1 Samweri 7:10 - Kifuliiru

¹⁰ Lirya ituulo, ikyanya Samweri akaba akiri mu litanga, Abafirisiti banaba keera bayija, gira bateere Abahisiraheeri. Haaho, Nahano anakyula mwiꞌgulu, kwiꞌzu lihamu nga lya mukungulo. Balya Bafirisiti, iri bakayuvwa kwokwo, banayami shindibuka, banashaabuka.

1 Samweri 7:10 Referans Kwoze

1 Samweri 2:10

si ngiisi ábali mu hagana na Nahano bagatemwa-temwa biniga-biniga. Agalavya hiꞌgulu lyabo, nga mulavyo ukulyoka hiꞌgulu, ye ganahana amahanga gooshi. Agaheereza mwami wage imisi. Ee! Bwo keera akamútoola, aganamúhuuza.»

1 Samweri 12:17

Buno, ka kitali kyo kyanya kyoꞌkugesha ingano? Kundu kwokwo, ngola ngahuuna Nahano aleete invula, kuguma neꞌmilavyo. Haaho, lyo mugasobanukirwa kwo mwagira amabi imbere lya Nahano, mu kuyiloogeza umwami.»

Batwi beꞌmaaja 5:20

Mu yiryo izibo, kiri neꞌndonde za mwiꞌgulu, zikalilwa mwo. Zanakizi kulikira injira zaazo, mu kulwisa uyo mwami Siseera.

Yoshwa 10:10

Haaho yabo Bahamoori, Nahano anababuligania imbere lyaꞌBahisiraheeri, halinde banalabikwa mwaꞌbandu bingi i Gibyoni. Abahisiraheeri banagenda babayimwiri, halinde ku mudulumuko gweꞌBeeti-Horoni, banabahiiva ukulyokera i Hazeeka, halinde i Makeeda. Yaho hooshi, bakahaminikira abandu bingi.

Zakariya 4:6

Haaho, ulya muganda anambwira: «Nahano agweti agabwira Zurubaberi kwokuno: Ukuhasha kwawe, kutagaaba ku misi yawe, kandi iri ku bushobozi bwawe. Si ugaahasha naaho ku butabaazi bwoꞌMutima gwani.

Batwi beꞌmaaja 5:8

Ikyanya Abahisiraheeri bakatondeera ukuyikumba ibindi-bindi, mu kihugo kyabo, mwanayami yingira izibo. E balya, mu bandu bihumbi makumi gana byaꞌBahisiraheeri, hatakaboneka weꞌngooti, kandi iri weꞌsiribo.

Batwi beꞌmaaja 4:15

Uyo Baraka, mbu akunguze izibo, Siseera ngana, Nahano anayami múbiika mweꞌkyoba, anayoboheesa naꞌbasirikaani, kiri na ábâli riiri mu magaare gaabo. Siseera anasiga ajanda igaare lyage, anasuula umulindi, akasiizira ha ngoto.

1 Samweri 7:11

Abahisiraheeri banayami genda babalandiriziizi iri banabayita, banabahisa hoofi naꞌkaaya keꞌBeeti-Kaari.

1 Samweri 14:15

Lyeryo, yabo basirikaani booshi baꞌBafirisiti, banakanguka. Baguma bâli riiri mu shumbi, naꞌbandi mu mbingiro, hali naꞌbandi bâli kizi gendi teera. Haaho, ikihugo kyanalenga mwoꞌmusisi, halinde booshi banashenguka bweneene.

Zaburi 29:3

Izu lya Nahano Rurema, liri mu yuvwikana ku miiji. Na bwo ali mwoꞌbulangashane, ali mu kizi kungula. Ee! Ali mu kizi kungula hiꞌgulu lyeꞌnyaaja.

Zaburi 29:4

Yiryo izu lyage, liri noꞌbushobozi bweneene, linali lya kahebuuza.

Bukengeeze 28:7

«Ikyanya abagoma bagakizi yiji mùteera, Nahano agakizi mùhimira bo. Ngeeka mu kumùyijira, bangayija mu njira nguma. Si mu kumùtibita, bakizi shaabuka mu njira zirinda.

Zaburi 18:15

Anavugumula abagoma baani mweꞌmyambi, banashaabuka. Analeeta neꞌmilavyo, yanabayimula.

Zaburi 78:66

anagendi hima abagoma baage. Anababonie ishoni, halinde imyaka neꞌmyakuula.