Bafiripi 4:13 - Kifuliiru

¹³ Njobwiri ukukizi gira byoshi ku njira ya Kirisito. Mukuba, ye mu mbiika mweꞌmisi.

Bafiripi 4:13 Referans Kwoze

Hisaaya 41:10

Aaho! Bwo nyamiri tutuliinwi, mutakizi yoboha. Ndi Rurema winyu! Ku yukwo, mutashenguke. Ngakizi mùkania, iri ninamùtabaala. Ninamùsikamye, mu kukoleesa ubushobozi bwani.

Bakolosaayi 1:11

Ee! Rurema amùbiikage mweꞌmisi mingi ku bushobozi bwage bwaꞌkahebuuza, halinde mulonge ukukizi yihangaana bweneene ku bwigenderezi bwoshi, na mu kati koꞌmushambaalo.

Bahefeso 6:10

Mu kuyusa, namùbwira: Mukizi sikamaga mu kati ka Nahano, na mu bushobozi bwage bwaꞌkahebuuza!

Bahefeso 3:16

Ngweti ngamúhuuna kwo akizi mùsikamya mu mitima yinyu ku bushobozi bwage, mu kukizi koleesa ubugale bwage bwaꞌkahebuuza ku njira yoꞌMutima gwage.

Yohana 15:7

«Haliko, iri mwanganyama mwo, naꞌmagambo gaani ganamùyame mwo, mugahuuna ngiisi byo muloziizi, munabihaabwe.

Hisaaya 45:24

Abandu bagaadeta hiꞌgulu lyani kwokuno: “Nahano naaho, ye mu gira íbikwaniini, ye na mwene ubushobozi.”» Haliko, ngiisi ábakamúrakarira, boohe, bagakizi múyijira bali jabati-jabati, banateezibwe ishoni.

1 Timoteyo 1:12

Natanga kongwa bweneene imwa Nahamwitu Yesu Kirisito. Mukuba, ye kabona kwo ngwiriiri ukubiikwa mu mukolwa gwage, anakizi mbeereza neꞌmisi yoꞌkukizi gukola.

Mataayo 14:29

Naye, ti: «Yija!» Kwokwo, Peturu anashonooka mu bwato, anayija imunda Yesu agweti agatondagira ku miiji.