2 Samweri 11:1 - Kifuliiru

¹ Ku ndondeko ya ngiisi mwaka, ku kyanya abaami bali mu genda mwiꞌzibo, Dahudi anatuma Yohabu, naꞌbandi bakulu, kiri naꞌbasirikaani booshi, kwo bagendi lwa. Yabo basirikaani, banagendi gwata Abahamooni imbira, banasokanana naꞌkaaya kaabo keꞌRaba. Si Dahudi âli sigiiri i Yerusaleemu.

2 Samweri 11:1 Referans Kwoze

1 Kutondobola 20:1

Iri kikaba kikola kikamo, ku kyanya abaami bali mu genda mwiꞌzibo, Yohabu anarongoora abasirikaani baage, banagendi teera ikihugo kyaꞌBahamooni, banakishereeza, banagendi sokanana naꞌkaaya keꞌRaba. Si Dahudi âli sigiiri i Yerusaleemu. Kwokwo, Yohabu anagendi teera yako kaaya, anakashereeza, kanashaka.

1 Baami 20:26

Iri hakalenga umwaka, uyo mwami Beni-Hadaadi anakuumania abandu baage, anagenda mu kaaya keꞌHafeeki, mbu alwise Abahisiraheeri.

1 Baami 20:22

Ha nyuma, ulya umuleevi anayijira mwami waꞌBahisiraheeri, anamúbwira: «Ugendi sikama. Uyitoneese bwija ngiisi kwo ugaagira. Mukuba, mu gundi mwaka, ku kyanya mwene kyekino, uyo mwami weꞌHaraamu agashubi yiji kuteera.»

Mwigiriza 3:8

Hali ikyanya kyoꞌkukunda, na kyoꞌkushubi shomba. Hali ikyanya kiꞌzibo, na kyoꞌkushubi longa umutuula.

2 Kutondobola 36:10

Iri hakaba ku ndondeko yoꞌmwaka, uyo mwami Nebukandeneza weꞌBabeeri analungika abandu, kwo bagendi looza mwami Yoyakini weꞌBuyuda. Balya bandu, iri bakamúbona, banamútwala imbohe halinde i Babeeri, banatwala neꞌbindu byoshi byeꞌkishingo bya mu nyumba ya Nahano. Nebukandeneza anayimika Zedekiya, yishe wage Yoyakini, abe mwami ahandu haage.

Bukengeeze 3:11

(Mwami Hoogi, ye wâli ki sigiiri mu Barefahimu. Ingingo yage, ikatulwa mu byuma. Yanâli neꞌmeetere zina, ku meetere hoofi zibiri. Iyo ngingo halinde zeene, ikiri mu kaaya kahamu kaꞌBahamooni, i Raba.)

Hezekyeri 21:20

Yabo bandu bagashenguka bweneene, na bingi baabo bagayami yitwa. Nabiika ingooti ha miryango yabo yoshi. Iyo ngooti, iri mu lyamuza nga mulavyo. Bakoli gifumbiiti, gira bakizi yitana mwo.

Zakariya 14:3

Ha nyuma, birya binyamahanga nabyo, Nahano agabuli gendi bilwisa. Agaalwa nga kwo âli kizi gira kare.

1 Samweri 18:30

Abasirikaani baꞌBafirisiti, banakizi gendi lwisa-lwisa Abahisiraheeri. Haliko, ngiisi kyanya bâli kizi lwa, Dahudi ye wâli kizi longa ubuhimi ukuhima abandi batwali booshi ba Sahuli. Kyanatuma iziina lyage ligakizi lumbuuka.

2 Samweri 10:14

Yabo Bahamooni, iri bakabona kwaꞌBaharaamu bapuumuka, nabo banayami puumuka imbere lya Habishaayi. Banashubi galukira i kaaya. Kwokwo, Yohabu anajanda ukulwisa Abahamooni, naye anagalukira i Yerusaleemu.

Yeremiya 49:2

Nahano anashubi detaga kwokuno: «Mu siku ízigayija, kiri naꞌBahamooni ba mu kaaya keꞌRaba bagayuvwa akaluulu kiꞌzibo. Ikyanya ligaamala, hagasigala ibiguuka naaho. Kiri noꞌtwaya tweꞌbutambi, tugasingoolwa ku muliro. Yabo bandu, kundu bakayimula Abahisiraheeri mu kihugo kyabo, halikago leero Abahisiraheeri bo bagabayimula.» Kwokwo, kwo Nahano adesiri.

Yeremiya 49:3

«E bandu beꞌHeshibooni, mutondeere ukuliruuka. Si akaaya keꞌHayi keera kashereezibwa! E bandu beꞌRaba! Niinyu mubululukage! Muyambale amasuuzu mu kuyerekana umwizingeerwe. Mutibitage iyo munda neꞌyo munda mu luzitiro lwinyu. Si umuzimu gwinyu Mirikomu, gugatwalwa imbohe, kiri naꞌbagingi, naꞌbandi bakulu baagwo.

Hamoosi 1:14

Ku yukwo, inzitiro zaꞌkaaya kaabo keꞌRaba, ngola ngazishonoolera kwoꞌmuliro, gunasingoole kiri neꞌnyumba zaamwo ngomu zooshi. Emwe! Yulwo lusiku, izibo ligakungula ngana-ngana! Hanabaagage ulunganga lwingi, nga lweꞌkihuhuuta.

Zaburi 60:9

Ibihugo byeꞌGiryadi na byeꞌManaasi, biri byeꞌmwani. Ikihugo kyeꞌHifurahimu kiri nga ngofeera yani yeꞌkyuma. Abandu beꞌBuyuda bafumbiiti ingoni yani yeꞌkyami.