1 Yohana 3:19 - Kifuliiru

¹⁹ Kwokwo, kwo twangamenyera akasiisa kwo tuli bandu boꞌkuli, halinde imitima yitu inatuuze imbere lya Rurema.

1 Yohana 3:19 Referans Kwoze

Baheburaniya 10:22

Kwokwo, tuyegeere Rurema ku bushagaluke, mu kumúbiika kwoꞌbwemeere. Kundu ibyaha byâli kizi tuteera ibihamba mu mitima yitu, haliko keera bikayeruusibwa. Kiri naꞌmagala giitu kwakundi, gakola mashuke naꞌmiiji meeru.

1 Yohana 3:21

E bakundwa baani! Iri imitima yitu itangatulega, iri tugakizi tuula imbere lya Rurema buzira kyoba.

Hisaaya 32:17

Yukwo kuli, ikyanya bagakukulikiriza, lyo bagalonga umutuula. Abandu banabe batuuziri noꞌmutuula noꞌbutoge, halinde imyaka neꞌmyakuula.

Yohana 18:37

Pilaato anashubi múbuuza: «Aaho! Ka kwo kudeta kwo uli mwami?» Yesu, ti: «Si wenyene keera wadeta kwo ndi mwami! Na íbikatuma nꞌgabutwa hano mu kihugo, gira ngizi tanga ubumasi hiꞌgulu lyoꞌkuli. Neꞌri umundu angaba ali woꞌkuli, ali mu nyuvwiriza.»

1 Yohana 1:8

Iri twangayihumeeraga kwo ndaabyo byaha tuli mu gira, iri twayiteba twenyene. Noꞌkuli, iri kutatuli mwo.

2 Timoteyo 1:12

Yo na yeyo, yo itumiri ngweti ngalongaga yaga malibu. Kundu kwokwo, ndayuvwiti ishoni. Nyiji Yesu bwija, ninamúbiisiri kwoꞌbwemeere. Na ndi naꞌkasiisa kwo ngiisi byo akanzikiiriza, ashobwiri ukukizi bilanga, halinde ukuhisa ku lusiku lwo agagaluka kwo.

Barumi 4:21

Mukuba, ngiisi byo Rurema akamúlagaania, âli riiri naꞌkasiisa kwo Rurema ali noꞌbushobozi bwoꞌkumúgirira byo.

Yohana 13:35

Neꞌri mwangakizi kundana, lyaꞌbandu booshi bagaamenya kwo muli bigirizibwa baani.»

1 Yohana 3:14

Twehe twenyene tukoli kundiini. Tutaki tuuziri mu lufu. Si tukoli yiji kwo tukola bagumaana. Haliko, iri abandu bangaba batakundiini, boohe, bakiri mu lufu.

Baheburaniya 11:13

Yabo bandu booshi bâli kizi fwa bali noꞌbwemeere. Kundu kwokwo, batakalonga byo akabalagaania. Si bâli kizi bilangiiriza ku hala, iri banabishambaalira. Banakizi yemeera kwo bali binyamahanga mu kihugo, na kwo bashumbisiri mwo naaho.

Barumi 8:38

Na ndi naꞌkasiisa kwo ndaakyo kindu kyoshi íkyangatuhandula noꞌrukundo lwa Rurema, kuba kufwa, kandi iri buba bugumaana. Baba baganda, kandi iri mizimu, kandi iri bandi banabushobozi ba mu kyanyaanya. Biba bya mu zino siku, kandi iri bya mu siku ízâye yije. Biba bya mwiꞌgulu, kandi iri bya mu kuzimu. Mu bikabumbwa byoshi, ndaakyo kindu íkyangatuhandula noꞌrukundo lwa Rurema, kwo luli mu kati ka Nahamwitu Yesu Kirisito!

1 Yohana 2:21

Íbitumiri namùyandikira yaga maruba, kutali mbu bwo mutayiji ukuli. Si namùyandikira go, bwo mukoli kuyiji. Ndaabyo bibeesha íbikulyosiri mwo.

1 Yohana 3:20

Kundu imitima yitu yangatulega, haliko Rurema ye gihimiri. Yehe, ayiji byoshi.

Zaburi 119:56

Ee! Nyamiri ndi mu zisimbaha.