2 Peturu 3:10 - Kifuliiru

¹⁰ Lulya lusiku lwo Nahano agagalukaga kwo, lugatutubiira nga muzimba. Igulu ligayami nyerera ku kilundumo kihamu. Na byoshi binasiriizibwe ku muliro. Kwokwo, ikihugo na íbiri mwo byoshi, binasigale bwanuula.

2 Peturu 3:10 Referans Kwoze

Bwigule 21:1

Haaho, nanabonaga igulu lihyahya, neꞌkihugo kihyahya. Mukuba, igulu lya mbere, neꞌkihugo kya mbere, byâli mali lenga. Kiri neꞌnyaaja, zitâli ki riiri ho.

Mataayo 24:35

Igulu neꞌkihugo, bigaahera. Haliko amagambo gaani, goohe gatâye here!

2 Peturu 3:7

Mu kwokwo kukyula kwa Rurema, igulu neꞌkihugo, nga ngiisi kwo biri ho buno, bilindiriziibwi ulusiku lwoꞌkutwa kweꞌmaaja. Ku lwolwo lusiku, bigasingoolwa, halinde abandu ábatakatwazagya Rurema banayami minikwa.

Bwigule 16:15

«Mumenyage bwija kwo ngamùtubiira nga muzimba! Ahiriirwi ngiisi úli mu yama alaliiri. Anayame ayambiiti ikyambalwa kyage, atayiji kengeera agenda bukondwe imbere lyaꞌbandu, ishoni zinamùtetereze.»

Hisaaya 51:6

Muyinamulage amasu, munalegamire mwiꞌgulu, munalole na haashi mu kihugo. Yiryo igulu liganyerera duba nga kyusi. Neꞌkihugo kinahule nga mulondo. Ngiisi ábakituuziri mwo, bagaafwa nga saazi. Kundu kwokwo, ubukize bwani bwohe, bugaaba bweꞌmyaka neꞌmyakuula. Ubwija bwani butâye male.

1 Batesaloniki 5:2

Si mwenyene muyijagi kwoꞌlusiku lwa Nahamwitu lugatutubiira, nga kwoꞌmuzimba ali mu tubiirana bushigi.

Mariko 13:31

Igulu neꞌkihugo, bigaahera. Haliko, amagambo gaani, goohe gatâye here!

Hisaaya 34:4

Igulu ligabungwa-bungwa, nga kwo bali mu bunga ikitaabo kibungirize. Indonde íziryagagi kwiꞌgulu zooshi, zinajongoloke, zinayume nga bibabi byeꞌmilandira, kandi iri nga bishulu byumu byoꞌmutiini. Zooshi zinabugumukire mu kihugo.

Bwigule 3:3

Galya migirizo go keera mukayuvwa, mwanagayakiira, mukizi gakengeera, iri munagasimbaha. Neꞌbyaha biinyu, mubitwikire kwo. Mukuba, iri mutangasisimuka, ngamùyijira ku kyanya mutayiji. Ee! Ngamùtubiira nga muzimba.

Luka 12:39

«Mumenye bwija, mwene inyumba ákimenye ikihe kyoꞌmuzimba agayija kwo, nga akayitegaanura, halinde inyumba yage itayiji tulwa.

Zaburi 102:26

Yaho keera, we kabumba ikihugo. Kiri niꞌgulu, we kalibumba naꞌmaboko gaawe.

Bwigule 20:11

Nanabonaga ikitumbi kihamu kyoꞌbwami, kyeru pepeepe! Nanabona na úwâli kibwatiiri kwo. Ikihugo niꞌgulu byanayami nyerera imbere lyage. Mukuba, hatakaki boneka ho bigabeera.

Nahumu 1:5

Hiꞌgulu lya Rurema, imigazi iri mu shagala, noꞌtugangazi tunajongoloke, tunanyerere. Ikihugo kiri mu jugumbana imbere lyage, kuguma na booshi ábatuuziri mwo.

Hamoosi 9:5

Nahano woꞌbushobozi bwoshi, ikyanya ali mu huma ku kihugo, kinayami jugumbana. Ikihugo kiri mu yami heema ngoꞌlwiji Niire ku kyanya kyeꞌnvula, kinashubi yema. Kwokwo, abandu booshi banayami bululuka mu kigandaaro.

1 Bakorindo 5:5

Haaho uyo mundu, munamútange imwa Shetaani, gira amagala gaage gashereezibwe! Haliko, umutima gwage gwohe, gukalonge ukukizibwa ku lusiku lwo Nahano agagaluka kwo.

Mika 1:4

Amalambo gakoli gweti gagajongoloka mwiꞌdako lyaꞌmagulu gaage, iri ganahingira mu tubanda, nga bulembo úbwajongoloka. Ganali nga miiji ágali mu golomba ku higangazi.

Hisaaya 24:19

Ikihugo kikoli vunisiri. Ee! Keera kyabereka, mu kujuguuvibwa.

Zaburi 97:5

Nahano ye mwene amahanga gooshi. Kiri neꞌmigazi, iri mu kizi jongoloka imbere lyage nga bulungu.

Hamoosi 9:13

Nahano adetaga kwokuno: «Mu yizo siku, mugaaba neꞌbyokulya íbiri tiita. Ingano neꞌmizabibu, bigayera duba bweneene, halinde mutanabe neꞌkyanya kyoꞌkuyimbula byoshi. Imigazi igakizi hinga kweꞌdivaayi nunu, kiri na ku tugangazi.

Yuheeri 2:1

Mulasagye ikibuga mu kaaya keꞌSayuni! Mubandire akashiba ku mugazi gwani mutaluule, gira abandu bayiji lwa. E batuulaga beꞌBuyuda, mujugume mweshi! Mukuba, ulusiku lwo Nahano agayiji twa kweꞌmaaja, lukola lugaahika.

Yuheeri 1:15

Lulya lusiku lwa Nahano woꞌbushobozi bwoshi, keera lwayegerera, Lunali lusiku lwo agayiji shereeza kwo. Lulya lusiku, lugaleeza abandu mweꞌkihuumula.

Hisaaya 2:12

Ngiisi ábagweti bagayikuza, mu lwolwo lusiku, Nahano woꞌbushobozi bwoshi agabahana, anabatindimaze.

Barumi 8:20

Byoshi íbikabumbwa, bikashungikirwa kwo biri bya kulenga naaho. Yukwo kulenga, kutali ku bulooze bwabyo byonyene. Si Rurema ye kabishungikira kwokwo, nga ngiisi kwo âli loziizi. Kundu kwokwo, hakiri umulangaaliro

Zaburi 46:6

Na bwo Rurema ali mwo, katâye shaganibwe. Si agayiji katabaala ku lukula.

Yuda 1:6

Kiri naꞌbaganda baguma, ikyanya akabaheereza ubutwali, banabugayiriza. Banatyoza na ho bâli tuuziri. Kwokwo, Rurema anabadendeka neꞌmirinda halinde imyakuula, banabeera mu kihulu. Anabalindiriziizi ulusiku lukulu lwo bagatwirwa kweꞌmaaja.

1 Bakorindo 1:8

Aganakizi mùsikamya halinde ukuheza, gira mukagwanwe muli bazira buhube ku lusiku lwo agagaluka kwo.

1 Batesaloniki 5:4

E beene witu! Mwehe, yulwo lusiku lutagamùtubiira nga muzimba. Mukuba, mutaki tuuziri mu kihulu.

2 Peturu 3:11

Ku yulwo lusiku, igulu ligasiriizibwa. Neꞌbindu byoshi binajongoloke. Bweꞌbindu byoshi bigashereezibwa mwene kwokwo, kutagi kwo mukwiriiri ukutuula? Mukizi tuula mu kati koꞌbweru, ku njira ísimisiizi Rurema. Munakizi lindirira ulusiku lwoꞌkugaluka kwage, iri munakizi gira íbyangatuma lugayija duba.

Bwigule 6:14

Igulu lyanabungwa-bungwa, nga kwo bali mu bunga-bunga ikitaabo kibungirize, lyananyerera! Imigazi yoshi, na ngiisi tulira twoshi, nabyo byanashaazibwa ho byâli riiri!