2 Samweri 5:13 - Kifuliiru

¹³ Uyo Dahudi, ikyanya akalyoka i Heburooni, anagenda mu kaaya keꞌYerusaleemu, anayanga abakazi bingi, anababuta kwaꞌbaana boꞌbutabana, na boꞌbunyere.

2 Samweri 5:13 Referans Kwoze

1 Kutondobola 3:9

Yabo booshi, bâli bagala Dahudi. Na kwakundi, akabuta abandi batabana ku bakaage beꞌmbuga. Dahudi akabuta noꞌmunyere, iziina lyage ye Tamaari.

Bukengeeze 17:17

«Na kwakundi, mwami atakwiriiri ukuyanga abakazi bingi-bingi. Iri angagira kwokwo, yabo bakazi bangakengeera bamúhubiisa. Atanakwiriiri kwo ayilundire iharija, kandi iri inooro, ku bwingi.

2 Kutondobola 13:21

Uyo Habiya yehe, anagenderera ukusikama, anayanga abakazi ikumi na bana, anabuta abaana boꞌbutabana makumi gabiri na babiri, na boꞌbunyere ikumi na ndatu.

2 Samweri 5:12

Kwokwo, Dahudi anaba naꞌkasiisa kwo Nahano ye kamúyimika abe mwami waꞌBahisiraheeri, na kwo ye mu lumbuusa ubwami bwage. Na íbitumiri Nahano akagira kwokwo, bwo âli kuuziri Abahisiraheeri bweneene.

1 Baami 11:3

Ulya Sulumaani anayangaga abakazi magana galinda. Yabo booshi, bâli riiri baluzi-nyere. Âli gweti naꞌbandi bakazi beꞌmbuga magana gashatu. Balya bakazi booshi, banakizi múhenduula, banamúhabura mu bya Nahano.

1 Samweri 25:43

Dahudi anashubi yanga Ahinwamu weꞌYezereheri. Yabo bakazi bombi, banaba bakaage.

2 Samweri 12:2

Uyo mugale âli hiiti ulukuuli luhamu lweꞌbibuzi, noꞌbuso bweꞌngaavu.

1 Kutondobola 3:1

Ikyanya mwami Dahudi âli ki riiri i Heburooni, akabuta yaba bagala: Ifula yage, ye Hamunooni. Nyina ye wâli Ahinwamu, wa mu kaaya keꞌYezereheri. Noꞌwa kabiri, ye Danyeri. Nyina ye wâli Habigahiri, wa mu kaaya keꞌKarimeeri.