2 Samweri 22:40 - Kifuliiru

⁴⁰ We kanjoboleesa, halinde ngizi gira izibo, wanafukamya abagoma baani mu magulu gaani.

2 Samweri 22:40 Referans Kwoze

Zaburi 44:5

Uli Rurema wani, unali mwami wani. We mu kyula, halinde beene Yakobo banakizi hima.

Bakolosaayi 1:11

Ee! Rurema amùbiikage mweꞌmisi mingi ku bushobozi bwage bwaꞌkahebuuza, halinde mulonge ukukizi yihangaana bweneene ku bwigenderezi bwoshi, na mu kati koꞌmushambaalo.

Hisaaya 60:14

Abagoma biinyu, kundu bâli kizi mùlibuza, halikago, bagakizi yija bagosiri imbere liinyu. Ee! Ngiisi ábâli kizi mùneguraga, leero bagakizi mùfukamira. Bagakizi mùbuuza Kaaya ka Nahano, banamùbuuze Sayuni, kaaya koꞌMutaluule waꞌBahisiraheeri.

Zaburi 18:39

Yabo bagoma baani, bâli kizi gwa mwiꞌdako lyeꞌshando zaani, na mbajigiirize lwoshi-lwoshi, halinde batangaki yimuka.

Bwigule 5:9

Yabo booshi, bâli gweti bagayimba ulwimbo luhyahya kwokuno: «Yiki kitaabo, we kwaniini ukukiyabiira, unakinunguule kweꞌnungu. Mukuba, we wâli tongiirwi. Na ku muko gwawe, kwo ukaguluulira Rurema abandu, ukulyoka mu milala yoshi, na mu ndeto zooshi, na mu makondo gooshi, na mu bihugo byoshi.

Hisaaya 45:5

Niehe, nie Nahano. Ndaanaye gundi Rurema úli ho. Kundu utâli nyiji, si ngweti ngakusikamya.

Zaburi 144:2

Rurema anguuziri, ye na gweti úgandanga. Ye tumiri ndi kikalage, ye nali mu ngiza. Ye siribo yani. Na ndi mu kizi tibitira imwage. Ali mu hima ibinyamahanga, anababiike mwiꞌdako lyani.

Zaburi 18:32

Ndaaye gundi Rurema, átali Nahamwitu naaho. Ee ma! Rurema yenyene, ye lwala lwitu.

1 Samweri 23:5

Kwokwo, Dahudi naꞌbandu baage, banagenda i Kehila. Iri bakahikaga yo, banalwisa Abafirisiti, banabayita mwo bingi bweneene, banashahula ibitugwa bingi. Kwokwo, kwo Dahudi akakiza abatuulaga beꞌKehila.

Zaburi 109:19

Kwokwo naye, yago madaaki gamúbwikire nga mulondo, gamúsokanaane nga mukaba mu kibuno.