1 Samweri 7:12 - Kifuliiru

¹² Samweri anayabiiraga ibuye, analishinga ha kati keꞌMisipa neꞌSheeni. Yiryo ibuye, analiyinika iziina Hebenezeeri, iri anadeta: «Halinde buno, Nahano aki gweti agatutabaala.»

1 Samweri 7:12 Referans Kwoze

2 Bakorindo 1:10

Ku kyanya twâli kolaga imbere lyoꞌlufu, Rurema anatukiza. Ye tunabiisiri kwoꞌmulangaaliro kwo agagenderera ukutukiza.

Yoshwa 4:9

Yoshwa anayabiira agandi mabuye ikumi na gabiri, anagashinga mu kati koꞌlwiji Yorodaani, haꞌbagingi bâli yimaaziri naꞌKajumba keꞌKihango. Yago mabuye nago, gakiri haaho halinde zeene.

Mikolezi 26:22

Kundu kwokwo, Rurema agweti agandabaala, halinde zeene. Kyo kitumiri ngoli yimaaziri hano imbere lyaꞌbakulu, neꞌmbere lyaꞌbagunda kwakundi, mu kutanga ubumasi. «Ndaanago gandi magambo go ndi mu deta, gátali gaagalya ágâli mali gwanwa gadetwa naꞌbaleevi. Kiri na Musa akadeta kwo gâye be.

Ndondeko 22:14

Yaho handu, Hiburahimu anahayinika iziina «Nahano agayiheereza». Kyo kitumiri halinde zeene, hali mu detwa: «Nahano yenyene agayiheereza ku mugazi gwage.»

Ndondeko 35:14

Yaho handu, Yakobo anahashinga ibuye lyoꞌbukengeeze. Mukuba, ho Rurema akamúganuuliza. Analitaluula, mu kuliyonera kweꞌdivaayi naꞌmavuta.

1 Samweri 5:1

Abafirisiti, iri bakaba keera bagwata Akajumba ka Rurema imbira, banakalyosa i Hebenezeeri, banakatwala mu kaaya kaabo keꞌHashidoodi.

Hisaaya 19:19

Ku yikyo kyanya, ha kati keꞌkihugo kyeꞌMiisiri, hagabiikwa akatanda koꞌkusiriigiza Nahano kwaꞌmatuulo. Na ku lubibi lwakyo, hagaaba inguliro yaꞌmabuye, hiꞌgulu lyoꞌkukengeezania ibya Rurema.

Zaburi 71:17

E Rurema, wâli kizi nyigiriza ukulyokera ubusore bwani. Halinde na zeene, ngakizi menyeesa imikolezi yawe ya kahebuuza.

1 Samweri 4:1

Amagambo ga Samweri ganakizi lumbuuka mu Bahisiraheeri booshi. Ku yikyo kyanya, Abahisiraheeri banagendi lwisa Abafirisiti. Neꞌkyanya bakagenda, banashumbika i Hebenezeeri. Abafirisiti nabo, banashumbika i Hafeeki.

Kulyoka 17:15

Kwokwo, Musa anayubaka akatanda koꞌkusiriigiza kwaꞌmatuulo, anakayinika iziina «Nahano, yiꞌRembera Lyani».

1 Samweri 7:11

Abahisiraheeri banayami genda babalandiriziizi iri banabayita, banabahisa hoofi naꞌkaaya keꞌBeeti-Kaari.

1 Samweri 14:35

Ha nyuma, Sahuli anahayubakira Nahano akatanda. Kanali ko katanda ka mbere ko akamúyubakira.