1 Timoteyo 2:9 - Kifuliiru

⁹ Na ku luhande lwaꞌbakazi, ndoziizi kwo bakizi yitonda mu kuyambala imirondo. Kube ku njira íkwaniini, buzira kuteezania ishoni. Ukuyilimbiisa kwabo, kutakizi ba mu kulukiisa imishaku, kandi iri mu kuyambala imbembe, kandi iri íbyatulwa mu nooro. Batanakizi yambala imirondo yeꞌkishingo kikayu.

1 Timoteyo 2:9 Referans Kwoze

Yeremiya 4:30

E bandu beꞌYerusaleemu, kutagi leero mugaagira? Si keera mwashereezibwa lwoshi-lwoshi! E bandu beꞌBuyuda, kituma kikagi muki gweti mugayambala ibyambalwa byoꞌmulimbo? Munakiri mu yilimbiisa noꞌbungeni-ngeni úbukatulwa mu nooro! Na kituma kikagi mukiri mu yilaba ishalo nyiiru-nyiiru ku masu? Yukwo kuyilimbiisa kwinyu, si kulyagagi kwa busha! Si buno, biira biinyu keera bamùnenuuka, banakoli mùhigiiri, kwo bamùyite!

Zaburi 149:4

Nahano asiimiri abandu baage. Ngiisi ábali batuudu, ali mu bakiza, anabagingike.

Hisaaya 3:16

Nahano adetaga kwokuno: «Abakazi beꞌYerusaleemu, bagweti bagayikangaata. Ehee! Amagosi gaabo, bali mu genda bagabangalaziizi. Amasu gaabo, gagweti gagakizi kimura, mu kuyeruzania. Banali mu kizi genda ku mulimbo, iri banalasa amayunga ku magulu gaabo.

Yeremiya 2:32

Umunyere, si atangayibagira ukuyilimbiisa noꞌbungeni-ngeni bwage! Noꞌmuhya-kazi atangayibagira ukuyambala ikanju lyage lyoꞌbuhya! Halikago abandu baani boohe, bakoli hisiizi isiku kandaharuurwa banyibagiiri.

2 Baami 9:30

Ikyanya Yehu akahika i Yezereheri, Yezebeeri âli mali menya ngiisi íbyakoleka. Haaho, anayishiiga uluhemba ku masu, anayumaanania umushaku gwage, anagendi lingulira haashi mu kaazo.

Migani 7:10

Lyeryo, ulya mukazi anahuluka, anamúyegeera. Âli koli yilimbisiizi nga mukazi mushule, anâli loziizi ukumúlyerega.

Ndondeko 24:53

Anahambuula ibindu íbikatulwa mu harija, na mu nooro, kuguma neꞌbyambalwa. Yibyo byoshi, anabifumbadika Rebeka. Mushija wa Rebeka, bo na nyina, nabo anabaheereza ibindi bindu byeꞌkishingo.

Hisaaya 61:4

Utwaya útusigiiri biguuka, leero bagatuyubakulula. Na kundu twâli koli maziri imyaka mingi tusibiri, si bagatushakuulula.

Hesiteeri 5:1

Ikyanya Abayahudi bakaba keera bayishalisa zirya siku zishatu, Hesiteeri anayambala ikanju lyoꞌmulimbo lyeꞌkigoli, anagenda mu lubuga lwaꞌkajumiro, anayimanga imbere lyeꞌkisiika. Mwami, âli bwatiiri ku kitumbi kyage, atungiini ku mulyango gwoꞌlubuga.

Migani 31:22

Yenyene, ali mu kizi yilingaaniza ibyajo. Anali mu yambala íbiri mu hangwa mu kitaani, binali bya kituku-tuku.

Mataayo 11:8

Aaho! Biki byo mwâli kizi gendi loleera? Ka mundu úyambiiti imirondo yoꞌmulimbo? Nanga! Si ngiisi ábayambiiti imirondo mwene yo, bali mu ba batuuziri mu tujumiro!

Migani 31:25

Ali mu ba neꞌmisi mingi, anali mu shaagwa. Neꞌkyanya ali mu yisaliza ku bigayija, ali mu yimwemuza.

1 Timoteyo 2:10

Haliko, bakizi gira imikolezi miija. Ee! Mu bakazi ábali mu yideta kwo basimbahiri Rurema, kwokwo kwo bibakwaniini.