2 Samweri 17:12 - Kifuliiru

¹² Ngiisi hooshi ho Dahudi agaaba ali, tugagendi múhiiva. Tunamúmwagukire kwo, nga kweꞌkimi kiri mu mwagukira kwiꞌdaho. Ndaanaye kiri noꞌmuguma úgasigala, aba yehe, kandi iri yabo bo baliriinwi.

2 Samweri 17:12 Referans Kwoze

Hobadiya 1:3

E Bahedoomu, si mwayibona, mbu bwo mutuuziri mu maala ga mu migazi, na bwo muyubasiri inyumba ziinyu áhayinamusiri bweneene. Mugweti mugayikangaata, ti: “Nyandagi úwangatushungulula hano?” Kundu mugweti mugaadeta kwokwo, si mutebesiri!

2 Baami 19:24

Nꞌgahumba ibirigo mu mahanga, nananywa amiiji gaamwo. Keera nanakamya inyiiji zeꞌMiisiri mu kuzifina-fina mwo naaho.

2 Baami 18:23

«“Kwokwo, nayija gira mulagaane na nahamwitu, mwami weꞌHasuriya. Ye wanduma kwokuno: Nga mwangabiiri muhiiti abasirikaani bihumbi bibiri ábayiji ukushonera ku fwarasi, nangamùheereza ifwarasi bihumbi bibiri zo bagashonera kwo. Haliko ndaabo!

1 Baami 20:10

Ulya Beni-Hadaadi analungikira Ahabu yubu bumasi, ti: «Imizimu inyite, iri mu Samariya mwangasigala ulukungu úlwangayijuza ikigasha kya ngiisi muguma mu yaba bandu baani.»

1 Samweri 23:23

Mugendi gahiriza bwija, halinde mumenye ngiisi ho ayibishiri. Ikyanya mugaaba mukola naꞌkasiisa, mukabuli yiji mbwira. Ku yikyo kyanya, iri angaba akiri ho, tugagendanwa, na ngendi múshakula mu mbaga zaꞌBayuda.»

Zaburi 110:3

Ikyanya ugagendi balwisa, abandu baawe bagakuyibiika kwo. Ikyanya ugatondeera ukutwala, ugaaba uyambiiti imirondo mitaluule. Imisi yawe, igakizi ba mihyahya ngiisi lusiku, nga kimi kya shesheezi.

Mika 5:7

Yabo Bahisiraheeri ábasigiiri, bagayiji gingikwa mu mahanga. Bagagingikwa nga ndare mu nyamiishwa za mu lubako, na nga mwana weꞌndare úwayilala mu kiso kyeꞌbibuzi. Iyo ndare, iri mu yami bisimbira kwo, inakizi bijanganula-janganula, ndaanaye úwangabifuusa.