fitiirwi bweneene ku bya Rurema, nga kwoku niinyu mubifitiirwi kwo zeene.

Mataayo 15:6

«Aahago! Ikyanya mugweti mugayemeera kwoꞌmundu akizi kulikiriza imigeeza yinyu, lyo muli mu ba mwadeta kwo agayirize yishe! Kwokwo, kwo mugweti mugalahira Igambo lya Rurema.

Mikolezi 26:9

«Kiri na naani, nâli bwini kwo bingwiriiri ngoleese injira zooshi, mu kubuza iziina lya Yesu weꞌNazareeti.

Yeremiya 9:14

Nahano woꞌbushobozi bwoshi, Rurema waꞌBahisiraheeri, ashubi detaga kwokuno: «Lolagi! Yabo bandu ngabaliisa ibyokulya bilulu, banakizi nywa naꞌmiiji ágali mwo kolobwe.

Hisaaya 57:12

Yago mabi, kundu mugweti mugaatona kwo biri biija, haliko ndaabyo gagamùyungula.

Hisaaya 29:13

Nahamwitu adetaga kwokuno: «Bano bandu bagweti bagaadeta kwo bali beꞌmwani. Kundu bali mu yigiraga mbu banzimbahiri, kuli ku tunwa naaho. Si imitima yabo ikoli yisuuziri hala! Ikyanya bali mu nyikumba, bali mu kulikira imihango naaho, yo bakayigirizibwa naꞌbandu.

Yeremiya 15:2

«Mango bakubuuza, ti: “Tugendage hayi?” unabashuvye kwo Nahano adetaga kwokuno: “Ngiisi ábashungikiirwi ukufwa, bagaafwa nyene. Na ábashungikiirwi kwo bayitwe neꞌngooti, zo ziganabayitaga. Na ábashungikiirwi kwo bayitwe niꞌshali, lyo liganabayita. Na ábashungikiirwi kwo batwalwe imbohe, baganagenda yo.”

Mikolezi 21:20

Iri bakayuvwa kwokwo, banayivuga Rurema, banabwira Pahulu, ti: «E mwene witu, ubwini ngiisi kweꞌbinoono neꞌbinoono byaꞌBayahudi keera bayemeera Yesu. Yabo booshi, bafitiirwi bweneene mu kukulikiriza Imaaja za Musa.

Balaawi 13:16

«Yikyo kihando, iri kyangashubi yuma, kinahinduke kyeru-kyeru, nga kwaꞌmagala gali, uyo mundu akwaniini ashubi galukira imwoꞌmugingi.