1 Yohana 1:5 - Kifuliiru

⁵ Indumwa yo tukayuvwa imwage, yo na niinyu tugweti tugamùmenyeesa, kwo Rurema ye mulengeerwe. Ndaanakyo kihulu íkimúli mwo.

1 Yohana 1:5 Referans Kwoze

Yohana 8:12

Yesu anashubi bwira abandu: «Niehe, nie mulengeerwe gweꞌkihugo! Umundu, iri angaba angulikiiri, atâye ki gende mu kihulu. Si agaaba akola noꞌmulengeerwe úguli mu leeta ubugumaana.»

Yakobo 1:17

Ngiisi kindu kiija kyo tuli mu longa, kinabe kitungiini, kyohe kiri mu lyoka mwiꞌgulu imwa Rurema. Yehe, ali Yishe weꞌmirengeerwe, atanali mu hinda-hinda nga bimbehwa.

Hisaaya 60:19

Mwiꞌzuuba, mutagaki ba niꞌgoorwa mbwiꞌzuuba likizi mùtanguulira. Kiri na mu bushigi, mutagaki molekerwa noꞌmwezi. Mukuba, ubulangashane bwa Rurema Nahamwinyu, bwo bugakizi mùtanguulira mwo imyaka neꞌmyakuula!

Zaburi 27:1

Izaburi ya Dahudi. Nahano ye mulengeerwe gwani, ye nali mu ngiza. Aaho! Nyandi ye ngaki yoboha? Nahano ye mu ndanga, gira ndayitwe. Nyandagi úwangaki ndeera ikyoba?

Yohana 1:9

Uyo mulengeerwe nirizina, akayija mu kihugo, anatanguulira abandu booshi.

Yohana 1:4

Yehe, âli riiri mwoꞌbugumaana, bwanakizi tanguula mu bandu booshi.

Yohana 9:5

Haliko, ku kyanya ngiri mu kihugo, ndi mulengeerwe gwakyo.»

Bwigule 22:5

Mu yako kaaya, mutagaaba ubushigi. Batagaanaba niꞌgoorwa lyoꞌkukizi yakirwa niꞌzuuba, kandi iri lyoꞌkukizi molekerwa niꞌtara. Mukuba, Nahano Rurema, yenyene ye gakizi batanguulira. Baganayama batwaziri imyaka neꞌmyakuula!

Bwigule 21:23

Yako kaaya katalyagagi niꞌgoorwa mbu kayakirwe niꞌzuuba, kandi iri mwezi. Mukuba, ubulangashane bwa Rurema, bwo buli mu katanguula mwo. Kirya Kyanabuzi, lyo niꞌtara lyamwo.

Zaburi 36:9

Yabo booshi, uli mu bayigusa ku bugale bwa mu nyumba yawe, unali mu banywesa ku lwiji úluli mu bashambaaza.

1 Timoteyo 6:16

Yehe naaho ye yamiri ho, anatuuziri mu mulengeerwe gwo tutangayegeera. Ndaaye mundu úzindi múbona. Ndaanaye úshobwiri ukumúbona. Akizi yama ali mu haabwa ulushaagwa noꞌbukalage imyaka neꞌmyakuula! Bikizi ba kwokwo!

Zaburi 84:11

Iri nangahisa ulusiku luguma naaho ndi mu nyumba yawe, luhimiri isiku kihumbi zo nangamaziri ndi handi-handi. Nanganasiima ukukizi langa imiryango yeꞌnyumba ya Rurema wani, ho nangatuula mu nyumba za banangora-mabi.

1 Yohana 3:11

Ukulyokera ku ndondeko, mwâli kizi bwirwa kwo tukizi kundana.

1 Bakorindo 11:23

Amigirizo go nꞌgahaabwa na Nahano, go na gaago niinyu, nꞌgamùyigiriza: Mu bulya bushigi bwo Nahamwitu Yesu akatangwa mu bagoma baage, akayabiira umukate.

Zaburi 139:12

Kundu kwokwo, imwawe, yikyo kihulu kigaaba nga ndaakyo. Ubushigi bugatanguula imbere lyawe ngiꞌzuuba. Mukuba, imwawe, ikihulu noꞌmulengeerwe, byo biguma.

Hisaaya 2:5

E beene Yakobo, muyijage, tukizi genda mu mulengeerwe gwa Nahano!

Danyeri 2:22

Íbiri mu kihulu, binabe biki bishirwi, abiyiji-yiji byoshi. Na kundu bibishamiri mu bumbishwa, haliko, ayamiri ali mu bibishuula. Mukuba, yenyene atuuziri mu mulengeerwe.

Yohana 1:19

Uyo Yohana akatanga ubumasi ku bweranyange. Mukuba, ikyanya abakulu baꞌBayahudi beꞌYerusaleemu bakamútumira abagingi naꞌBalaawi, mbu bagendi múbuuza kwo ali nyandi,